JOSHUA 2:9 - Cho Bible Common Language 2016

⁹ a pyen nak goi cu, “Bawipa naw shin ah khaw ning pe gui ciah ka tmat ci nei, shin ah khaw ung om ciah chang päng naw ning ktih gui ci nei.

JOSHUA 2:9 Referans Kwoze

PHYAWN NAK 23:27

“Nang ning hnungtuk püi ciah chang gui naw, ami na kyih vai ah ka bik khai. Nang naw na ng’tuk püi gui, ning hnungtuk püi ci gui ah ng’lung ah ng’cuhcan nak ka law püi khai. Na ga gui avan ng’hlat ne dawng khai gui ah ka bik khai nei.

THULÄÄN NAK 2:25

Tuhngawi ung tün ne a khaw nü ung chang gui naw ami ning kyih gui vai ah ka bik khai nei. Nangmi ah ming angdang phung ung chang nü cu kyi ne ng’thüng khai nei.

JEREMIAH 27:5

“Dämduh ciah ka huham la ka thamah nak awn kei naw khomdek khan, changpakhui gui la khomdek khan ah om ciah khisa avan cu ka tüi pyang ci; cun cu kei naw ka ghü ah chang tumat mat am ka pek ci.

THUSHÄUTU 8:12

Hmakat ciah chang naw cawipang nak phya bi ne, ghing ne om lä ci. Ä, kei naw chang gui naw a i ami pyen cu ka hmat ci nei: “Nang naw Khanpughi na ngaih ung a päng avan cu bä khai nei.

SAM 115:16

Khankho cu Bawipa amät bäng naw khäm ci, khomdek cu mikmi hnicim chang am na pe gui ci.

SAM 112:10

Changshe gui naw cun cu hmu neta, m’lungshe ci gui; Ngami cu thüi ne m’thüi u ne maih khai gui; ami ngaih u nak phi ng’kawn yawp ci.

JOB 19:25

Cun ung phi ak hnukbäih ah gawk law ne kei ah phäh ah ng’thu pyen khai cu khankho ah om ciah ka hmat ci nei.

JOSHUA 2:11

Cun gui kami ng’yak vai am keimi cu kami kyik ci nei, nangmi ah om ah keimi kami thagui maih yawp ci nei. Bawipa nami Khanpughi cu khankhaw la shin ah m’dek Khanpughi ah kyak ci nei.

ATÜNNAK 35:5

Jakob la a hta gui ami ng’düih law yah ung mang gaw pei ung om ciah chang gui naw Khanpughi kyih aih u neta, kä gawt k’täm ci gui.

MATTHE 20:15

Ka mät ah ngui cu ka mät ah m’hni ah kä ka mang vai maa! Kei ah kang khai-lang ah phäh ah nam thüi ci maa!’ cine kyak nak ci,” cine m’cäi gui ci.

NAHUM 2:10

Nineveh cu di ci, shum ci, shiu ci! M’lung avan kyi ne ng’tum ci, M’khuuk phi ng’hlet ci, Thagui avan maih ci, Hmai phi thui ne ng’aa ci.

ISAIAH 19:1

Shin cu Egypt ah mawng thum’khäh ah kyak ci. Bawipa cu khongmei akyäpah ng cun ne Egypt ah lawk ci nei. Egypt gui ah amiagup gui cu ama ah ng’hlet ci gui, Egypt chang gui ami thagui maih ci.

2 GHANGPUGHANG GUI 7:6

Bawipa naw Sirian gui ah ng’yak vai ah ng’se gui la yatha gui awn lawk ciah gakap ak chün ah mäih ah k’aw cu ng’thang sak khäta, Israel ghangpughang naw Hittit la Egypt ghangpughang gui ng’vat sei ami gakap gui naw tu law gui ciah ngai ci gui.

2 GHANGPUGHANG GUI 5:15

Ani cu achang gui avan awn Elisha ah law ba u neta, “Tuhbäi kei naw ka hmat pyi ci, a hei Khanpughi kä om ci, Israel Khanpughi bäng om ci nei; bawi aw ka yei aih ci nei, kei ah m’cümhnah nak gui cu na dou pe ä” cik ci.

2 SAMUEL 17:10

Phong kawng ah mäih ah kä kyi ne nget pi ciah chang gui phi kyik khai gui nei, a i ah kyasei ci ung Israel khaw ung chang avan naw, napa cu m’gäi ciah gakap, a chang gui cu ng’näng ciah ng’tuk bi gui ah hmat ci gui nei.

SUKI GUI 7:14

A teihpüi naw m’shang ne, “Cun cu Israel ah khim, Joash ah hta Kideon ah kyak ci! A hei ah kä ng’phlan khai! Khanpughi naw ani am, Midian la mi gakap avan ah khan ah ng’näng nak pe pyi ci nei!”

THULÄÄN NAK 32:8

A hlüngtai säih ah Khanpughi, ami khaw pe gui ä, ani naw chang gui ami omnak vai m’hnütbäi pe gui ci. Ani naw pakhui päng ung khan khaw chang tumat ci m’düih pe gui ci.

THULÄÄN NAK 28:10

Cun kawn ah khomdek khan ung chang avan naw Bawipa naw amät ah chang ah a ning ghü gui cu hmuk khai gui, ngami naw ning kyih gui khai gui.

THULÄÄN NAK 11:25

A hawi nami hteh ung phi cun ah khaw ah kyong ung, Bawipa nami Khanpughi naw a shaitak ah mäih ah chang gui naw ami ning kyih gui vai ah

PHYAWN NAK 18:11

Bawipa cu khanpughi gui avan nah däm pi ciah tuhbäi kei naw ka hmat ci nei. Israel gui cu Egypt gui naw shin ah ami shedam nak gui yah ung, ani naw a bi ah kyak ci nei” cik ci.

HEBRU 11:31

Hlawhhlangnu Rahab cu ng’däät ciah chang gui dou gui ne ang khawt püi gui ah hmawk ah, Khanpughi kä yum ci gui awn a täng ah kä a mi ngawn tu cu a yum nak awn ah kyak ci.

KHEI NAK 20:14

Moses naw Kadesh ungka naw Edom ghangpughang ah chang tüi ci. Ngami naw, “Shin cu Israel Pakhui, na mätyah ah thu m’khäh ah kyak ci nei. Keimi naw kami yaica nak ah khüikha nak gui cu nang naw na hmat ci.

KHEI NAK 20:24

“Israel chang gui am ka pek vai ah ka shaitak nak khaw ung Aaron cu kä lut tuk khai; ani cu si lawk khai, a i ah kyasei ci ung nangni naw Meribah ung ka thumkhän cu nani na hnu ng’tuk püi ci.

JOSHUA 2:8

Däät ciah chang goi cu, cu mü ip tuk khai goi ah kä a ni pawng pha ung, Rahab naw m’dii cih khan ah hang kai neta,

JOSHUA 2:24

ani pyen cu, “Akcang kani pyen ci, Bawipa naw shin ah khaw avan cu na pe gui pyi ci nei. Acu ah om ciah chang avan naw na kyih gui ci gui nei” cik ci goi.

JOSHUA 9:9

Ngami naw shin ah m’thein ci gui, “Bawi aw, keimi cu khaw shou nak ah kaa kami lawk ci nei, a i ah kyasei ci ung keimi naw Bawipa nami Khanpughi ah mawng cu kami ng’yak ci. Ani naw Egypt khaw ung abi gui ah mawng nünü kami ng’yak ci.

JOSHUA 9:10

Jordan ah a kyangtäng ung ghangpughang hnih goi ah a khan ung abi phi kami ng’yak ci. Heshbon ghangpughang Sihon la Bashan ghangpughang Ok, Ashtaroth ungka gui ah kyak ci.

JOSHUA 9:24

Ngami naw, “Kami bik khai nei, bawi aw, a i ah kyasei ci ung Bawipa nami Khanpughi naw a changshäm Moses am ang thumkhän ung, khaw avan ning pe gui ci, nami ma ung, acun ung om ciah chang avan ngami ngawn vai ah kyak ci. Shin ah kami bi cu kami ning kyih aih gui ah phäh la kami hnun gui ah kami ng’ä aih ah phäh ah kyak ci.

ISAIAH 23:5

Egypt chang gui phi Tire adi cu ami hmat ung cäicat kyi kyawk khai gui nei.

JOSHUA 5:1

Jordan ah akhei täng ungka Amorit ghangpughang gui ami van, Mediterranean tuinu yung ah om ciah Kanaanit ghangpughang gui am van naw, Israel chang gui naw kä ami kah yawp pha ah chuih, Bawipa naw Jordan tuinu a hu sak cu ng’yak ci gui. Ngami cu kyikyawk u ne, Israel gui ah phäh ah ami tha maih yawp ci.

JOSHUA 6:2

Bawipa naw Joshua pyen nak ci, “Kei naw na kut ung Jerikho cu ka ning m’shum ci, Acun ung ghangpughang la nget ciah gakap gui avan mah mah ah kyak ci.

NEHEMIAH 6:16

Kami pei ng’leng pakhui kho gui ung ka, kami ga gui naw acun ah mawng am hteihtang nak awn bii bi ang pyi cu chang nü naw hmat ci gui.

ESTA 8:17

Mang gaw la khopäng avan ung, ghangpughang ah thu ng’shäu ami phat nak päng ung, ei awk nak la yeikyai nak awn lünlawi ne, ng’chiin nak cu Jew chang gui naw bik ci gui. Ahei chang gui akda naw Jew chang gui cu kyih law gui u ne, Judah gui ah yum nak cu yum law tuk ci gui.