JOSHUA 22:5 - Cho Bible Common Language 2016

⁵ Moses naw a ning thumkhän gui ah thukhän cu ng’hteicha khai ah nami läk vai. Bawipa nami Khanpughi cu nami m’hni vai, angyak hlü ami bi vai, ang thumkhän nami läk vai, ani ung nami bekhüt vai, nami m’lung kyong ghin nak avan awn akhuut nami bi vai” cine m’cäi gui ci.

JOSHUA 22:5 Referans Kwoze

MATTHE 22:37

Bawipa Jesuh naw, “Na Bawipa Nak Khanpughi cu, nam lung kiong avan, na ngaihtüh avan La na hmuhmat nak avan nawn nam hni vai.

PHYAWN NAK 20:6

Cun ung phi kei na m’hni ne ka thukhän läk ci gui ah khan ah ng’shon phia khüt ung ka m’hni nak ka m’dang ci.

ROMAN 8:28

Khanpughi m’hni u sei ang yak hlü ah a khü gui ah chang gui naw, ami bilawh nak ungka ng’dang lawk khai ah, Khanpughi naw ngahmi awn a täng ah a bilawh cu mi hmat ci.

THULÄÄN NAK 11:22

“Kei naw ka ning pek gui thukhän avan cu bekhüt ne nami läk vai. Bawipa nami Khanpughi cu nami m’hni vai, ang thumkhän nami bi vai. Ani ung nami bekhüt vai.

PHYAWN NAK 15:26

Ani naw, “Hman ciah ka ng’thu ah mäih ah bi nak la ka ng’thumkhän k’pan nak awn akbe ah nami na läk ah a kyak ung Egypt gui ah khan ah ka yuk chah law ah leigai ah mäih, api awn phi kä ka ning m’kyuk gui khai. Kei cu nangmi ning gai sak gui ciah Bawipa ah ka kyak ci” cik ci.

JAMES 1:12

Tüihtok nak om pang sei phi bekhüt ciah chang cu, yeikyai nak om ci, a i ah kyasei ci ung cun ah mäih m’nüm nak näng ciah chang cu Khanpughi naw, m’hni ciah chang ah khan ah a shaitaak ah, ghin nak ah m’cümhnah cu gah khai nei.

MATTHE 4:10

Bawipa Jesuh naw, “Khoshe a hei ah hteit ä! Cacim ung, ‘Na Bawipa Khanpughi bäng na khawihnah vai, ani ah bi bäng na bi vai!’ ciah om ci nei, cine k’täm ci.

ROMAN 12:9

M’hni nak cu akcang ah yumhni nak ah a kyak vai nei. Shetkat nak cu thüi na u ne, ni kyom nak cu k’pang khüp vä.

ROMAN 1:9

Ahtapa ah mawng Thu Ni ng’shäu ne pyein ne, kam lung kyong avan ap ne, Khanpughi ah khuut cu ka bik ci.

LAMKTU 27:23

Kei ah ka Bawi, kei naw ka taigü ah Khanpughi ah khankho chang cu, yanmü kei ah law netah,

LAMKTU 11:23

Ani cu cunah gawnu ah gawk ne, Khanpughi naw chang gui am hriham a peit gui cu hmu ne yeikyai netah, ami m’lung kyong avan awn Khanpughi yum ne ng’düng nak awn ami om vai ah m’cäi gui ci.

JOHAN 14:15

“Kei nami nam hni ung ka thukhän cu nami läk khai.

MATTHE 6:24

‘A u chang phi bawi hnih ah changshäm ah kä kya hlawt khai, a bawi tumat cu gen ne tumat cu m’hni khai; tumat ah pyein ah om-ne, tumat cu a i ah kä sui khai. Nangmi cu Khanpughi ah chang la ghui ngui ah chang ah akawng ät ah kä nami kya hlawt khai.

ISAIAH 55:2

Phü m’ghüm vai ah kä kyak ci ung, a i ah kyasei ngui na mang ang? Na ng’cheng chuh cu mang neta, a i ah kyasei, ei na cawi lä ang? Kei cu na ngai ä, kei ah pyen ah bilo ä, cun ung ei ak ni pi ei ne na yeikyai khai nei.

SAM 106:3

A thumkhän läk ne, angtäi se ng’düng nak bik cicu yeikyai nak om ci nei.

THULÄÄN NAK 11:13

“Cun ah kyasei tuhngawi kei naw ka ning pek gui ah thumkhän gui cu nami läk vai, Bawipa nami Khanpughi cu m’hni ne nami lung kyong avan awn abii nami bi vai.

THULÄÄN NAK 11:1

Bawipa nami Khanpughi cu m’hni vä, ang thumkhän avan cu läk vä.

THULÄÄN NAK 6:17

Ani ah ning pek gui ah thumkhän gui avan nami läk ciah ng’kheing ne nami om vai.

JAMES 2:5

Ngai vä phäi nau gui aw! Khanpughi naw ani m’hni ci gui ah khan ah a shaitaak ah mäih ah, yum nak ung bühmang vai la Khanpughi ah uknak kho khäm vai ah, pyamtham ci gui cu, ghü gui ci nei.

HEBRU 12:15

Khanpughi ah chimgein nak cu a u naw Kä noi maa-en sä. Khak ciah sing naw am äm tui awn chang akda cu yaica sak ci, acun ah mäih ah a u phi kä ah kiak-en vai nei.

JOHAN 12:26

Kei ah bi bi hlük ci naw ka hnu ah na läk khai, kei ah chang cu a hawi ka om ung phi kei awn a täng ah om tuk khai. Kei ah bi bik ci cu Kapa Khanpughi naw m’tamkhah khai nei” cik ci.

NG'THU K'THUUK~ 4:23

Na m’lung ngaih cu na geing nak vai, na ghin nak cu na m’lung ngaih naw ghaat sak ci.

1 SAMUEL 12:24

Bawipa läk ne, nami m’lung kyong avan awn bekhüt ne abi nami bi vai. Nangmi ah phäh ah küikyang ciah bi abi cu nami shüm ba vai.

1 SAMUEL 12:20

Samuel naw, “Kä nami kyih vai, nangmi naw akshe nami bi pyi pang ung phi, Bawipa kä nami ng’hlah tak en vai, nami m’lung avan awn abi nami bi vai.

1 SAMUEL 7:3

Samuel naw Israel chang gui am, “Nang mi cu nami m’lung avan awn Bawipa täng ah nami ng’hlah law ba ah a kyak ung, a khaw hei khanpughi gui la Astarte ah a gup cu nami nawt heng vai. Bawipa ung nami mät avan nami ng’ap vai, ani bäng nami khawihnah vai, cun ung ani naw Philistin gui ah huham ung ka ning k’phiawn gui khai” cik ci.

JOSHUA 23:8

Cun kan vaisü ung tuhbäi ung khüt sei nami om ah mäih ah Bawipa ung nami bekhüt vai.

THULÄÄN NAK 13:4

Bawipa cu läk vä, ani cu m’taam vä, a pyen ah om ne ang thumkhän cu k’pang vä. Ani khawihnah ne ani ung bekhüt vä.

THULÄÄN NAK 10:20

Bawipa nami Khanpughi ah ng’thu bäng läk ne, ani bäng khawihnah vä. Ani ung bekhüt ne ani ah ming bäng ung nami shaitak nak bi vä.

THULÄÄN NAK 4:9

Geing na ne nami om vai. Nami mik awn nami hmuh cu nami ghin nak chuih kä nami hnih vai ah htei khai ah nami bi vai. Nami hta gui la nami tu gui am nami m’thein gui vai.

THULÄÄN NAK 4:6

Nangmi naw bekhüt ne nami läk vai. Acun naw nangmi a i hlawk ah nami cüivai cu changpakhui hei gui ung dang sak khai. Ngami naw shin ah thukhän avan ami ng’yak ah a kyak ung ngami naw pyen khai gui, Shin ah dämduh ciah pakhui ung a i hlawk ah cüivai nak la lunglang nak om lawk ci ang?”

THULÄÄN NAK 4:4

Cun ung phi Bawipa nami Khanpughi ung nami bekhüt cicu tuh güt nami ghing ci.

JEREMIAH 12:16

Ngami naw ami m’lung kyong avan awn kei ah ka chang gui ah yum nak cu dou u ne, shin cha ah ng’tam u ne, “Bawipa a ghin ah mäih ah” — cine, zan ä Baal ung ng’tam ne ka chang gui ami m’thei thang ah mäih ah ami ng’tam ah a kyak ung, — ngami cu kei ah chang amshah ah kya u ne, bühmang khai gui.

THU PHLAAN 15:3

Ngami naw Khanpughi ah changshäm Moses ah ng’äi la Htomehta ah ng’äi cu m’cu ci gui. Cun ah ng’äi cu; “Küikyang hlüngtai ciah Bawipa Khanpughi, Na bilawh gui cu hlüngtai ne cäicat vai kya ci nei! Khaw päng ung chang nüng ah Ghangpughang, Na lam cu düng ne cangnak ah kyak ci nei!

PHYAWN NAK 23:25

Kei, Bawipa, nami Khanpughi cu nami na khawihnah ah a kyak ung tui la ei ka ning m’shumphyuk gui khai, nami natnak avan ka k’täm yawp khai.

THULÄÄN NAK 4:29

Acu ah nangmi naw Bawipa nami Khanpughi cu nami shui khai, nami m’lung kyong avan awn nami shui ung nami hmuk khai nei.

THULÄÄN NAK 5:10

Cun ung phi kei na m’hni ne ka thumkhän läk ci gui ah khan ah ng’shon phia khak ung ka m’hni nak ka m’dang ci.

SAM 78:7

Cun ung hta hmaw gui cun phi Khanpughi ung ng’ap ba u ne, ani ah bi cu kä m’hnih khai gui, angtäi sei ang thumkhän cu ngai khai gui.

PHYAWN NAK 23:13

“Kei, Bawipa naw ka ning thu püi gui phung cu nami ngaih vai. A hei khanpughi gui ah kä nami taigü vai, ami ming pang phi kä nami pyen vai.