JOSHUA 18:7 - Cho Bible Common Language 2016

⁷ Cun ung phi Levit gui cu nangmi nami pawih ci awn a täng ah khaw ami chaw kä gah tuk khai gui. A i ah kyasei ci ung ngami ah chaw cu Bawipa ah taigü ah kia ne akhut bi vai ah kyak ci. A cu cha ah Kad la Reuben pakhui la a kiangtäng Manaseeh gui cu Jordan a kiangtäng ung ami khaw vai gah pyi ci gui ah kyak ci. Cun cu Moses, Bawipa ah changshäm naw a pek gui ah kyak ci.

JOSHUA 18:7 Referans Kwoze

JOSHUA 13:33

Cun ung phi Moses naw Levit pakhui am a i khaw phi kä pe tuk ci. Ani naw am thein gui cu ngami naw ami kaa nak vai ah ami chaw cu Bawipa Israel Khanpughi am ami douthak ah kyak ci.

KHEI NAK 18:20

Bawipa naw Aaron cu pyen nak ci, “M’düng vai ah khawhcham api phi kä na gah tuk khai. Israel khaw ng’lei api phi nang ah phäh ah kä om khai. Kei, Bawipa cu na ng’yak hlü avan ah ka kyak ci.”

THULÄÄN NAK 10:9

Cun ah kyasei Levit pakhui gui naw, a hei pakhui gui ah mäih ah khaw kä ami gah tu ah kyak ci. Ngami ah gah cu Bawipa mi Khanpughi ah shaitak ah mäih ah Bawipa ah taigü gui ah gah vai ah kyak ci.)

KHEI NAK 18:23

Tuhbäi ung tün ne Phung cu Levit gui naw m’hteihtang khai gui, ngami naw bilawh vai cu akbe ah ami bi vai ah kyak ci. Shin cu nami htangshon ung khäng ne om khai ah ng’täi ciah thungyo ah kyak ci. Israel khaw ung Levit gui ah hmawk ah ng’täi ciah khawh a i kä om khai.

KHEI NAK 18:7

Cun ung phi nang la na hta gui bäng naw vah sonkiang la Atheing Pikbäih Hmun ung taigü bawi ah bi vai avan cu nami kümbe sak khai. Shin gui cu nangmi ah bi vai kyak ci. A i ah kyasei ci ung kei naw taigü bawi ah kyak nak cu m’cümhnah nak ah ka ning pe gui pyi ci. Kä bi tu hning ciah chang atheingcim gui ah pei ah ang et law tu ung ngawn vai.”

JOSHUA 12:6

Shin ah ghangpughang goi cu Moses la Israel chang gui naw ami hnim ah kyak ci. Moses, Bawipa ah changshäm naw, ngami ah khaw cu Reuben la Kad pakhui la Manasseh pakhui a teih am ami kaa vai ah pe gui ci.