JOSHUA 2:14 - Cho Bible Common Language 2016

¹⁴ Cun ah chang naw hnumi am, “Kami pyen ah mäih ah kä kami bi ah a kyak ung Khanpughi naw kami ghin nak cu la sä! Keini naw kani bi gui cu a u am kä na m’thein ah a kyak ung keini naw shaitak ka ni ning pek ci, Bawipa naw shin ah khaw ana pek law gui ah a kyak ung, keimi naw akni ah kami ning m’htei khai.

JOSHUA 2:14 Referans Kwoze

MATTHE 5:7

“M’geinsei nak om ciah chang gui yeikyai vä; Nangmi cu Khanpughi naw ning m’geinsei gui khai

NG'THU K'THUUK~ 18:24

Am shah ah khawtsheng nak cu tawi aih ci, Cun ung phi teihpüi amshah cu phäi nau ah ta hläkhäm pi ci.

ATÜNNAK 24:49

Tuhbäi ka bawi täng ah na bilawh vai gui cu kümbe khai ah nami bi vai ah nami ngaih ung, ani ah khan ah akni na bi tu vä, cun ah kä ah kyak ung phi, nami bä ni, na m’thein vä, kei naw a i ka bi vai cu ka k’bäi khai nei” cik ci.

1 GHANGPUGHANG GUI 20:39

Ghangpughang naw sun law khäta, prophet naw khü neta a pyen nak cu, “Ka bawi aw, kei cu ng’tuk nak ung ng’tuk ka bi yah ung gakap tumat naw ami pha ah ga tumat cu kei ah law püi neta, “Shin ah chang na m’htei vai nei, ani a luat ah a kyak ung, ani ah hnün ung na hnun gui na pek khai, käcung ngui phia thumkip ah na ng’lou khai” cik ci.

2 SAMUEL 9:1

Hnüüp ät ung David naw, “Saul ah kyongchang tumat mat om ba ne ang? A om ba ah akiak ung Jonathan ah phäh ah kei naw m’gein nak ka m’dang hlük ci nei” cik ci.

1 SAMUEL 20:8

Kei ah phäh ah shin na na bi pek vai, kei ung na bi ah theingthap ciah shaitak cu na pan vai. Cun ung phi ka katnak a om ung na mät naw na ngawn ä! A i ah kyasei na pa naw ana ngawn vai ah na na hteh püi vai ang?” cik ci.

JOSHUA 6:25

Cun ung phi Joshua naw chang plet Rahab la a mätyah gui avan k’phyawn gui ci, a i ah kyasei ci ung ani naw ng’däät ciah chang hnih Jerikho ah a tüih goi yah ung a thuh goi ah phäh ah kyak ci. (Ani ah a hta ng’shon gui cu tuhngawi Israel khaw ung om ci gui.)

JOSHUA 6:17

Mang gaw la mang gaw kyong ah om ci nü m’di yawp vai nei. Cun cu Bawipa am douthak ah kyak ci nei. Chang plet Rahab ah kyong khui chang phung k’phyawn vai nei, a i ah kyasei ci ung ani naw mi ng’däät sak ah chang gui cu k’phyawn gui ci nei.

JOSHUA 2:13

Shai ami tak vai, ka pa la ka nu, ka phäi nau gui, ka phäi nau gui ah ami kyong chang gui avan nami k’phyawn gui vai, chang am kä nami ngawn sak en gui vai” cik ci.

JOSHUA 2:15

Rahab cu mang gaw paang pei ah cawjh ah im ung om ci kia ne, ani naw cun ah chang goi cu im kawt ungka naw gui awn yuk chah goi ci.

ATÜNNAK 47:29

Asih nak vai ng’et law khäta, a hta Joseph cu khü neta ang thu püi cu, “Ka phei goi ah ng’lak ung na kut k’thoi neta, “Egypt khaw ung kä ka ning m’ciim khai nei” cine thukhän aküi na bi vai.

JOSHUA 6:22

Cun kawn ah Joshua naw ng’däät ciah chang goi cu m’thein goi ne, “Plet ciah hnumi ah im ah lut ni neta, nani shaitak te ah mäih ah ani la akyong chang gui cu na ni law püi vai” cik ci.

2 SAMUEL 2:5

Chang gui cu m’cäi ne tüi gui ci: “Nami bekhüt nak m’dang ne, nami ghangpughang nami htüm cu, Bawipa naw hriham ning pe gui sä.

2 SAMUEL 2:6

Tuhbäi Bawipa naw ning m’hni gui ne, ning bekhüt na gui sä. Kei naw phi nami bilawh ah phäh ah akni ah ka ning m’htei gui khai nei.

NG'THU K'THUUK~ 14:22

Akni na bi ah a kyak ung nang cu akbä pi na gah khai, chang naw ning chang m’sui khai, akshe na bi ah a kyak ung cheishoh nak na bik ci kyak khai.

LAMKTU 23:22

Shekshen bawi naw, “tuk bäi nah na m’thein gui cu a u am kä nam thein nem vai nei” cine m’cäi netah cun ah chang cu tüi ba ci.