JOSHUA 22:9 - Cho Bible Common Language 2016

⁹ Cun ah kyasei Reuben, Kad la Akiang täng Manasseh pakhui gui cu amiim ah hteit ba ci gui. Ngami naw Kanaan khaw Shilon ung pawih ciah Israel gui cu nawng shüt gui ci gui. Cun ung tün ne ami mät ah khaw, Kilead khaw ung ng’tün ci gui. Cun cu Bawipa naw Moses ung ang thumkhän ah mäih ah ngami naw ami läk ah kyak ci.

JOSHUA 22:9 Referans Kwoze

KHEI NAK 32:29

“Kad la Reuben chang gui naw Jordan tuinu hei kat ne, ng’tuk gei vai ah Bawipa ah thumkhän ka ung ami pawng law ung, ngami ah bawm nak awn nangmi naw cun ah khaw cu nami khäm khai, cun kawn ah Kilead khaw cu ngami ah ka vai ah nami pek gui vai.

KHEI NAK 32:26

Kami chu gui, kami hta gui la kami sei gui kami me gui cu shin ah Kilead khaw gawnu ung om shüt khai gui.

KHEI NAK 32:1

Reuben la Kad pakhui gui naw akda vuhchah ci gui. Ngami naw Jazer la Kilead khaw cu seipat vuh nak vai ah ang htei ah ni sei hmu u neta,

SAM 60:7

Kilead cu ka khaw, Manasseh phi ka khaw. Ephraim cu ka lukhu, Judah cu ka bawimang ang dang nak ah kyak ci.

JOSHUA 13:31

Acun ung Kilead khaw ateih, Bashan khaw, Ok ah uknak ung mang gawnu ah kyak ciah Ashtaroth la Edrei gui k’um ci. Shin gui avan cu Manaseeh ah hta Machir ah ng’shon kyong chang a teih am pek ah kyak ci.

JOSHUA 13:25

Ngami ah khopäng ung Jayer la Kilead mang gaw avan, Ammon khaw ateih Aroer ung khüt ci, cun cu Rabbah ah a kyangtäng ah kyak ci.

JOSHUA 13:11

Acun ung Kilead, Keshur la Maakah khaw, Hermon m’htung avan la Salekah ah khüt ciah Bashan khaw avan ah kyak ci.

JOSHUA 22:10

Reuben, Kad la a kyangtäng Manasseh pakhui gui cu Keliloth, Jordan ah akhei täng ung gawk law u neta, ngami naw tuinu kem ung akdäm angtai ah sonkyang cu co ci gui.

SUKI GUI 5:17

Kad pakhui cu Jordan a kiangtäng ung om shüt ci, Dan pakhui cu htinpaw ung om shüt ci. Asher pakhui cu tuinu-ken ung om ci gui, Ngami cu tui lawng ung om shüt ci gui.

2 SAMUEL 2:9

A cu ah Abner naw Ishbosheth cu, Kilead, Asher, Jezreelaa, Ephraim la Benjamin khaw gui ah ghangpughang, akcang ah Israel khaw avan uk khai ah hmoh ci.

1 SHONTÄP NAK 5:9

Kilead Khaw ung ami seime gui da law aih khäta, a kiangtäng khaw ng’gau ung khüt ne, Euphratis Tuinu lam avan cu ngami naw khäm ci gui.

KHEI NAK 32:20

Moses naw, “Nami pyen cu akcang nami pyen ah a kyak ung, shin ung Bawipa ah om nak ung ng’tuk ge vai ah nami pawng vai nei.

KHEI NAK 32:22

khaw ung khawh gui phi ami lak vai. Cun kawn ah nami hteh ba vai, nangmi naw Bawipa ung nami bi vai la nami Israel paw gui ung nami bi vai cu nami kümbe sak vai. Cun kawn ah Jordan tui ah a kiangtäng cu nangmi ah ka ah kyak ciah Bawipa naw k’bäi khai.

THULÄÄN NAK 3:18

Acun ah akhin ung kei naw shin ah m’shümthein nak gui cu ka pe gui ci; Bawipa mi Khanpughi naw shin ah khaw, Jordan tuinu ah a kiangtäng cu nami khäm vai ah ning pe gui ci. Tuhbäi ng’tuk khai ah nami chang gui cu likhim pe ne a hei Israel pakhui gui ah ma ung ana ma ne, Jordan tuinu na kat ne ami khaw khäm nak ung bawm gui khai ah ana tüi gui vä.

THULÄÄN NAK 3:20

Nami Israel chang paw gui cu nami m’htei gui vai. Bawipa naw a pek gui ah Jordan tuinu ah akhei täng khaw kä ami khäm pha ah chuih shiah nangmi ah phäh ah ami bi pyi ah mäih ah Bawipa naw a cu ah dimdeeih nak awn kä ah om püi gui pha ah chuih nami bawm gui vai. Cun kawn ah kei naw ka ning ap gui ah shin ah khaw ung nangmi nami law ba hning ci.

THULÄÄN NAK 34:1

Moses cu Moab khawdo ungka naw Nebo m’htung ah hteit ci. Cun ungka naw Jerikho ah hni kyak lam Piskah m’htunglai ung hteit ci. A cu ah Bawipa naw khaw avan m’hnuh ci. Cun cu Kilead khopäng, a siiptäng Dan gawnu ung khüt ci.

SUKI GUI 20:1

Israel chang gui avan, a siiptäng Dan ungka naw a htumtäng Beersheba ung khüt ci, a kyangtäng Kilead khaw ungka naw avan cu ng’khü tuk ci gui. Ngami cu Mizpah ung Bawipa ah ma ah tumat ah ng’tum ci gui.