JOSHUA 22:13 - Cho Bible Common Language 2016

¹³ Israel chang gui naw taigü Eleazar ah hta Phinehas cu Kilead khaw, Reuben, Kad la akyang täng Manasseh pakhui chang gui ah tüi ci gui.

JOSHUA 22:13 Referans Kwoze

KHEI NAK 25:7

Cun cu Eleazar ah hta, taigü Aaron ah tu Phinehas naw hmu neta, ng’düi law ne chang bum cu hteh tak ci. Ani naw ak htei la neta,

PHYAWN NAK 6:25

Eleazar, Aaron ah hta naw Putiel ah hta tumat chu nak ci, ani cu Phinehas ah hta ci. Shin gui cu ami kyongkhui ng’vai gui Levi pakhui ah pahta gui ah kyak ci.

MATTHE 18:15

Na phäi nau naw a ning katnak ung, katnak am dang thei vai ah a om nak ah na hteh vai. Nani mät ng’hmu ni ne na ning lak mah nak cu naning ge nak vai. Na thu ang ngaih ung naning gei ba khai.

NG'THU K'THUUK~ 20:18

Nik ciah m’cumcäii nak cu na dou vai, cun ung na nang khai, kapawng htei ah ng’tuk bi nak ah ka na hteh vai.

SUKI GUI 20:12

Israel pakhui gui naw Benjamin pakhui ah khawpäng avan ung chang tüi ne thu ami pyen cu, Nangmi naw nami katnak ah cheishoh ah mawng cu a i ang?

THULÄÄN NAK 13:14

Cun ah mäih ng’thu htau düt nak ng’yak ung ng’kheing khai ah nami dät dam vai. Cun ah akshe bi cu hman ne ng’khän ciah a kyak ung

KHEI NAK 31:6

Moses naw cun ah chang gui cu, Taigü Eleazar ah hta Phinehas khawngmang sak ne, tüi gui ci, ani naw theing ciah li khim gui la phyungheng gui cu, m’hnüt nak pek nak vai ah hteh püi ci.

JOSHUA 24:33

Aaron ah hta Eleazar cu si sei Kibeah ung phuh ci gui. Cun ah gawnu cu Ephraim khawgui ung om ci, cun cu a hta Phinehas am a pek ah kyak ci.

KHEI NAK 32:1

Reuben la Kad pakhui gui naw akda vuhchah ci gui. Ngami naw Jazer la Kilead khaw cu seipat vuh nak vai ah ang htei ah ni sei hmu u neta,

1 SHONTÄP NAK 9:20

Eleazar ah hta Phineas — Bawipa naw a om püi ah chang! — naw ayan ung tängpang pe gui man ci.

EZRA 7:5

Bukki cu Abishua ah hta, Abishua cu Phmehas ah hta, Phinehas cu Eleazar ah hta Elesyar cu Aaron ah hta ah kyak ci.