JOSHUA 22:4 - Cho Bible Common Language 2016

⁴ Tuhbäi a shaitak ah mäih ah Bawipa nami Khanpughi naw nami Israel paw gui am ding gei nak pe gui ci. Cun ah kyasei nami kaa nak vai ah klhaw, nami im ung hteit ba vä. Cun cu Bawipa ah changshäm Moses naw a ning pek gui ah Jordan ah a kyangtäng khaw ah kyak ci.

JOSHUA 22:4 Referans Kwoze

JOSHUA 13:8

Reuben, Kad pakhui la Manasseh pakhui amshah cu, Bawipa ah changshäm Moses naw pe gui sei, khaw gah pyi ci gui ah kyak ci, cun cu Jordan ah a kiangtäng ah kyak ci.

KHEI NAK 32:18

A hei Israel chang gui ami van naw ami ka vai ah ami k’bäi ah khaw kä ami ka nak pha ah chuih keimi ng’hlat ne kami im ah kä kami hteit ba khai nei.

THULÄÄN NAK 3:20

Nami Israel chang paw gui cu nami m’htei gui vai. Bawipa naw a pek gui ah Jordan tuinu ah akhei täng khaw kä ami khäm pha ah chuih shiah nangmi ah phäh ah ami bi pyi ah mäih ah Bawipa naw a cu ah dimdeeih nak awn kä ah om püi gui pha ah chuih nami bawm gui vai. Cun kawn ah kei naw ka ning ap gui ah shin ah khaw ung nangmi nami law ba hning ci.

JOSHUA 13:15

Moses naw khaw avang cu Reuben pakhui kyong khui gui naw ami kaa nak vai ah pe gui ci.

THULÄÄN NAK 29:8

Ami khaw cu mi la ne Reuben la Kad pakhui gui awn mi ng’pai ci. A teih cu Manasseh pakhui naw lak ci gui.

THULÄÄN NAK 12:9

A i ah kyasei ci ung Bawipa nami Khanpughi naw a ning pek gui ah khaw ung kä nami lut phak ci. Acu ah nang mi cu ding gei sei nami om khai.

HEBRU 4:8

Joshua ah peit ah hüi nak cu Khanpughi ah shaitaak ah a kyak vai sü ung Khanpughi naw ak hnüüp hei cu kä pyein ba khai sü te.

PHYAWN NAK 33:14

Bawipa naw, “Kei cu nangmi awn a täng ah ka hteit khai, nang am näng nak ka ning pek khai” cik ci.

JOSHUA 1:15

Bawipa nami Khanpughi naw a pek gui ah Jordan akhei täng khaw kä ami khäm pha ah chuih ah kyak khai nei. Ani naw Israel pakhui avan am, phyawn nak a pek kawn ah, nangmi cu law ba u ne, Jordan a kiangtäng nami mät ah khaw ung khäng ne nami om khai. Cun cu Moses, Bawipa ah changshäm naw a ning pek gui ah kyak ci.”

JOSHUA 22:3

Shin ah khin avan ung nangmi naw nami Israel paw gui cu kä nami nawng gui ci. Nangmi naw geing na ne Bawipa nami Khanpughi ah thumkhän cu nami läk ci.

JOSHUA 12:6

Shin ah ghangpughang goi cu Moses la Israel chang gui naw ami hnim ah kyak ci. Moses, Bawipa ah changshäm naw, ngami ah khaw cu Reuben la Kad pakhui la Manasseh pakhui a teih am ami kaa vai ah pe gui ci.

1 SHONTÄP NAK 22:18

Ani naw, “Bawipa na Khanpughi naw ning om püi ci, a mawng avan ung dimdeeih nak ning pek ci. Shin ah khaw ung om ciah chang avan cu ani naw na näng sak ci, ngami cu tuhbäi nang ah ka ah om ci gui, Bawipa ah ka ah om ci gui.