JOSHUA 22:24 - Cho Bible Common Language 2016

²⁴ Ka nei shin ah kami bi cu ngawi ah nami htangshon gui naw, kami htang shon gui ami na ng’htau nak gui vaikami kyih ah hmawk ah kyak ci nei. Ngami naw, “Israel Khanpughi Bawipa ung a i ang nami bi?

JOSHUA 22:24 Referans Kwoze

JOSHUA 4:6

Bawipa naw a i a bi cu shin ah lung gui naw chang gui am m’shüm thein khai gui. Ngawi ah nami hta gui naw shin ah lung gui cu a i nami citu tukhan ang cine ami ng’shi ah a kyak ung,

THULÄÄN NAK 6:20

“Lawk ciah akhin ung nami hta nau gui naw ning shi gui khai gui, “A i ah kyasei Bawipa mi Khanpughi naw shin ah thukhän avan läk vai ah a thumkhän ang?

PHYAWN NAK 13:14

Ngawi ah shin ah mawng gui cu a i hawkcha ang, cine nami hta gui naw ami ning shi gui ah a kyak ung nami m’thein gui vai cu, ‘Bawipa naw dämduh ciah a huham awn, changshäm ah kyak nak Egypt khaw ah kaa, nak plawk ba gui ci.

ATÜNNAK 30:33

Ngawi ah kei ah ka ng’düng nak ah mawng cu a cun gui naw m’dang khai gui nei. Me gui ung kä ng’khan ciah me, htawme gui ung kä le ciah htawme a om law ah a kyak ung, cun cu kei ah m’guuk ah na hmat khai nei” cine pyen ci.

ATÜNNAK 18:19

A hta gui la a htangshon gui naw kei ah ng’thu ngai u ne, düng ci la bä ci ami bi vai ah, m’cäi gui khai ah ani cu ka ghü ci. A cun ah ami om ung ani ah hmawk ah ka shaitak phung cu ka kümbe sak khai” cik ci.

JOSHUA 22:23

Keimi naw Bawipa kä ngai u ne, m’khih ne douthak nak vai ah kami mät ah sonkyang kami co ciah a kyak ung, käcung cun cu htang douthak nak la khawtsheng douthak nak ah kami mang ah a kyak ung, Bawipa amät naw na m’kyuk gui sä.

JOSHUA 22:25

Ani naw Jordan tuinu cu keimi la nangmi Reuben gui la Kad chang gui ah ng’lak ung khogii ah pyang ci. Nangmi naw Bawipa ung ai nami bi vai kä om ci, Nangmi ah htangshon gui naw keimi ah htangshon gui cu, Bawipa khawihnah nak ung ng’düm sak hning ci gui.