Cun ah kyasei Israel chang gui naw tün ne hteit u ne, a hnüüp thum ung shin ah chang gui ah om nak ah mang gaw gui ah gawk ci gui. Cun gui cu Kibeon, Chephirah, Beeroth, la Kiriah Jearim ah kyak ci.
Kho mühun law khätah Arimathea gawnu ah kaa Josef ming nak ciah bühmang ciah chang cu gawk lawk ci. Ani cu Bawipa Jesuh ah ang khah püi tumat ah kyak ci.
Bawipa naw pyen ci, “Ramah ung k’aw tumat cu ka ng’yak ci nei. Cun cu akshe ah kyah ah k’aw ah kyak ci. Rachela cu a hta nau gui ah phäh ah kyap ci; Ngami cu hteit pyi ci gui kya sei, ani cu ami k’büi vai phi kä ng’ya hlük ci.
Bawipa naw perazim m’htung la kibeon khonawi ung abi ah mäih ah ng’tuk bik khai nei, ani naw bi vai ah akbäi ah mäih ah bik khai-ani ah hnünthawh cu thuuk ne hnip khai. Ani naw abi, thuuk kä hwat yäi ciah abi cu phleh ne bik khai.
Elkanah ming nak ciah chang tumat om ci, ani cu Ephraim pakhui ah kyak ci, Ephraim kho m’htung nawi Ramah gawnu ah om ci. Ani cu Jeroham ah hta Elihu ah tu ah kyak ci, Tohu kyong khui, Zuph pa ng’pai ung ka ah kyak ci.
Jerusalem chang gui cu aktung ah cäicat ci gui, a i ah kyasei ci ung Kibeon cu a hei mang gaw gui ah mäih ah däm ciah kyak ci, acun ung ghangpughang om ci, Ai ah däm pi ci, a chang gui cu ng’tu thei ci gui ah kyak ci.
Ani naw Judah pakhui cu pahta ät täi ah law püi ci, Zerah pahta cu tawk lawk ci. Ani naw Zerah pahta cu kyong ät täi ah law püi ci, Zabdi kyong cu tawk lawk ci.
Ishbosheth ung a bawi hnih om ci, ngani cu ng’mün ciah parti ung ang vai goi ah kyak ci, ngani cu Rimmon ah hta goi Baanah la Rechab, Beeroth kyong, Benjamin pakhui ah kyak ci goi. (Beeroth cu Benjamin ah ng’pai ah kyak ci.
Ngami cu k’hteng kau law une, Keba ung mü ip ci gui! Ramah gawnu ung om ciah chang gui cu kyih aih ci gui, Gangpughang Saul ah gawnu Kibeah ung om ciah chang gui cu a hei ah dawng ci gui.
Cun ung phi a bawi naw, “Israel chang gui ah kä om nak ah mang gaw ung mikmi kä mi ng’düm khai nei. Mikmi naw shin cu phlän ne, api mi hteit ban eta, Kibeah käcung Ramah ung mi ip khai nei” cik ci.
A ngawi ung kho ngawi Elkanah la akyong ung ka gui cu hang kai ngawi u ne, Bawipa ami khawihnah kawn ah, Ramah, ami im ah hteit ci gui Elkanah cu akchu Hannah awn ng’yaw ni neta, Bawipa naw ani ah k’taigü cu m’shang ci.
