JOSHUA 2:1 - Cho Bible Common Language 2016

¹ Cun kawn ah Joshua naw ng’däät khai ah chang hnih cu Akaciah phuung ungka naw Kanaan khaw, aktung pi ah Jerikho mang gaw cu adüm ah däät khai goi ah m’cäi ne tüi goi ci. Ngani cu mang gaw ah gawk ni neta, chang plet Rahab ah im ah hteit ne acu mü om tuk ci goi.

JOSHUA 2:1 Referans Kwoze

HEBRU 11:31

Hlawhhlangnu Rahab cu ng’däät ciah chang gui dou gui ne ang khawt püi gui ah hmawk ah, Khanpughi kä yum ci gui awn a täng ah kä a mi ngawn tu cu a yum nak awn ah kyak ci.

JAMES 2:25

Acun ah mäih ah hlawhlaang ciah Rahab ah mawng cu kyak ci. Ani naw Israel chang sübük ci gui cu, dou gui netah phyawng ne alam hei ung ami hteh ba vai ah m’thei gui ci. Cun ah a hnünthawh nak awn ani cu Khanpughi ung düng nak gah ci.

MATTHE 1:5

Salomon ah hta Boaz (anu cu Rahap) Boaz ah hta Obet (anu cu Ruth), Obet ah hta Jesse, Jesse ah hta David ghangpughang ah kiak ci.

KHEI NAK 25:1

Israel chang gui Akacia Khaw Nawi ung shuam pigaw co ne ami om yah ung pami gui cu acu ah ana om ciah Moabit hnumi gui awn ng’yawpawm ci gui.

EPHESIAN 5:5

Pletbeng ci gui, shekhak ci gui, ng’yak hlü aih nak om ciah chang gui phung cu, Khanpughi la Bawi Khrit ah uknak kho ung chang ah kä kya tuk khai gui cicu akcang ah nami hmat ci nei. (Ng’yak hlü aih nak cu a gup khawihnah nak ah kyak ci nei.)

MATTHE 10:16

‘Ngai vä! Hngei khli ah ng’lung ah htome hta chah ah mäih ah, kei naw ka ning tüi gui ci nei. Cun ah kyasei, k’phyu ah mäih ah theileh u ne, am äm kä om ciah müm kha ah mäh ah nami m’lung gei sä.

JOSHUA 3:1

A ngawi ung khaw ngawi hta Joshua la Israel chang ami van cu tho law ngawi ci gui. Akaciah ung ami phung cu hteh ta u ne, Jordan tuinu ah hteit ci gui, Cun cu tui kah vai ah ami ngäng yah ung ami om nak ah phung ah kyak ci.

KHEI NAK 13:2

“Pakhui gha lei goi ungka, khui ät ungka tumat ci na ghü vai, kei naw Israel gui am ka peik gui ah Kanaan khaw ung ng’däät khai ah na tüih gui vai” cik ci.

SUKI GUI 18:17

Taigü gui cu gakap phia chuk awn a täng ah m’kawt pei ung ami ng’düih yah ung Sübük chang hma cu im kyong ah k’täih ne law u ne, sing at ne ngui awn vook ne pyan ah a gup la a hei a gup gui, la khingyih cu lak ci gui.

SUKI GUI 18:2

Cun ah kyasei Dan chang gui naw ami pakhui kyong chang gui ung bä ciah chang hma ghü u neta, Zorah la Esthaol gawnu gui ung ka khaw shui khai gui ah m’cäi ne tüi ci gui. Ngami cu Ephraim khaw-gui ung law u neta, Mikah ah im ung om tuk ci gui.

JOSHUA 5:10

Israel gui cu Jerikho ah pei Kilkal khawdou ung ami om yah ung, cun ah cha a hnüüp gha lei phli hnüüp phyawn nak pawi bik ci gui.

JOSHUA 21:31

Helkath, Rebob la acun ung khuli khaw gui ah kyak ci.

SUKI GUI 18:14

Laish ah khaw vein gung khaw shui vai ah hteih ciah chang hma naw ami paw gui am, “Shiah im tumat mat ung, sing awn pyang ne, ngui awn vook ah a gup nami hmat ne ang? Cun kawn ah a hei a gup la khingzin phi om khai. Keimi naw a i kami bi ung bä khai ah nami ngai ne ang?” cik ci gui.

JOSHUA 1:18

Nang ah na huham ng’shithäh ne, na ng’thukbäi api phi kä läk ci phung cu, ngawn vai nei. Khüighat ä, thamah ä!”

JOSHUA 2:2

A cu mü Israel chang gui naw khaw däät khai ah ami law cu, Jerikho ghangpughang naw ng’ya neta,

MIKHAH 6:5

Ka chang gui aw, shüm ba vä. Moab ghangpughang Balak naw nangmi ah khan ah a i bi vai ah a pawng, Beor ah hta Ballam naw a i ah am shan, Akacia ah phung la Kilkal ah ng’lak ung, a i ah kyak ci, cicu shüm ba vä. Cun gui nami shüm ba ung kei naw a i cha ah ka ning hun gui cu nami hmat khai nei” cik ci.

ATÜNNAK 42:9

Ani naw ngami ah mawng ang mang cu shüm ba neta, “Nangmi cu ng’tä ciah nami kyak ci, kami khaw ung kä näng nak lam nami k’tä khai ah nami lawk ci” cine kyak na gui ci.

ATÜNNAK 42:16

Tumat hteit ba ne la tuba sä. Nami om shüt ci gui cu nami ng’thu akcang ah a kyak la kä cun ah kä m’nüm pha a chuih ning ngäng gui vai, ghangpughang akcang ah ghing ne a om ah mäih ah nangmi cu ng’tä ciah nami kyak khai.

KHEI NAK 13:1

Bawipa naw Moses a pyen nak cu,