JOSHUA 2:4 - Cho Bible Common Language 2016

^4-6 “Ani naw m’shang ne, “Chang gui ka im ah law hman ci gui nei, cun ung phi a hawi ah kaa ami law kä ka hmat ci. Ngami cu khohni a hang kyak sangung, mang gaw m’kawt kä ami khai pha ung htie ba ci gui nei. A hawi täng ah ani hteh kä ka hmuh goi ci, cun ung phi ang ghit ah nami k’täm goi ung nami pha goi khai nei” cik ci. (Rahab naw ng’däät cu m’dii cih khan ah kai püi goi neta, m’kum gong a tha nak ah kaa ah thup goi ci.)

JOSHUA 2:4 Referans Kwoze

2 GHANGPUGHANG GUI 6:19

Elisha naw ami om nak ah hteit ne a pyen cu, “Nangmi lam nami hma ci nei, shin cu nangmi naw nami shui ah gawnu ah kä kyak ci nei. Kei na läk vä, kei naw nami shui ah chang ah om nak ah ka ning hteh püi gui khai nei” ci neta Samaria ah hteh püi gui ci.

PHYAWN NAK 1:19

Ngami naw, “Hebru hnumi gui cu Egypt hnumi gui ah mäih ah kä kyak ci gui, ngami cu ayäi ah hta ci gui, keimi kä kami gawk pha ung hta pyi ci gui,” cine m’hlan ba ci gui.

JAMES 2:25

Acun ah mäih ah hlawhlaang ciah Rahab ah mawng cu kyak ci. Ani naw Israel chang sübük ci gui cu, dou gui netah phyawng ne alam hei ung ami hteh ba vai ah m’thei gui ci. Cun ah a hnünthawh nak awn ani cu Khanpughi ung düng nak gah ci.

JOSHUA 2:3

Rahab am ng’thu m’shäk lawk ci, “Na im ung om tuk ci gui cu khaw avan däät khai gui ah lawk ci gui ah kyak ci nei, law püi gui ä” cik ci.

JOSHUA 6:17

Mang gaw la mang gaw kyong ah om ci nü m’di yawp vai nei. Cun cu Bawipa am douthak ah kyak ci nei. Chang plet Rahab ah kyong khui chang phung k’phyawn vai nei, a i ah kyasei ci ung ani naw mi ng’däät sak ah chang gui cu k’phyawn gui ci nei.

JOSHUA 6:25

Cun ung phi Joshua naw chang plet Rahab la a mätyah gui avan k’phyawn gui ci, a i ah kyasei ci ung ani naw ng’däät ciah chang hnih Jerikho ah a tüih goi yah ung a thuh goi ah phäh ah kyak ci. (Ani ah a hta ng’shon gui cu tuhngawi Israel khaw ung om ci gui.)