JOSHUA 22:34 - Cho Bible Common Language 2016

³⁴ Reuben la Kad chang gui naw, “Bawipa cu Khanpughi ah kyak ciah klia sei shin ah sonkiang cu mi van ah phäh ah saksi ah kyak ci” cik ci gui. Cun ah kyasei” saksi” ah aming sui ci ui.

JOSHUA 22:34 Referans Kwoze

MATTHE 4:10

Bawipa Jesuh naw, “Khoshe a hei ah hteit ä! Cacim ung, ‘Na Bawipa Khanpughi bäng na khawihnah vai, ani ah bi bäng na bi vai!’ ciah om ci nei, cine k’täm ci.

JOSHUA 22:27

Cun ung phi nangmi ah chang gui la keimi ah chang gui mi ma ung lawk ciah htangshon gui ah phäh ah keimi naw m’khih ne douthak nak, khawihnah nak la hmuh-chum douthak nak gui awn theingcim ciah a Phung ah ma ah Bawipa akcang ah kami khawihnah nak cu m’hnüt nak ah kyak ci. Shin cu keimi naw Bawipa ung a i kä kami bik ciah nami htangshon gui naw ami pyen law vai cu k’pan nak ah kyak ci.

ISAIAH 43:10

“Israel chang gui, nangmi cu ka ning saksi gui nei; kei naw ka ning changshäm gui vai ah ka ning ghü gui nei, Cun ah kyasei nangmi naw nami na hmat vai, nami na yum vai, kei bäng khanpughi ah ka kyak cu nami hmat vai. Kei ah kawn ah a hei khanpughi kä om ci; Cau phi kä om man ci, ngawi ah phi kä om khai.

1 GHANGPUGHANG GUI 18:39

Cun cu chang gui naw hmu u neta, m’dek ung ng’yän neta ami pyen cu, “Bawipa cu Khanpughi nei, Bawipa bäng nei Khanpughi!”

JOSHUA 24:27

Ani naw chang gui am, “shin ah lung cu mikmi ah saksi ah kyak ci, Ashin naw Bawipa naw ana ng’htau püi gui ah ng’thu avan cu ng’yak ci nei. Cun ah kia ne shin naw nangmi ning hnungtuk püi gui ne saksi ci nei, nami Khanpughi nami hnungtuk püi nak vai ungka ning k’pang gui ci nei” cik ci.

ATÜNNAK 31:47

Laban naw cun ah lung pum cu Jekar Sahadutha ah aming sui sei, Jakob naw Kaleed ah sui ci.

ATÜNNAK 31:48

Laban naw Jakob am, “Shin ah lung k’süm cu mi van ah shüm ba nak vai ah kyak ci nei” cine pyen nak ci. Cun ah kyasei cun ah hmun cu Kaleed ah ami sui ah kyak ci.

ISAIAH 19:19

Cun ah khin a gawk law ung, Egypt khaw ung Bawipa ah sonkiang tumat om khai, Egypt khogii ung ani un gap ah lungktung tumat om khai.