JOSHUA 2:24 - Cho Bible Common Language 2016

²⁴ ani pyen cu, “Akcang kani pyen ci, Bawipa naw shin ah khaw avan cu na pe gui pyi ci nei. Acu ah om ciah chang avan naw na kyih gui ci gui nei” cik ci goi.

JOSHUA 2:24 Referans Kwoze

PHYAWN NAK 23:31

Kei naw nami khawgii cu Akaba tui ng’khep ungka naw Mediteranean Tuili, bungpuk ungka naw Euphratis tuinu ung khüt khai ah ka ng’shawng sak khai. Cun ah khaw ah a bä nak ah khan ung huham ka ning pek khai, nang naw ngami cu mata gui ne na k’täm gui khai.

NG'THU K'THUUK~ 25:13

Bä ciah ng’shä cu tüi ciah chang ah phäh ah k’tha m’thaai nak ah kyak ci, Geit khäm ah khin khaw ang ling yah ung tui gei ah mäih ah kyak ci.

JOSHUA 5:1

Jordan ah akhei täng ungka Amorit ghangpughang gui ami van, Mediterranean tuinu yung ah om ciah Kanaanit ghangpughang gui am van naw, Israel chang gui naw kä ami kah yawp pha ah chuih, Bawipa naw Jordan tuinu a hu sak cu ng’yak ci gui. Ngami cu kyikyawk u ne, Israel gui ah phäh ah ami tha maih yawp ci.

JOSHUA 1:8

Thukhän ca uk cu nami khawihnah nak phung ah phat vai ah nami hteingcha vai. Amü ahnüüp na phat vai, acun ah kyong ung guk phung na läk ah mawng na ng’hteicha vai. Cun ung nang cu bämang ne na näng khai.

PHYAWN NAK 15:15

Edom ah ami ng’vai gui cu cäi ng’ä ci gui. Moab gui ah chang m’gäi gui cu ng’hlet ci gui. Kanaan chang gui cu ami thagui maih ci.

JOSHUA 2:23

Cun kawn ah ng’däät ciah chang goi cu m’htung ah kaa kyum law ba ni ne, tuinu hei kat ba ne Joshua ah om nak ah hteit ba ci goi. Ngani naw cun ah a mawng avan cu m’thein ni neta,

SUKI GUI 7:9

A cu mü Bawipa naw Kideon ang thumkhän cu, “Tho law ne phung cu tu hnim ä; cun ah khan ung näng nak kei naw ka ning pek khai nei.

JOSHUA 6:2

Bawipa naw Joshua pyen nak ci, “Kei naw na kut ung Jerikho cu ka ning m’shum ci, Acun ung ghangpughang la nget ciah gakap gui avan mah mah ah kyak ci.

JOSHUA 8:1

Bawipa naw Joshua a pyen nak cu, “Gakap gui avan hteh püi gui ne A i ah nami hang kai vai, kä nami kyih vai, nami tha kä a ken vai. A i ghangpughang ah khan ah näng nak kei naw ka ning pe gui khai. Ani ah a chang, a mang gaw la a khaw cu nangmi ah kaa ah kyak khai.

SUKI GUI 1:2

Bawipa naw m’shang gui ne, “Judah pakhui hteit ma sä, kei naw khaw ami m’khüt nak vai ka pe gui ci nei” cik ci.

SUKI GUI 18:10

Nangmi cu ah nami gawk ah a kyak ung, chang gui cu a i phi kä ng’ä ai ne om u sei nami hmu gui khai nei. Cun cu khaw akdäm nei; Chang tumat ah ng’yak hlü phung vai cu, acun ung om ci nei, cun cu khanpughi naw ning pe gui ci nei.