JOSHUA 22:20 - Cho Bible Common Language 2016

²⁰ M’didap vai ah khawh gui ah mawng ung Zerah ah hta Akhan naw thumkhän kä a ngaih cu nami shüm ba vai. Acun ah phäh ah Israel chang bum avan cu m’kuk nak gah ci. Akatnak ah phäh ah Akhan amät bäng sik ciah kä kyak ci nei” cik ci gui.

JOSHUA 22:20 Referans Kwoze

JOSHUA 7:5

Ai chang gui naw gawt law gui u ne, mang gaw m’kawt ungka naw lung ami cawh nak ung khüt law u ne, khawgui yu kyum nak ung thumkip lei chuk ngawn gui ci gui. Israel chang gui cu ami tha maih sei kyikyawk ci gui.

JOSHUA 7:1

Bawipa naw Israel ang thumkhän ah, Jerikho ungka api phi a i phi kä lak vai, m’di m’shum yawp vai, cicu kä läk ci om ci. Achan ming nak ciah chang naw cun ah thukbäi cu kä läk ci. Cun ah kyasei Bawipa cu Israel gui ah khan ah m’lungshe ci. (Achan cu Karmi ah hta, Zabdi ah tu, Zerah pahta, Judah pakhui ah kyak ci.)

1 KORIN 10:6

Shin ah m’tumtäng nak cu mikmi ah phäh ah kya ci, cun ah kia sei, ngami ah bi ah mäih ah akshekha gui cu kä mi ng’yak hlü en vai;

JOSHUA 7:24

Joshua la Israel chang gui am van naw, Achan ni, ngui ni, ghui ni, suinu ni cu la u neta, Achan ah a hta pami, a hta hnumi gui, a sei gui, a me gui, ang sela gui la a phung im mah ah ani ah khawh phung avan la u ne, khüikha khaw nawi ah hteh püi ci gui.

JOSHUA 7:18

Ani naw Zabdi kyong cu chang tumat täi ah law püi ci, Karmi ah hta, Zabdi ah tu cu tawk lawk ci.

2 PETER 2:6

Khanpughi naw Sodom la Komorrah cu mei awn m’khih ne m’di ci, cun cu kä yum ci gui ah chang khan ah gawk lawk khai ah mawng am dang nak ah kyak ci.

TAIGÜTHUM 10:6

Cun kawn ah Moses naw Aaron la a hta goi Eleazar la Ithamar am, “Nani lu kä huih ne kä nani om en vai, nani thüisei ciah mäih ah nani sui kä nani k’teh en vai. Cun ah nani bi ung nani sik khai, chang van ah khan ah Bawipa cu m’lungshe khai. Cun ung phi nami Israel chang gui ami van cu Bawipa naw a yuk chah law ah mei awn sik ciah phäh ah ami kyah vai nei.

JOSHUA 22:21

Reuben, Kad la Akyang täng Manasseh pakhui gui naw akhei täng pakhui kyongchang gui ah ami ng’vai gui am ami m’shan tuba gui cu,

2 SHONTÄP NAK 24:18

Cun ah kyasei chang gui naw ami pupa gui ah Khanpughi, Bawipa ah Taigüim ung khawihnah nak cu nawng u ne, a gup gui la khanpughinu Asherah ah gup khawihnah nak cu tün ne bik ci gui. Shin ah ami cheishoh nak ah katnak naw Judah la Jerusalem ah khan ah Bawipa ah m’lungshe nak cu law püi sak ci.

JOB 35:8

Nang ah katnak awn yaica ci gui la akni na bi nak awn bawm nak gah ci gui cu na chang paw gui ah kyak ci gui nei.