JOSHUA 2:3 - Cho Bible Common Language 2016

³ Rahab am ng’thu m’shäk lawk ci, “Na im ung om tuk ci gui cu khaw avan däät khai gui ah lawk ci gui ah kyak ci nei, law püi gui ä” cik ci.

JOSHUA 2:3 Referans Kwoze

2 SAMUEL 10:3

Ammonit ng’vai gui naw ami ghangpughang am, “Shin cu David naw napa am taam nak ah, nang a ning k’büi nak ah chang gui a tüih law ah na ngai ne ang? Cun ah kä kyak ci! Ani naw a tüih law gui cu mang gaw a tuk nak vai ah ng’dät-khai gui ah kyak ci nei, cun ah kyasei ani naw na khäm gui hning ci nei!” cik ci gui.

LAMKTU 12:6

Herod naw Peter cu chang gui ah ma ah kä a k’plawk pha ah kho mü ät ung, Peter cu ngäng ciah gaakap hnih ang lak ung ip ci. Ani cu m’si gui hnih awn khih u ne, thawng m’kawt pei ah phi gaakap gui naw ngäng ci gui.

LAMKTU 12:4

Herod naw Peter cu a pha kawn ah chang sing phli ci lawk ciah gaakap hläm phli am ap ne thawng ung chum ci. Herod naw ani cu Pasakha pawi ang pyi kawn ah Jew chang khli ah ma ah ng’thumcha vai ah k’bäi ci.

JOHAN 19:4

Pilat cu lut law ba mä netah, chang gui-am, “Ani ung sih nak vai ah katnak kä ka hmuh ah mawng cu, nangmi naw nami hmat vai ah nami ma ah ka law püi khai nei” cik ci.

JOB 21:30

Angtäi se shetkat ciah chang gui cu Cun ah hnüp ung Khanpughi cu m’lungshe neta m’kyuk gui ci.

1 SHONTÄP NAK 19:3

Ammonit angvai gui naw ghangpughang am, “David naw napa m’tamkhah ne, nang ah khan ah vat tham nak m’dang khai ah shin ah chang gui tüi lawk ciah na ngai ne ma? Kä cun nei! Shinah khaw tu ne ami näng vai ah ng’dät khai gui ah a tüih law gui nei!” cine m’thein ci gui.

JOSHUA 10:23

Cun ah kyasei m’kawt cu hmawng ci gui, Jerusalem, Hebron, Jamuth, Lachish la Eglon ghangpughang gui cu plawk u ne,

TAIGÜTHUM 24:14

“Cun ah chang cu shaum pigaw k’pung ah hteh püi vä. Ani ah ang plah ng’ya tuk ci phung naw, ani shekak ciah m’dang nak ah a kut alu khan ah taih sä. Cun kawn ah changbum van naw lung awn vawi ne ngawn vä.

ATÜNNAK 42:31

Keimi naw, “Keimi cu ng’tä ciah kä kami kyak ci, chang ni gui nei.

ATÜNNAK 38:24

Cha thum vai lüng khäta, chang tumat naw, “Na hta ah chu Tama cu m’gaai ci nei” cine m’thein ci gui. Judah naw, “Ani cu la ne mei awn m’khih ne ngawn vä” cik ci.

JOSHUA 2:2

A cu mü Israel chang gui naw khaw däät khai ah ami law cu, Jerikho ghangpughang naw ng’ya neta,

JOSHUA 2:4

“Ani naw m’shang ne, “Chang gui ka im ah law hman ci gui nei, cun ung phi a hawi ah kaa ami law kä ka hmat ci. Ngami cu khohni a hang kyak sangung, mang gaw m’kawt kä ami khai pha ung htie ba ci gui nei. A hawi täng ah ani hteh kä ka hmuh goi ci, cun ung phi ang ghit ah nami k’täm goi ung nami pha goi khai nei” cik ci. (Rahab naw ng’däät cu m’dii cih khan ah kai püi goi neta, m’kum gong a tha nak ah kaa ah thup goi ci.)

2 SAMUEL 17:20

Absalom ah bawi gui cu im ah law u ne, hnumi cu ng’shi ci gui, “A hawi ang Ahimaaz la Jonathan?” Hnumi naw, “Tuinu hei kat pyi ci goi nei” cik ci. Chang gui naw shui ci gui, cun ung phi kä hmu goi ci gui, cun ah kyasei Jerusalem ah hteit ba ci gui.

SUKI GUI 4:20

Ani naw hnumi am, “phung ah m’kawt ung na ng’düih vai, chang tumat mat law ne, shin ung chang om ne ang? cine a ning shi ung, ka nei, na ci vai” cik ci.