JOSHUA 22:27 - Cho Bible Common Language 2016

²⁷ Cun ung phi nangmi ah chang gui la keimi ah chang gui mi ma ung lawk ciah htangshon gui ah phäh ah keimi naw m’khih ne douthak nak, khawihnah nak la hmuh-chum douthak nak gui awn theingcim ciah a Phung ah ma ah Bawipa akcang ah kami khawihnah nak cu m’hnüt nak ah kyak ci. Shin cu keimi naw Bawipa ung a i kä kami bik ciah nami htangshon gui naw ami pyen law vai cu k’pan nak ah kyak ci.

JOSHUA 22:27 Referans Kwoze

JOSHUA 24:27

Ani naw chang gui am, “shin ah lung cu mikmi ah saksi ah kyak ci, Ashin naw Bawipa naw ana ng’htau püi gui ah ng’thu avan cu ng’yak ci nei. Cun ah kia ne shin naw nangmi ning hnungtuk püi gui ne saksi ci nei, nami Khanpughi nami hnungtuk püi nak vai ungka ning k’pang gui ci nei” cik ci.

ATÜNNAK 31:48

Laban naw Jakob am, “Shin ah lung k’süm cu mi van ah shüm ba nak vai ah kyak ci nei” cine pyen nak ci. Cun ah kyasei cun ah hmun cu Kaleed ah ami sui ah kyak ci.

JOSHUA 22:34

Reuben la Kad chang gui naw, “Bawipa cu Khanpughi ah kyak ciah klia sei shin ah sonkiang cu mi van ah phäh ah saksi ah kyak ci” cik ci gui. Cun ah kyasei” saksi” ah aming sui ci ui.

THULÄÄN NAK 12:11

Ani khawihnah nak vai ah Bawipa naw hmun tumat ghü khai. Acun ah kei naw ka ning thumkhän gui a päng cu nami law püi khai. M’khih vai ah nami khawihnah nak la a hei khawihnah nak gui, bum gha bum ät la dou thak gui, Bawipa ah nami shaitak ah aktung ah m’cümhnah nak gui,

1 SAMUEL 7:12

Samuel naw lung la ne, Mizpah la shen ah ng’lak ung k’süm neta, “Bawipa naw lam pum ung na m’htei gui ci nei” ci neta, acun cu “M’htei ciah lung” ngah sui ci.

JOSHUA 22:10

Reuben, Kad la a kyangtäng Manasseh pakhui gui cu Keliloth, Jordan ah akhei täng ung gawk law u neta, ngami naw tuinu kem ung akdäm angtai ah sonkyang cu co ci gui.

ATÜNNAK 31:52

Shin ah lung pum la lung k’süm cu saksi ah kyak ci. Shin ah shüm vai ah lung phlu cu phlän ne, kei naw kä ka ning a tuk khai, nang naw phi shin ah shüm vai ah lung phlu cu phlän ne kä na na tuk en law vai.

JOSHUA 22:26

Cun ah kyasei sonkiang kami cawh ah kyak ci, m’khih ne khawihnah nak vai la douthak nak vai ah kä kyak ci.

JOSHUA 22:28

Shin cu keimi ah ngaih-tüh nei, shin ah mäih cu angtäi ah a kyak ung, keimi ah htangshon gui naw, “Teng vä! Keimi ah pupa gui naw Bawipa ah sonkyang ah mäih ah sonkiang pyang ci gui nei. Shin cu m’khih ne douthak nak vai, käcung khawihnah nak vai ah kä kyak ci, keimi ah chang gui la nangmi ah phäh ah m’hnüt nak ah kyak ci” cik ci gui.

SAM 16:5

Nang, Bawipa cu kei ung om ciah avan ah na kyak ci, ka ng’yak hlü avan phi na na pek ci; ma lam ka ghin nak cu nang ah kut ung om ci.

ISAIAH 19:19

Cun ah khin a gawk law ung, Egypt khaw ung Bawipa ah sonkiang tumat om khai, Egypt khogii ung ani un gap ah lungktung tumat om khai.