JOSHUA 18:28 - Cho Bible Common Language 2016

²⁸ Zela, Haeleph, Jebus (käcung Jerusalem), Kibeah, la Kiriah Jearim; mang gaw gha lei phli la angveing ung ah gawnu gui mah ah kyak ci. Shin cu Benjamin pakhui kyongchang gui naw ami kaa nak vai ah ami gah ah khaw ah kyak ci.

JOSHUA 18:28 Referans Kwoze

2 SAMUEL 21:14

Saul la Jonathan ah guh gui cu, Benjamin khaw, Zela pigaw, Saul ah pa Kish ah phuh hmun ung phuh ci gui, cun gui avan bi vai cu ghangpughang naw ak bäi gui ah kyak ci. Cun kawn ah, ami khaw ah phäh ah ami taigü cu Khanpughi naw m’shang gui ci.

JOSHUA 15:8

Cunka naw hang kai ne, khawgui ah ahtum Hinnom khaw nawi kaan ne gawk ci, acun ung Jebusit mang gaw Jerusalem cu om ci. Khawgii cu hang däih vü ne Hinnom khaw nawi akhei täng m’htung lai ung khüt ci, cun cu Rephaim khaw nawi a siiptäng ah a khüt nak ah kyak ci.

HOSEA 10:9

Bawipa naw pyen ci, “Israel chang gui naw kei na hnungtuk püi u ne, ami kat nak cu kibeah ung tün ne ami kat nak cu kä ng’düm ci. Cun ah kyasei ngami cu ami ng’tuk nak naw pha law gui khai.

ISAIAH 10:29

Ngami cu k’hteng kau law une, Keba ung mü ip ci gui! Ramah gawnu ung om ciah chang gui cu kyih aih ci gui, Gangpughang Saul ah gawnu Kibeah ung om ciah chang gui cu a hei ah dawng ci gui.

2 SAMUEL 5:8

Cu hnüüp ung David naw ak chang gui am, “Kei ah mäih ah Jebusit chang gui thüi na gui ci om ne ang? Ngami cu ngawn gui vai nei! Cun kawn ah tui m’hlawng ung hteit ne, am dauh la akshum gui cu tuk gui vai nei.” (“Cun ah mawng thu om cicu am dauh la akshum gui cu Bawipa ah im ung kä lut tu hlawt khai gui nei.”)

1 SAMUEL 10:26

Saul cun phih Gibeah a im ah hteit ba ci. Huham ah ciah chang amshah gui cu Khanpughi naw ami m’lung tawn pe gui sei, ani awn atänga hteit tuk ci gui.

JOSHUA 18:16

Cun ungka naw yu kyum ne, Hinnom khaw nawi yuk teng nak ah m’htung kem ung hteit ne, Rephaim khaw nawi ah asiip acawi ung gawk ci. Cun ungka ahtum täng ah hteit ne, Hinnom khaw nawi kan ne, Jebusit khawgui ah ahtum ung hteity ne Enrokela ung khüt ci.

JOSHUA 15:63

Cun ung phi Judah chang gui naw Jerusalem ung om ciah Jebusit gui cu kä täm hlawt ci gui. Jebusit gui cu tu ä güt Judah chang gui awn a täng ah om ci gui.

KHEI NAK 33:54

Htung pyang ne ng’zuk u neta, khaw cu pakhui, pahta ang läk ah nami ng’pai vai, pahta da ciam ang shawng pi nami pek vai, pahta da ciam ang shawng pi nami pek vai, pahta ken ciah ak läm pi nami pek vai.

KHEI NAK 26:54

Khaw cu k’bou neta, htung ng’yuh sak gui ne, a pakhui däm ci am akdäm, a pakhui yaw ciam ak-yaw ah pek gui vai.”

KHEI NAK 26:38

Benjamin pakhui: pahta gui cu Bela, Ashbela, Ahiram,

JOSHUA 18:27

Rekem, Irpeela, Taralah,

JOSHUA 19:1

A hnih veinak ah pek nak cu Simeom pakhui kyongchang gui ah phäh ah kyak ci. Acun ah khopäng cu Judah pakhui am pek ah khaw ung khüt ne ng’shawng ci.

2 SAMUEL 5:6

Ghangpughang David la ak chang gui naw Jerusalem ami tuk nak vai ah akhin cu gawk lawk ci. A cu ah om ciah Jebusit chang gui naw, mang gaw cu David naw tu ne kä m’khüt khai ah ngai ci gui, cun ah kyasei ngami naw ani am “Shin ah mang gaw ung nang kä na lawk khai: amik m’dauh la akshum gui naw phi ning ma nak khai gui” cik ci gui.

JEREMIAH 6:1

Benjamin chang gui, nami phiawn vai ah dawng vä! Jerusalem ung ka lauk vä! Tekoa ung phyungheng tum vä, Beth Hacaherem ung m’hnüt nak ah mei im co vä. Leigai la dishum nak cu a siiptäng ah ka lawk khai nei.

SUKI GUI 1:21

Cun ung phi Benjamin pakhui chang gui naw Jerusalem ung om ciah Jebusit gui cu kä k’täm gui hlawt ci gui. Cun ah kyasei Jebusit gui cu om lä u ne, acun ung Benjamin chang gui awn om ghawm lä ci gui. Ephraim la Manasseh pakhui gui naw Bethela cu näng ci gui.

SUKI GUI 19:10

Cun ung phi acun ah chang cu acu ah kä ip tu ba hlük ci, cun ah kyasei ani la ak chuba cu akchang sham awn ngoh nak phah ah sela awn hteit ba ci gui. Ngami cu Jebus (Jerusalem) ah pei ah ami gawk law ung khaw mü law pyi ci, cun ah kyasei changshäm naw a bawi am, “Shin ah Jebusit mang gaw ung ng’düm ne, mi ip tuk khai nei” cik ci.

1 SHONTÄP NAK 8:28

Shin gui cu ami kyong chang angvai hta ci gui ah ami pupa gui ah kya u ne ami htangshon tung gui cu Jerusalem ung om ci gui.