JOSHUA 19:51 - Cho Bible Common Language 2016

⁵¹ Taigü Eleazar, Nun ah hta Joshua, la Israel pakhui kyongchang ung ami ng’vaihta ui naw shin ah khaw k’bou gui cu, m’shüih tawk ne Bawipa ng’shithäh u neta, Shilon ung ng’pai ci gui, cun cu Bawipa ah om nak ah Phung ung valuh nak ah kyak ci. A cu cha ah ngami naw khaw ami ng’pai cu pyi phleh ci gui.

JOSHUA 19:51 Referans Kwoze

JOSHUA 18:10

Joshua naw ngami ah hmawk ah Bawipa ng’shi nak ah m’shüih tawk ci, cun kawn ah pawih ba ciah Israel pakhui päng am khaw avang ci pe gui ci.

JOSHUA 14:1

Shin gui cu Kanaan khaw Jordan tuinu ah akhei täng cu Israel chang gui naw a i hawkcha ah ami ng’pai ciah mawng ah kyak ci. Taigü Eleayar, Nun ah hta Joshua la Israel pakhui kyong chang ung ami ng’vai gui naw chang gui am k’pai gui ci gui.

JOSHUA 18:1

Ngami naw khaw tu ne ami khäm kawn ah Israel chang bum avan cu Shilon ung bum u neta, Bawipa ah om nak ah Phung co gi gui.

JOHAN 17:2

Na Htapa ah kut ung na ap ah chang gui-am angtäi ghin nak a peit gui hning vai ah, nang naw Na Htapa-am chang nüng m’khüt nak ah hlüngtai nak cu na pe pyi ci nei.

MATTHE 25:34

Cun kawn ah ghangpughang naw akpat lam ah om ciah chang gui-am, ‘Law vä, Kapa ah phyutheh nak nami gah ciah chang gui, khomdek a tüi pyan ung tün ne nangmi ah hmawk ah a pyan ah uknak kho ung om vä.

MATTHE 20:23

Bawipa Jesuh naw, “Nangni cu kei ah khap ung akcang ah nani awk khai, cun ung phi kei ah k’eng la k’pat ah nani ngoh vai cu, kei naw kä ka ning pe goi hning ci, cun ah ngoh nak gui vai cu Kapa naw a pyan gui ah chang gui ah hmawk ah kyak ci,” cine kyak nagoi ci.

SAM 78:60

Ani naw Shilon ah a phung cu nawng shüt ci, cun cu a om nak püi gui te ah im ah kyak ci.

1 SAMUEL 1:3

Akum tä sei Elkanah cu Ramah ah ka naw Shilon ah hteit ne, Bawipa a hlüngtai cu khawihnah ne khawihnah nak phi douthak ci. Acu ah Eli ah hta goi, Hophni la Phinehas cu Bawipa ah taigüpa ah

SUKI GUI 21:21

ngäng vä. Pawi yah ung Shilon ung ka hnumi hta gui ng’lam khai gui ah ami law ah a kyak ung, sapyit lo ung ka nami law vai. Hnumi hta gui ung ka, nami mät phäh phäh naw nami chu vai nami k’pai vai, cun kawn ah Benjamin khaw ah nami law püi gui vai.

SUKI GUI 21:19

Cun kawn ah ami ngaih cu, “Shilon ung akum tä bi ah Bawipa ah pawi cu gawk law ge ci nei.” (Shilon cu Bethela ah asiip, Lebanah ah a htum, Bethela la Shekhem ah ng’lak lam ah akiang ah kyak om ci.)

ATÜNNAK 49:10

Mang ah hteipawng cu Judah naw kawt khai. A hta ng’shon naw khonglän ung uk khai. Pakhui gui naw khawh pe lawk khai gui. Ani kyih aa ne ama ah kawp khai gui.

LAMKTU 13:19

Ani naw Kanaan kho ungka changpakhui chih cu nawng gui netah, cun ah kho cu ak chang gui am khäm sak gui ci.

JOSHUA 20:1

Bawipa naw Joshua a pyen nak