JOSHUA 21:1 - Cho Bible Common Language 2016

¹ Levit kyong chang gui ah ami ng’vaihta gui cu Taigü Eleazar, Nun ah hta Joshua la Israel pakhui avan ah kyongchang gui ah ami ng’vai gui ah hteit ci gui.

JOSHUA 21:1 Referans Kwoze

JOSHUA 14:1

Shin gui cu Kanaan khaw Jordan tuinu ah akhei täng cu Israel chang gui naw a i hawkcha ah ami ng’pai ciah mawng ah kyak ci. Taigü Eleayar, Nun ah hta Joshua la Israel pakhui kyong chang ung ami ng’vai gui naw chang gui am k’pai gui ci gui.

JOSHUA 19:51

Taigü Eleazar, Nun ah hta Joshua, la Israel pakhui kyongchang ung ami ng’vaihta ui naw shin ah khaw k’bou gui cu, m’shüih tawk ne Bawipa ng’shithäh u neta, Shilon ung ng’pai ci gui, cun cu Bawipa ah om nak ah Phung ung valuh nak ah kyak ci. A cu cha ah ngami naw khaw ami ng’pai cu pyi phleh ci gui.

JOSHUA 17:4

Ngami cu taigü Eleayer, Nun ah hta Joshua la angvai gui ah hteit u neta, “Bawipa naw Moses am ang thumkhän cu, khaw avang cu keimi la kami mätyah gui pami gui naw kami kaa nak vai ah ana pek gui vai ah pyen ci “Cun ah kiasei Bawipa ah thumkhän ah mäih ah ngami cu ami mätyah pami gui awn a täng ah khaw cu pe gui ci gui.

PHYAWN NAK 6:25

Eleazar, Aaron ah hta naw Putiel ah hta tumat chu nak ci, ani cu Phinehas ah hta ci. Shin gui cu ami kyongkhui ng’vai gui Levi pakhui ah pahta gui ah kyak ci.

PHYAWN NAK 6:14

Jakob ah htahtük Reuben cu phli ah hta ci. Cun gui cu; Hanok, Pallu, Hezron, la Karmi ah kyak ci gui.

ATÜNNAK 49:7

Ani m’lungshe nak ung plah nak om khai, a i ah kyasei ci ung cun cu ng’hüüt ci. Ani m’lungso nak ung plah nak om khai, a i ah kyasei ci ung cun cu shekhak ci. Israel khaw avan ung ka püi sak gui khai. Ami chang gui ah ng’lung ah ka pawng sak gui khai.

KHEI NAK 35:1

Jerikho ungka naw Jordan tuinu ak kan law nak ah Moab khaw dou ung Bawipa naw Moses a pyen nak cu,

KHEI NAK 35:8

A pakhui päng ung Levit mang gaw gui khei nak cu ami mät ah khawpäng angshawng kau ah ciah kyak khai.”