JOSHUA 22:15 - Cho Bible Common Language 2016

¹⁵ Ngami cu Kilead khaw Reuben, Kad la Akyang täng Manaseeh chang gui ah law u neta,

JOSHUA 22:15 Referans Kwoze

HEBRU 12:25

Nangmi cu thu k’aw ng’yak vai noi mak ciah chang ah kä nami kiak vai ah nami geing nak vai nei. Khomdek khan ung khankho thu ngaih yak vai ah mak ciah chang gui cu kä phyawng ci gui nei. Cun ah kiasei mikmi naw Khankho ah kaa ng’thu pyein lawk ci cu, mi hnu nak ah a kyak ung a i ung phi kä mi phyawng hlawt khai nei.

1 KORIN 5:4

Kei cu nangmi awn a täng ah ka om ciah mäih ah, mi Bawipa Jesuh ah hlüngtai nak ung nami van ng’hmuh ne ng’bum ba yawp va.

1 KORIN 1:10

Phäinau gui aw, Mi Bawipa Jesuh Khrit ah huham awn kei naw nangmi cu ka ning m’cumcäi gui ci nei. Nami thu m’gawng ung nami kawng ät vai, cun ung nami ng’phyeekpai nak kä om khai. M’lung ngaih tumat, bü nak tumat ung nami kawng ät yawp vai.

MATTHE 18:17

Ngami ah thu mä kä ang ngaih ah a kyak ung, a mawng ama avan pyein ne pum im ung nami ap vai. Cun ung phi m’cäi kä ang ngaih ah a kyak ung, ak hnu bäih ah Khanpughi kä yum ciah chang khawn look ciah chang ah mäih ah namik bäi vai.

ISAIAH 63:10

Cun ung phi ngami naw hnungtuk küknet püi u ne, amumcha Theing cu thüi khai ah cik ci gui. Cun ah kyasei Bawipa cu ami ga ah kya law ne, ani naw ng’tuk püi gus ci.

SAM 78:8

Ngami cu ami pupa gui ah mäih ah kä kyak ci gui, ami pupa gui cu hnu ng’tuk u ne, ng’thu kä ngai u ne, Khanpughi ami yum nak kä ng’shing ci, kä bekhüt ci gui ah kyak ci.

EZRA 9:15

Bawipa, Israel Khanpughi, nang cu na taga ci cun ung phi nang naw na na ghin om sak gui ci. Kami hmakat nak cu nang ah kami ng’coipa ci nei, keimi na ma ah law vai ah kä kami khinkha ci nei” cine pyen ci gui.”

EZRA 9:2

Jew chang gui cu akhohei chang hnumi gui awn ng’chungla ci gui. Cun ah kya ne Khanpughi ah theingcim ciah a chang gui cu sheka lawk ci gui. Ang vai gui la bawi gui cu khawngmang ciah ng’vaipi ah kyak ci gui.

2 SHONTÄP NAK 28:13

Ngami naw, “Nami pha gui shin ung kä law püi en vä! Mikmi naw Bawipa hnungtuk püi ne katnak mi bi u ne, ana m’kyuk gui vai ah mi m’lungshe sak ci nei. Tukbäi nangmi naw mikmi ah cheishoh nak däm law pi khai ah nami bi hlük ci nei.”

2 SHONTÄP NAK 26:18

ani cu thawi bawm ci gui. Ngami naw, “Uzziah! Nang naw Bawipa am m’khih ne kä na douthak hning ci. Aaron ungka ng’shon lawk ciah taigü gui bäng naw va, shin cu ng’ap ne bi hning ci gui, shin ah theingcim ciah hmun cu hteh ta ä. Nang naw Bawipa Khanpughi cu na kat na pyi ci nei, nang naw ani ah hriham kä na gah ba khai nei” cik ci gui.

2 SHONTÄP NAK 25:27

Ani naw Bawipa a hnungtuk püi ung tün ne, ani cu Jerusalem ung hnungtuk püi ci gui. Ak hnu ah ani cu Lachish mang gaw ah dawng ci, cun ung phi a ga gui naw gawt ne ngawn ci gui.

2 SHONTÄP NAK 10:19

Cun ung tün ne, khaw uknak a siiptäng ung om ciah Israel chang gui naw David ah mangshon cu hnungtuk püi ci gui.

1 SHONTÄP NAK 21:3

Joab naw, “Israel chang gui cu tuhbäi ah ta a phia ah da khai gui ah Bawipa naw bi sä! Ka bawi aw, ngami ami van cu nang ah changshäm gui nei. A i ah kyasei shin ah bi ne, pakhui avan na shetkat sak hlü ang?” cik ci.

1 SAMUEL 15:23

Ani hnu ng’tuk püi cu khawshe m’bei ah mäih ah shek ci, lingkeng aih cu agup khawihnah ah mäih ah katnak ah kyak ci. A i ah kyasei ci ung nang naw Bawipa ah thumkhän na hnu ng’tuk püi ci, ani naw na ghangpughang nak cu ning hnu ng’tuk püi ci” cik ci.

JOSHUA 22:18

Tuhbäi nangmi ani läk vai ah nami mak khai ma? Tuhngawi nangmi naw Bawipa nami hnungtuk ciah a kyak ung, ngawi ung ani naw Israel chang päng ah khan ah m’lungshe khai nei.

JOSHUA 22:12

Cun cu Israel chang gui naw ng’ya u neta, chang bum avan Shilon ung law u ne, a kyangtäng pakhui gui ng’tuk püi gui vai ah pawng ci gui.

THULÄÄN NAK 30:17

Cun ung phi nangmi cu ani kä läk ne ngaih vai ah ma u ne, a hei khanpughi gui khawihnah vai ah a hei ah nami hteh ah a kyak ung,

THULÄÄN NAK 7:4

A i ah kyasei ci ung ngami naw, nami htanau gui cu, Bawipa awn ng’shawng ne a hei khanpughi gui khawihnah vai ah lam shüm khai gui. Acun ah mäih ah a kyak law ung Bawipa naw ning m’lungshe na gui neta, ang ghit ah ning m’di gui khai.

KHEI NAK 32:15

Tuhbäi nangmi Reuben la Kad chang gui naw tuhbäi ani läk vai ah nami ma ah a kyak ung, shin ah chang gui ami van cu bung hmu ah ani naw nawng ba gui mä khai, ngami ah dishum nak cu nang naw avan na ma nak khai.

KHEI NAK 14:43

Amalek gui la Kanaan chang gui awn nami ng’hmuh law ung nangmi cu ng’tuk nak ung nami sik khai. Bawipa naw kä ning om püi gui khai. A i ah kyasei ci ung nangmi naw ani läk vai ah nami mak ci.”

KHEI NAK 5:6

Israel gui ah hmawk ah shin ah m’shüm thein nak cu pek ci. Chang tumat cu Bawipa ung kä bekhüt ne chang tumat mat hnungtuk püi ne a cheishoh ah a kyak ung,

TAIGÜTHUM 26:40

“Cun ung nami htangshon gui naw ami katnak la ami pupa gui ah katnak cu ng’yu ba khai gui, cun ah pupa gui cu kei na lüm u ne, na hnungtuk püi ci gui ah kyak ci gui.

TAIGÜTHUM 5:19

Shin cu chang naw Bawipa hnungtuk püi ne a katnak thungba nak douthak nak ah kyak ci.

PHYAWN NAK 32:8

Kei naw amiläk vai ah thumkhän ka pe gui ah lam ungka lam plei pyi ci gui nei. Ngami naw ghui lawi awn vantang gup pyang u ne, khawihnah u ne, douthak khawihnah ci gui nei. Ngami naw shin cu mi khanpughi, Egypt khaw ah ka na law püi ba gui ci, cik ci gui nei.

JOSHUA 22:14

Phinehas awn a täng ah ng’vaihta gha hteit tuk ci gui. Akhei täng pakhui gui ungka, khui ät ung tumat ciah kyak ci, cun gui cu pahta kyong chang ungka, ami ng’vai tumat ciah kyak ci.

JOSHUA 22:16

Bawipa ah chang bum avan ah phäh ah ng’thu pyen ci gui. Ngami naw ami pyen nak gui cu, “A i ah kyasei nangmi naw Israel Khanpughi hnungtuk püi ne, akshe nami bi ang? Nangmi naw nami mät ah hmawk ah shin ah sonkiang nami cawh nak awn Bawipa cu nami hnungtuk püi ci nei! Nangmi naw ani cu kä nami läk law ba ci nei!