Cun yah ung Ammonit gakap gui cu ng’tuk vai ah pawng u ne, Kilead ung phung tu ne om ci gui. Israel chang gui cu ng’bum ne law u ne, Kilead khaw Mizpah ung phung tu ne om ci gui.
Cun ah kyasei Israel chang gui naw tün ne hteit u ne, a hnüüp thum ung shin ah chang gui ah om nak ah mang gaw gui ah gawk ci gui. Cun gui cu Kibeon, Chephirah, Beeroth, la Kiriah Jearim ah kyak ci.
Akut kä k’chah tuk ciah Judean bawi gui la gakap gui naw acun cu ng’ya u neta Mizpah ung law ne Kedaliah ung ng’dawn lawk ci gui. A cun bawi gui cu Nethaniah ah hta Ishmaela, Kareah ah hta Johanan, Netophah gawnu ah ka Tanhumeth ah hta Seraiah la Maakah ah ka Jezaniah ah kyak ci.
Israel chang gui avan, a siiptäng Dan ungka naw a htumtäng Beersheba ung khüt ci, a kyangtäng Kilead khaw ungka naw avan cu ng’khü tuk ci gui. Ngami cu Mizpah ung Bawipa ah ma ah tumat ah ng’tum ci gui.
Cun ah kyasei ami van Mizpah ung lawk ci gui. Ngami naw Bawipa am douthak nak ah, tui than ne k’peh u ne, cun hnüüp mü ne ei hlawi ci gui. Ngami naw, “Mikmi cu Bawipa hnu ng’tuk püi ne mi hma ci nei” (Israel gui ah lung ah Samuel naw abi nak cu Mizpah ah kyak ci)
Ishbosheth ung a bawi hnih om ci, ngani cu ng’mün ciah parti ung ang vai goi ah kyak ci, ngani cu Rimmon ah hta goi Baanah la Rechab, Beeroth kyong, Benjamin pakhui ah kyak ci goi. (Beeroth cu Benjamin ah ng’pai ah kyak ci.
Ghangpughang Asa naw Judah khaw avan ung ng’thu k’bäi ne ak thäh gui cu, a chang sing a u kä k’pawih sei, Baasha naw angvongpang nak ah lung gui la sing gui cu Ramah ungka naw avan ami m’kawn vai. Acun gui awn Asa naw Mizpah la Benjamin khopäng Keba mang gaw ung vongpang ne om ci.
