JOSHUA 21:17 - Cho Bible Common Language 2016

¹⁷ Benjamin khopäng ungka mang gaw phli ami pek gui; cun gui cu Kibeon, Keba,

JOSHUA 21:17 Referans Kwoze

JOSHUA 9:3

Cun ung phi Kibeon chang gui Hivit gui naw, Jerikho la Ai ah khan ah Joshua ah bi cu ng’ya u neta,

1 SHONTÄP NAK 6:60

Benjamin khopäng ung shin ah gawnn gui la ami khulim khaw gui phi gah ci gui: Keba, Alemeth, la Anathoth. Cun ah kyasei ami kyongchang avan naw ami om nak vai ah avan angdawn pigaw gha lei thum pe gui ci gui.

JOSHUA 21:18

Anathoth, Almon la ami khuli khaw gui,

1 GHANGPUGHANG GUI 15:22

Ghangpughang Asa naw Judah khaw avan ung ng’thu k’bäi ne ak thäh gui cu, a chang sing a u kä k’pawih sei, Baasha naw angvongpang nak ah lung gui la sing gui cu Ramah ungka naw avan ami m’kawn vai. Acun gui awn Asa naw Mizpah la Benjamin khopäng Keba mang gaw ung vongpang ne om ci.

2 GHANGPUGHANG GUI 23:8

Judah khaw ung mang gaw gui ungka taigü gui cu ani naw Jerusalem ah hteh püi gui ne, khopäng avan ung ngami naw khawihnah nak ami douthak nak ah sonkiang gui cu shetsham sak ci. Mang gaw uktu Joshua naw m’kawt pei ung a cawh ah me-m’cha gui vawih peh nak ah sonkiang phi ani naw gäi ci, cun cu mang gaw ung luh nak ah m’kawt nuktung ah ak-eng täng ah om ci.

ISAIAH 10:29

Ngami cu k’hteng kau law une, Keba ung mü ip ci gui! Ramah gawnu ung om ciah chang gui cu kyih aih ci gui, Gangpughang Saul ah gawnu Kibeah ung om ciah chang gui cu a hei ah dawng ci gui.

1 SHONTÄP NAK 8:6

Ehud ah htangshon gui cu Naaman, Ahijah, la Kera. Ngami cu Keba ung om ci gui ah kyong chang gui ung ami ng’vai gui ah kyak ci gui. Cun ung phi ngami cu k’täm gui u sei Manahath ah hteit ne om ci gui. Cun ah ami ng’plon nak ung Uzza la Ahihud ah pa Gera cu tängpang ci goi.

NEHEMIAH 12:29

Bethkilkala, Keba la Azmaveth ung ka law ci gui.

ZEKHARIAH 14:10

Khaw ng’lei avan a siiptäng Keba ungka naw, a htumtäng Rimmon ung khüt khai ah pingtei sa khai. Jerusalem cu khaw avan ah khan tänghän ah kyak khai; Mang gaw cu Benjamin m’kawt ungka naw m’kiungtung m’kawt ung khüt ci, cun cu yanä m’kawt man ah kyak ci. Hananela tänghän ungka naw mang ah sapyit neen nak ung khüt ci.