JOSHUA 22:28 - Cho Bible Common Language 2016

²⁸ Shin cu keimi ah ngaih-tüh nei, shin ah mäih cu angtäi ah a kyak ung, keimi ah htangshon gui naw, “Teng vä! Keimi ah pupa gui naw Bawipa ah sonkyang ah mäih ah sonkiang pyang ci gui nei. Shin cu m’khih ne douthak nak vai, käcung khawihnah nak vai ah kä kyak ci, keimi ah chang gui la nangmi ah phäh ah m’hnüt nak ah kyak ci” cik ci gui.

JOSHUA 22:28 Referans Kwoze

HEBRU 8:5

Taigü gui ah bilawh nak cu khankho ah khawihnah nak ah a müi ah ang hniim ah kyak ci. Moses ah bilawh gui cun phi acun ah mäih ah kyak ci. Moses naw thukhän kho phung a cawh law vai ung, Khanpughi naw, “M’htung khan ah ka ning m’hnuh ah mäih ah apäng avan cu käm hnih en ne, na pyan vai nei,” cine am cäi ah hmawk ah kyak ci.

PHYAWN NAK 25:40

M’htung khan ah kei naw ka ning m’hnuh ah bi vai ah mäih ah pyan thei vai ah na geing nak vai.

2 GHANGPUGHANG GUI 16:10

Ghangpughang Ahaz cu uktu Tiklath Pileser cu hmuk khai ah Damaskas ah a hteh nak ah sonkiang tumat hmuk ci, ani naw a cun ah müi bä bä cu a püh kheh ah taigü Uriah ah m’khäh ci.

JOSHUA 22:27

Cun ung phi nangmi ah chang gui la keimi ah chang gui mi ma ung lawk ciah htangshon gui ah phäh ah keimi naw m’khih ne douthak nak, khawihnah nak la hmuh-chum douthak nak gui awn theingcim ciah a Phung ah ma ah Bawipa akcang ah kami khawihnah nak cu m’hnüt nak ah kyak ci. Shin cu keimi naw Bawipa ung a i kä kami bik ciah nami htangshon gui naw ami pyen law vai cu k’pan nak ah kyak ci.

JOSHUA 22:29

Keimi naw Bawipa cu akcang ah kä kami hnungtuk püi ci, m’khih ne douthak nak vai, htang douthak nak vai la khawihnah nak vai ah sonkyang co ne, a hnu ah läk nak kami ng’düm ciah kä kyak ci. Bawipa ah om nak ah Phung ah ma ah ng’düi ciah Bawipa mi Khanpughi ah sonkiang ah kawn ah keimi naw a hei sonkyang kä kami co ci nei” cik ci gui.

ATÜNNAK 31:48

Laban naw Jakob am, “Shin ah lung k’süm cu mi van ah shüm ba nak vai ah kyak ci nei” cine pyen nak ci. Cun ah kyasei cun ah hmun cu Kaleed ah ami sui ah kyak ci.

JOSHUA 24:27

Ani naw chang gui am, “shin ah lung cu mikmi ah saksi ah kyak ci, Ashin naw Bawipa naw ana ng’htau püi gui ah ng’thu avan cu ng’yak ci nei. Cun ah kia ne shin naw nangmi ning hnungtuk püi gui ne saksi ci nei, nami Khanpughi nami hnungtuk püi nak vai ungka ning k’pang gui ci nei” cik ci.

ISAIAH 19:19

Cun ah khin a gawk law ung, Egypt khaw ung Bawipa ah sonkiang tumat om khai, Egypt khogii ung ani un gap ah lungktung tumat om khai.