JOSHUA 21:43 - Cho Bible Common Language 2016

⁴³ Cun ah kyasei Bawipa naw Israel gui am khaw avan pe gui ci, cun cu ani naw a pek gui vai ah ami pupa gui am aküikyang ah ashaitak ah kyak ci. Ngami naw cun ah ami kaa nak awn ah acun ung ng’lei leh ne om ci gui.

JOSHUA 21:43 Referans Kwoze

ATÜNNAK 13:15

Na hmuh bäät ah khaw avan cu nang la na htangshon am ka ning ap khai nei. Cun cu khawnglän ung na khaw ah kyak khai nei.

ATÜNNAK 28:4

Khanpughi naw Abraham am a pek ah shin ah na om nak ah khaw cu, na khäm vai ah Abraham am hriham pek ci naw, nang la na htangshon cu hriham pe sä” cine taigü pe ne tüi ci.

SAM 44:3

Na chang gui naw ami mät ah chim awn cun ah kho cu kä näng hlawt ci gui; Ami mät ah huham la k’thagui la na om ah mawng ang kheing sak nak awn, acun naw na m’hni nak gui cu dang sak ci.

THULÄÄN NAK 11:31

Nangmi cu Jordan tuinu nami kat lawk khai. Bawipa nami Khanpughi ah ning pek gui ah khaw phi nami khäm lawk khai. Nangmi cu cun ah khaw la ne nami om law ah a kyak ung,

PHYAWN NAK 3:8

Egypt gui ah kut ungka ka gun gui khai ah kei ka lawk ci, ngami cu Egypt khaw ah kaa bämang nak khaw, bühmang ne ng’lei nik ciah khaw, ami ng’shon nak, tuhbäi chü Kanaanit gui, Hittit gui, Amorit gui, Perizzit gui, Hivit gui la Jebusit gui ah om nak ah ka hteh püi ba gui khai.

THULÄÄN NAK 17:14

Bawipa nami Khanpughi naw a ning pek gui ah khaw cu nami kaa nak awn ah nangmi cu a cu ah nami om khai. Nami pei leng ah pakhui khaw gui ah mäih ah nangmi phi ghangpughang nami ng’yak hlü cu nami m’hnüt bäi lawk khai.

ATÜNNAK 12:7

Bawipa cu Abram ah ma ah dang law neta, “Shin ah khaw cu nang ah htangshon am ka pek ah khaw ah kyak ci nei” cik ci. Abram naw Bawipa angdang law nak ah hmun ung khawih kiang co ci.

THULÄÄN NAK 34:4

Cun kawn ah Bawipa naw Moses a pyen nak cu, “Shin cu kei naw, Abraham ni, Issak ni, Jakob niam, ami htangshon gui am ka pek gui vai ah, shai ka tak ah khaw ah kyak ci nei. Keinaw ka ning hmuh sak khai, cun ung phi cun ah khaw ung kä ka ning hteh sak khai.”

KHEI NAK 33:53

Khaw avan khäm ne acun ung nami om vai, a i ah kyasei ci ung cun cu kei naw ka ning pek gui ah kyak ci.

NEHEMIAH 9:8

Ani cu nang ung bekhüt sei na hmuk ci, ani awn nang naw thukhän na bik ci. Nang naw shin ah khaw gui na pek khai ah shaitak na bik ci. Kanaanit khaw, Hittit khaw la Amorit khaw, Perizzit khaw, Jebusit khaw, la Kirkashit khaw, cun gui cu ani ah hta ng’shon gui ah ami om nak vai ah kyak ci. Nang cu na bekhüt ci kya ne na shaitak cu na k’pang ci.

NEHEMIAH 9:24

Ngami naw Kanaan khaw cu khäm ci gui; a cu ah om ciah chang gui cu nang naw na hnim gui ci. Nang naw na chang gui am, Kanaan ghangpughang la chang gui ah khan ah ami bi hlü ami bi vai ah huham na pe gui ci.

KHEI NAK 34:2

Shin ah m’shümthein nak gui cu Israel chang gui ah hmawk ah pek ci: Nangmi kei naw ka ning pek gui ah Kanaan khaw ung nami luh law ung, nami khawpäng ah khawgi gui cu shin cha ah kyak khai.

THULÄÄN NAK 12:29

“Bawipa nami Khanpughi naw pakhui gui cu m’di gui khai, nangmi naw ami khaw nami tuk khai, nami khäm khai, cun ung nami om khai.

JOSHUA 1:6

Na khüighat vai, na thamah vai, nami pupa gui am ka shaitak ah khaw nami khäm law ba ung nang cu khawngmang ciah na kyak khai.

SUKI GUI 11:24

Nang naw cun cu na lak ba vai ah nak tha nak khan ma? Na khanpughi Chemosh naw a ning pek phung cu nang naw na k’pang hning ci nei. Keimi phi Bawipa kami Khanpughi naw ana pek gui phung cu kami k’pang khai nei.

1 SAMUEL 12:8

Jakob la akyong ung ka gui Egypt khaw ah ami hteh yah ung, Egypt chang gui naw yawshe na gui ci gui, nami pupa gui naw Bawipa naw am htei gui vai ah k’thäh ci gui, ani naw Moses la Aaron cu tüi goi ci, ngami naw Egypt ung ka law püi ba gui ne, shui ah khaw ung om sak gui ci.

2 SHONTÄP NAK 20:8

Ngami shin ung om u ne, nang ning m’tamkhah nak vai ah Taigüim co ci gui, ngami naw ami hmat cu

SAM 78:55

Ani naw ami ma ah ana om ci gui cu k’täm gui ne, ami khaw cu Israel pakhui gui-am k’pai gui ne, ami im gui phi ak chang gui am pe gui ci.

SAM 105:8

Ani naw a thumkhän cu angtäi sei k’paang khai, a shaitak cu ng’shon tämkäp ah hmawk ah kyak ci.

JEREMIAH 32:23

Cun ung phi ngami shin ah khaw ung law ba u ne, shin ami kaa hak awn ah ngami naw nang ah thumichän kä ngai ci gui, na m’theithang ah mäih ah kä om ci gui; nang naw ami bi vai na pyen cu ngami naw kä bik ci gui. Cun ah kyasei ngami ah khan ah shin ah m’dishum nak avan cu na law püi ah kyak ci.