JOSHUA 2:18 - Cho Bible Common Language 2016

¹⁸ Shin cu nang naw na bi vai nei. Keimi naw nami khaw kami tuk law ung keini na na yuk chah law nak goi ah m’kawt ung shin ah yih sen cu na yai vai nei. Na nu la na pa ni, na phäi nau gui ni, na pa ah kyong chang gui avan cu na im ung na bum gui vai nei.

JOSHUA 2:18 Referans Kwoze

JOSHUA 6:23

Cun ah kyasei ngani hteit ni ne, Rahab law püi ni ne, anu la apa ni, a phäi nau gui la a kyong chang gui avan law püi ci goi. Ngami naw ami kyong chang la ami changshäm gui ami van law püi u ne, Israel gui ah phung pei ah phyawng khai gui ah tha gui ci gui.

JOSHUA 2:21

Ani naw cun cu yum neta, ang ghit ah dawng sak goi ci. Ngani ani hteh ba kawn ah ani naw yih sen cu m’kawt ung yai ci.

HEBRU 9:19

Akhtükbäih ung Moses naw thukhän om ci gui phung cu chang gui-am ng’shäu ne m’thein gui ci. Cun kawn ah me ah si la sei ah si cu la ne tui awn k’caw netah, hissop singban la htomu a sen awn, thukhän ca-uk la chang gui cu k’peh gui ci.

LAMKTU 10:33

Cun ah kya sei kei naw chang akyang ah ka tüih law nei. Nang na law ah phäh ah ang thei ah ka yei kyai ci nei. Bawipa ah mawng cu nang ah thu awn kami ng’yak khai ah keimi cu Khanpughi ah ma ah kami gawk law pyi ci nei” cine pyein ci.

TAIGÜTHUM 14:4

taigü naw thukbäi khai, theek ciah kha hnih, acun awn a täng ah cedar sing k’peen hta, gui asen la sing lim a law püi vai.

2 TIMOTHI 1:16

Onesiphorus ni ah kyongkhui ung Bawipa ah chimgein nak om sä, ani naw akda vei kei ah lung cu na hüiyang sak ci nei. Kei cu thawng k’kium ah ka kyak ung phi, ani naw kei cu kä na ng’aa nak ci nei,

LAMKTU 11:14

Ani naw nang la na kyong ungka gui naw hun nak nami gah nak vai ah thu ni cu ning thein gui khai nei” cine a pyein ah mawng cu nam then tu gui ci.

LAMKTU 10:27

Cun kawn ah Konelius awn a täng ah ng’htau ne im kyong ah va lut netah, chang akda ana bum u sei hmuk ci.

LUKA 19:9

Bawipa Jesuh naw, “shin ah chang cun phi Abraham ah hta ng’shon ah kyasei, hun nak cu a tuhngawi shin ah im khan ah gawk law pyi ci nei.

KHEI NAK 19:6

Ani naw cedar-sing, hissop sing toi la pyai asen cu la neta mei ung ak htawm vai.

KHEI NAK 4:8

Ngami naw cun ah khan avan cu sui asen awn ami yuk uk vai. Cun ah khan ah mehvun akni ami yuk tha ba vai. Cun kawn ah kawh nak vai ah htung gui ami m’ghuh vai.

ATÜNNAK 12:2

Nang cu akda ah ka ning shon sak khai. Na htangshon cu pakhui küüi ah kyak khai. Hriham ning pe ne na ming ka ning thangsak khai. Nang cu chang gui ah hriham ah na kyak khai.

ATÜNNAK 7:1

Bawipa naw Noah am, “Na Chu, na hta avan luh püi ne htinpaw im kyong ah na luh vai nei, khomdek khan ung düng ciah chang nang bäng ka hmuk ci nei.

ESTA 8:6

Shin ah leibei cu kei ah chang gui ah klhan ah gawk law sei, ka mät ah mätyah gui ami ngawn gui ah a kyak ung, kei a i ah ka kyak khai ang?” cik ci.

SOLOMON NG’Ä~ 4:3

Na m’nei cu asen ih pyai ah mäih lawk ci, Nang na ng’thu law ung cun cu m’hni aih vai kyak ci. Na lushung ah hnu ah na ng’being cu kyom ci.

PHYAWN NAK 12:13

M’kawt ah khan ah si awn mek phung cu nangmi ah om nak ah im ah m’hnüt nak ah kyak ci nei. Kei naw si ka hmuh ah a kyak ung ka phlän tak khai, Egypt chang gui ka m’kyuk law gui ung kä ka ning nat sak gui khai.

JOSHUA 6:25

Cun ung phi Joshua naw chang plet Rahab la a mätyah gui avan k’phyawn gui ci, a i ah kyasei ci ung ani naw ng’däät ciah chang hnih Jerikho ah a tüih goi yah ung a thuh goi ah phäh ah kyak ci. (Ani ah a hta ng’shon gui cu tuhngawi Israel khaw ung om ci gui.)