JOSHUA 21:44 - Cho Bible Common Language 2016

⁴⁴ Bawipa naw ami pupa gui am shai atak ah mäih ah khaw avan ung dinggei nak pe gui ci. Ami ga avan ungka tumat phi ngami kütnet püi gui ne ng’düi khai a u kä om ba ci, a i ah kyasei ci ung Bawipa naw Israel gui ami van ah khan ah näng nak a pek gui ah phäh ah kyak ci.

JOSHUA 21:44 Referans Kwoze

JOSHUA 11:23

Joshua naw khaw avan khäm ci, cun cu Bawipa naw Moses am a thumkhän ah kyak ci. Joshua naw Israel gui am ami kaa nak vai ah pe gui ne, tän ne k’bou gui ci, khui ät naw bung ät ci gah ci gui. Cun ah kia ne chang gui cu ng’tuk nak ungka ng’düm ci gui.

HEBRU 4:9

Cun ah kyasei ak hnüüp chih hnüüp Khanpughi ang düm ah mäih ah, Khanpughi ah chang gui ami düm nak vai hnüüp om ba ci.

PHYAWN NAK 23:31

Kei naw nami khawgii cu Akaba tui ng’khep ungka naw Mediteranean Tuili, bungpuk ungka naw Euphratis tuinu ung khüt khai ah ka ng’shawng sak khai. Cun ah khaw ah a bä nak ah khan ung huham ka ning pek khai, nang naw ngami cu mata gui ne na k’täm gui khai.

JOSHUA 22:9

Cun ah kyasei Reuben, Kad la Akiang täng Manasseh pakhui gui cu amiim ah hteit ba ci gui. Ngami naw Kanaan khaw Shilon ung pawih ciah Israel gui cu nawng shüt gui ci gui. Cun ung tün ne ami mät ah khaw, Kilead khaw ung ng’tün ci gui. Cun cu Bawipa naw Moses ung ang thumkhän ah mäih ah ngami naw ami läk ah kyak ci.

JOSHUA 22:4

Tuhbäi a shaitak ah mäih ah Bawipa nami Khanpughi naw nami Israel paw gui am ding gei nak pe gui ci. Cun ah kyasei nami kaa nak vai ah klhaw, nami im ung hteit ba vä. Cun cu Bawipa ah changshäm Moses naw a ning pek gui ah Jordan ah a kyangtäng khaw ah kyak ci.

JOSHUA 1:15

Bawipa nami Khanpughi naw a pek gui ah Jordan akhei täng khaw kä ami khäm pha ah chuih ah kyak khai nei. Ani naw Israel pakhui avan am, phyawn nak a pek kawn ah, nangmi cu law ba u ne, Jordan a kiangtäng nami mät ah khaw ung khäng ne nami om khai. Cun cu Moses, Bawipa ah changshäm naw a ning pek gui ah kyak ci.”

JOSHUA 1:13

“Nami shüm ba vai, Moses, Bawipa ah changshäm naw, a ning pyen nak gui cu, Bawipa nami Khanpughi naw shin ah khaw, Jordan ah a ktyangtäng cu nami im vai ah ning pe gui ci nei.

PHYAWN NAK 33:14

Bawipa naw, “Kei cu nangmi awn a täng ah ka hteit khai, nang am näng nak ka ning pek khai” cik ci.

THULÄÄN NAK 21:10

“Bawipa nami Khanpughi naw ng’tuk nak ung näng nak a ning pek gui ung, nangmi naw thawng kyum ci gui cu nami lak khai.

JOSHUA 23:1

Shohta khäta Bawipa naw, Israel gui cu koi gui ne om ciah ami ga gui ungka shungvong gui ci. Cun yah ung Joshua cu anghtei ah ghi lawk ci.

ISAIAH 63:14

Sei gui cu khu ali nak ah khong’nawi ung chah guiah mäih ah Bawipa naw a chang gui cu ng’düm sak gui ci. Ani naw a chang gui cu lam shüm gui ne, ami ng m’tamkhah nak dang sak ci.

THULÄÄN NAK 2:36

Bawipa kami Khanpughi naw Aroer ungka gawnu gui avan na näng sak gui ci. Cun cu Arnon khaw nawi ak cawi täng ah kyak ci. Cun ah khaw nawi anglung ung mang gaw la Kilead lam hteh nak ungka avan ah kyak ci. Keimi ah phäh ah khäng htek khai ah ami vongpang a i gawnu phi kä om ci.

JOSHUA 1:5

Joshua, nang na ghin ah chuih a u naw kä ning m’di hlawt khai nei. Kei naw Moses ka om püi ah mäih ah ka ning om püi khai nei. Kei naw angtäi sei ka ning om püi khai, kei naw kä ka ning nawng phung khai.

JOSHUA 2:24

ani pyen cu, “Akcang kani pyen ci, Bawipa naw shin ah khaw avan cu na pe gui pyi ci nei. Acu ah om ciah chang avan naw na kyih gui ci gui nei” cik ci goi.

JOSHUA 11:8

Bawipa naw ngami ah klhan ah näng nak Israel gui am pe gui ci; Israel gui naw tu gui u ne, a siiptäng Misre Photh Maim la Sidon, a kiangtäng Miyypah khaw nawi ung khüt ne gawt gui ci gui. Ng’tuk nak cu ga a u phi kä a ghin ba güt ah kyak ci.

JOSHUA 11:12

Joshua naw shin ah mang gaw gui avan la ami ghangpughang gui cu khäm yawp ci, chang nü ngawn ci, cun cu Moses, Bawipa ah changshäm naw ang thumkhän ah kyak ci.

2 SHONTÄP NAK 13:16

Israel gui cu Judean gui ungka dawng ci gui Khanpughi naw Judean gui ah khan ah näng nak huham pe gui ci.