JOSHUA 22:6 - Cho Bible Common Language 2016

^6-8 Joshua naw hriham pe gui ne ami im ah tüi ba gui neta, shin ah m’cäi gui ci, “Nangmi cu ang htei ah bühmang ne, nami im ah nami hteit ba ci, vuhchah akda, ngui, ghui, kyei, m’sii la suisak akda nami hteh püi ci. Nami ga gui ah kaa nami lak gui cu nami pakhui chang paw gui am nami pai tu gui vai” ciah kyak ci. Cun kawn ah ngami cu ami im ah hteit ba ci gui. Moses naw Jordan a kyangtäng khaw cu Manasseh pakhui ateih am pe gui ci. Cun ung phi a hei ateih am Joshua naw Jordan akhei täng khaw cu a hei pakhui gui awn ngtäi khai ah pe gui ci.

JOSHUA 22:6 Referans Kwoze

JOSHUA 14:13

Joshua naw Jephunneh ah hta Kaleb cu hriham pe neta, Hebron mang gaw cu a kaa nak vai ah pek ci.

LUKA 24:50

Bawipa Jesuh naw ang düihpüi gui cu Bethani pigaw pei ah khüt ne hteh püi gui netah, a kut k’phiat ne hrilham pe gui ci.

2 SAMUEL 6:18

Ani naw khawihnah douthak nak a pyi kawn ah ani naw chang gui cu Hlüngtai ciah Bawipa ah ming awn hriham pe gui ci,

PHYAWN NAK 39:43

Moses naw a päng avan cu teng neta, Bawipa ah thumkhän ah mäih ah pyi phleh ne, ami bi cu hmuk ci. Cun kawn ah Moses naw hriham pak ci.

ATÜNNAK 47:7

Joseph naw apa Jakob cu ghangpughang ah hteh püi ne ap khäta, Jakob naw ghangpughang cu hrilham pek ci.

LUKA 2:34

Simeon naw hrilham pe gui netah, Nu Mari-am a pyein nak cu; Israel chang da gui ami didap vai la hun nak ami gah vai ah hmawk ah shin ah ak hmawhta cu Khanpughi naw a ghü pyi nei. Ani cu Khanpughi m’hnüt nak ah kya ne, chang gui naw hnu ng’tuk püi ne ami ng’thu nak awn, ami mät ah m’lung kyong cu dang sak khai gui nei.

2 SHONTÄP NAK 30:18

Ephraim, Manasseh, Issakha la Zebulun pakhui ungka chang akda cu theingthap nak kä bi ah phyawn nak pawi ung hteit tuk ci gui. Ngami cu phyawn nak pawi kä khin tuk ci gui. Cun ah kyasei Ghangpughang Hezekiah naw taigü pe gui ci:

2 SAMUEL 6:20

Cun kawn ah David cu akyong chang gui yavaih khai ah a im ah hteit ba khäta, Michala naw law ne hmu lawk ci. Ani naw, “Israel ghangpughang naw tuh ngawi amät ah ming däm khai ah bik ci nei! Abawi gui ah changshäm-hnumi hta gui ma ah akgu ah mäih ah amät naw amät m’dang ci nei!” cik ci.

1 SAMUEL 2:20

Cun kawn ah Eli naw Elkanah la akchu am hriham pe goi neta a pyen cu, “Bawipa naw shin ah hnumi ung a hei ak hmaw gui ning pek khai, nang naw ani am na ap ah chang ah hnün cu ngami naw lak khai gui” cik ci. Cun kawn ah ngami cu hteit ba ci gui.

ATÜNNAK 47:10

Jakob naw ghangpughang cu hrilham pe shüt neta hteit ba ci.

ATÜNNAK 14:19

Ani naw Abram cu hriham pe neta, “Khankho la khomdek tüi pyang ciah A hlüngtai Pikbäih Khanpughi naw, Abram cu hriham pe sä!

JOSHUA 24:28

Cun kawn ah Joshua naw chang gui cu tüi ba gui sei, chang päng cu ami khaw phäh phäh ah hteit ba ci gui.

1 SAMUEL 10:25

Samuel naw ghangpughang ah chaw vai la abi van gui cu chang gui am, m’thein gui ci, theing cim ciah hmun ung a phu küi a ap gui cu, ca awn guk ci. Cun kawn ah ak chang sing im ah tüi ba gui ci.

1 SAMUEL 13:2

Saul naw chang phia thum kip ghü ci, phia m’ku cu amät ah om nak, Bethela kho gui, Macmash ah om püi gui ne, phia gha cu Benjamin pakhui ah om nak Gibeah ah a hta Jonathan awn a täng ah om sak gui ci. Ak pawih ba gui cu Saul naw ami im ah tüi ba gui ci.

2 SAMUEL 6:19

ami van am ei phi pe tak gui ci. Ani naw Israel hnumi pami päng am, m’htut pum ät, meh ket ng’zang ät la ak theih gui cu pe gui ci.

1 GHANGPUGHANG GUI 8:66

Ak hnüüp cheit hnüüp ung Solomon naw chang gui ami im ah tüi ba gui ci. Bawipa naw akchang David la akchang gui Israel gui am a pek gui ah hriham avan ah phäh ah ngami naw ani cu m’hlümtai u ne im ah zeikia u ne hteit ba ci gui.