JOSHUA 22:22 - Cho Bible Common Language 2016

²² “Hlüngtai säih ci tumat cu Khanpughi nei! Ani cu Bawipa nei! Hlüngtai säih ci tumat cu Khanpughi nei! Ani cu Bawipa nei! A i ah kyasei shin ah kami bi cu ani naw hmat ci nei. Nangmi naw phi nami hmat vai ah kami ng’ya hlük ci nei. Keimi naw hungtuk u ne, Bawipa ung bekhüt nak kä kami paang ciah a kyak ung, keimi kä na ghin ba sak gui vä!

JOSHUA 22:22 Referans Kwoze

1 GHANGPUGHANG GUI 8:39

ami taigü cu ngaih pe gui ä. Khankho na im ah ka naw ngami cu ngai gui ä, m’geinsei gui ä, m’hteihtang gui ä. Nang bäng naw vah hnicim chang ah m’lung ngaih cu na hmat ci. Chang päng cu amät ah om ah ciah om püi ä,

THULÄÄN NAK 10:17

Bawipa nami Khanpughi cu khanpughi avan khüm ci, huham avan uk ciah kyak ci. Ani cu dämduh ci, m’gäi ci, kyih vai ah kyak ci. Ani ung m’khom-hnga nak kä om ci, ani naw ng’mü khawh kä dou ci.

SAM 44:21

nang naw akcang ah na hmuk khai sü te, a i ah kyasei ci ung keimi naw düm ah kami ngaih cu nang naw na hmat ci.

JOB 10:7

Kei cu changshe ah kä ka kyak ah mawng la nang ungka a u naw kä na phyawn hlawt ci cicu na hmat ci.

JEREMIAH 17:10

Kei, Bawipa naw hnicim chang ah m’lung cu shui zap ne, chang ah m’lung ngaih cu ka m’nüm ci nei. Kei naw chang nü cu amät ah om ah ci ah amät ah bi ah läk ah ka om püi ci nei.”

THU PHLAAN 19:16

Ani ah asuinu la a phei khaw ung, “Bawi nüng ah Bawi, mang nüng ah Mang” ciah ming cu ng’guk ci nei.

THU PHLAAN 2:23

Ani läk ciah chang gui cu ka ngawn gui khai, cun kawn ah kei cu chang nüng ah m’lung ngaih la ng’yak hlü ka hmu hmat ciah, khrithabum avan naw hmat khai gui nei.

HEBRU 4:13

Khanpughi ah ng’thuh haih ci a i kä om ci a tüi sho phung phung cu a mik ah hmuh ah dang yawp ci. Acun ah kyasei mi bilawh, ngaih tüh gui phung cu Khanpughi-am mi ap khai nei.

1 TIMOTHI 6:16

Khanpughi bäng naw sih nak phiawn nak ci; Ani cu chang naw kä ak et hlawt vai ah pyü ne ng’shü ci ung om ci. Ani cu a u naw kä hmu man ci; Ani cu a u naw kä hmu hlawt ci: Bawipa ung m’tamkhah nak la angtäi sei hlüngtai nak cu om sä! Amen.

2 KORIN 11:31

Kei kä ka hleeihlak ah mawng cu Bawi Jesuh ah Pa Khanpughi naw hmat ci, cun ah Bawi ah ming cu angtäi sei hlüngtai sä!

2 KORIN 11:11

Cun ah ka pyein cu nangmi kä ka ning m’hni gui su ah ang? Kei naw ka ning m’hni gui cu Khanpughi naw hmat ci.

2 KORIN 5:11

Keimi cu Khanpughi kami kyih aa ci kya ne, chang gui cu kami m’cäi m’ä gui ci. Khanpughi naw mikmi cu na hmat gui yüm ci; nangmi naw kei ah mawng cu nami m’lung kyong ah, nami hmat yüm khai ah ka ngai ci.

LAMKTU 25:11

Ak cangah thukhän khep ne, sih nak vai khin ciah katnak ka bi ah a kyak ung, nami nam gein vai ah kä ka ng’yoi khai nei. Cun ung phi ngami ah nak sung nak cu kä akcang ah a kyak läi ung a u naw phi kei cu ngah mi ah kut ung kä na ap hlawt khai nei. Kei cu ghangpughang ah ka ng’coipaa ci nei” cine pyein ci.

LAMKTU 1:24

Cun kawn ah ngah mi cu, “Bawipa, nang naw chang ah m’lung kyawng avan na hmat ci, Judas cu amät ah ng’yak hlü ah ang’düihpüi ung ka hteit pyi ci.

JOHAN 21:17

Ak thum vei nak ah Bawipa Jesuh naw, “Johan ah hta Simon,” Kei na nam hni ci ang?” cine ng’shi ba mä ci. Cun ah ak thum vai nak ah ng’shi ba mä khätah, Peter cu thüi netah, “Bawipa, nang naw a päng avan na hmat ci nei, kei naw ka ning m’hni cu na hmat ci nei” cine pyein ci. Bawipa Jesuh naw, “Ka htome gui nam htei vai nei bäi,

MALAKHI 3:18

Cun kawn ah mä ng’düng ci gui la chang shekha gui ah khan ah, ka khuut bik ci la kä bik ciah khan ah, a i ah a kyak law cu ka chang gui naw hmuk khai gui nei” cik ci.

MIKHAH 7:9

Bawipa hnu na ne mi cheishoh ci, cun ah kyasei am lungshe nak ung a shäng mi yai khai. Cun ung ak hnu ah ani naw na shungvong gui ne, hma cicu hman sak khai, cun cu mikmi ah khan ah ami bi ah kyak ci. Ani naw akdei ung na hteh püi gui sei, mikmi ghing ne ana hun nak gui cu mi hmuk khai.

DANIEL 11:36

“Siria ghangpughang naw amät ah m’hni ah bik khai. Ani cu khanpughi nü ah dämduh pi ne, hlüngtai ciah Khanpughi ah phi bämcam pi ciah pyen ne khähghah khai. Ani naw Khanpughi naw am kyuk ah khin ung khüt sei, a cun ah bik khai. Khanpughi naw a pawng püi ah mäih ah akcang ah bik khai.

DANIEL 2:47

Ghangpughang naw, “Nang ah Khanpughi cu Khanpughi avan ah dämduh pi ci nei, ghangpughang gui ah bawipa ah kyak ci, cäiaih gui vai m’than ciah kyak ci. Kei naw shin cu ka hmat ci, a i ah kyasei ci ung, shin ah cäiaih vai gui cu nang naw na m’dang thei ah hmawk ah kyak ci.”

JEREMIAH 12:3

Cun ung phi Bawipa, kei cu na nah mat ci; kei naw a i ka bi cu nang naw na hmuk ci, a i hlawk ah ka ning m’hni cu na hmuk ci. Ami ngawn vai ah htome gui ami so gui ah mäih ah shin ah changshe gui ahei ah saw gui ä; Ngawn nak gui vai ah akhin kä a gawk law pha ah chuih ngami cu ngäng gui ci gui nei.

SAM 136:2

Khanpughi avan ah dämduh pi cicu m’küi m’to vä; Ani ah m’hni nak cu ng’täi ci nei.

SAM 97:7

A gup khawihnah ci gui phung cu lü ng’a ci gui nei, khanpughi gui ami van cu Bawipa ah ma ah kawp ci gui nei.

SAM 95:3

Bawipa cu m’gäi ciah Khanpughi, khanpughi gui avan ah khan ah m’gäi ciah ghangpughang nei.

SAM 82:1

Khanpughi cu khankho kongsi lam shüm ne, khanpughi gui ah ng’lung ah ng’düi ne m’khoi m’cha nak bik ci:

SAM 37:6

ani naw na düng nak cu hni lung lai ah mäih ah ning khang sak khai nei.

JOB 23:10

Cun ung phi kei naw ka bi phung cu Khanpughi naw hmuk ci, ani naw ana m’nüm vaisü ung ang ciim ah na hmuk khai süte nei.

1 SAMUEL 15:23

Ani hnu ng’tuk püi cu khawshe m’bei ah mäih ah shek ci, lingkeng aih cu agup khawihnah ah mäih ah katnak ah kyak ci. A i ah kyasei ci ung nang naw Bawipa ah thumkhän na hnu ng’tuk püi ci, ani naw na ghangpughang nak cu ning hnu ng’tuk püi ci” cik ci.

PHYAWN NAK 18:11

Bawipa cu khanpughi gui avan nah däm pi ciah tuhbäi kei naw ka hmat ci nei. Israel gui cu Egypt gui naw shin ah ami shedam nak gui yah ung, ani naw a bi ah kyak ci nei” cik ci.

JOSHUA 22:21

Reuben, Kad la Akyang täng Manasseh pakhui gui naw akhei täng pakhui kyongchang gui ah ami ng’vai gui am ami m’shan tuba gui cu,

SAM 40:9

Bawipa, na chang gui avan kami ng’bum nak ung, Na na hun gui ah mawng thu ni cu ka pyen khai nei. Kei naw kä ng’düm phung ne ka pyen vai cu nang naw na hmat ci nei.

SAM 50:1

Ak hlüngtai pi Khanpughi, Bawipa naw thu pyen ci; Ani naw khomdek khan akhei ak kyang avan khü ci.

1 SAMUEL 2:3

M’lau ne na längtang nak cu ng’düm ä; Na khähghah nak ah ng’thu cu m’dim ä. Bawipa cu hmuhmat ciah Khanpughi nei, ani naw chang gui ah bi avan m’khoi chak ci.

JOB 31:22

ka kut gui hnget sä, Ka k’phleing phung ung pit yawp sä.

SAM 44:22

Cun ung phi nang ah m’hnüt nak ung, keimi cu akphlüt ah na ngawn gui ci gui, aat ne kyih vai ah htome ah mäih ah na bi gui ci gui.