JOSHUA 20:3 - Cho Bible Common Language 2016

³ Chang tumat naw acapka ah chang a ngawn ah a kyak ung acu ah hteit ne ng’tungyii khai, cun ung phu tuk vai ah ami shui law ung phyawn nak khai.

JOSHUA 20:3 Referans Kwoze

TAIGÜTHUM 4:2

cun cu Israel chang gui am am thein gui vai ah kyak ci. Chan tumat naw acapka ah Bawipa ah thumkhän cu kat na ne, m’shet ne a kyak ung shin ah thung gui cu a läk vai.

KHEI NAK 35:12

A cun ung sik ciah chang ah mäityah gui naw phu ami tuk nak vai ungka ani cu phyawng khai. Chang ngawn ciah ami k’bün ah chang tumat cu yung ung cetnak kä om ciah sih nak kä pek düt vai.

JOSHUA 20:2

Israel chang gui am nam thein gui vai cu, “Ng’yii nak ah mang gaw gui cu na ghü vai, cun ah mang gaw gui a ning m’thein vai ah Moses am ka ng’thumkhän pyi ah kyak ci.

JOSHUA 20:4

Ani cu shin ah mang gaw tumat mat ung dawng hning ci, mang gaw m’kawt valuh nak ah m’khoicha nak ung hteit ne, amawng ma cu angvai gui am am thein gui vai. Cun ung ngami naw mang gaw kyong ah luh püi u ne, a om ak vai ah hmun pek khai gui, ani acun ung om hning ci.

KHEI NAK 35:19

Sik ciah chang ah ang et pi bäih ah amätyah naw chang ngawn cicu sih nak a pek vai kyak ci, ani naw cun ah chang cu a hmuh ah a kyak ung, a ngawn vai.

KHEI NAK 35:22

Cun ung phi a vai sü ung ka ah chang tumat naw kä a thüi nak ah chang a capka ah buh tawn ne baw, vawi ne baw ngawn khai,

2 SAMUEL 14:11

Hnumi naw, “Ka bawi mang, na bä ni, Bawipa na Khanpughi ah taigü ä, cun ung sik ciah ka hta ah phäh ah phu tuk khai gui ah pawng ciah ka mätyah gui naw, ka hta tumat cu kä ngawn u ne, dämduh pi ciah katnak cu kä bik khai gui nei” cik ci. David naw, “Kei naw ghing ciah Bawipa ung shai ka tak ci, na hta cu a i naw phi kä plawh kheih khai nei” cik ci.

HEBRU 6:18

Shin ah shaitaak la ng’phyun nak cu, käng thawnghlai hlawt ci la Khanpughi ah hleeihlak nak kä om hlawt ciah a mawng hnih ah kiak ci. Cun ah kyasei ani ung mi ng’yi ciah chang gui cu, ana peit gui ah ngaih u nak htek sei pan vai ah mi thamah lawk ci.