JOSHUA 18:16 - Cho Bible Common Language 2016

¹⁶ Cun ungka naw yu kyum ne, Hinnom khaw nawi yuk teng nak ah m’htung kem ung hteit ne, Rephaim khaw nawi ah asiip acawi ung gawk ci. Cun ungka ahtum täng ah hteit ne, Hinnom khaw nawi kan ne, Jebusit khawgui ah ahtum ung hteity ne Enrokela ung khüt ci.

JOSHUA 18:16 Referans Kwoze

2 GHANGPUGHANG GUI 23:10

Ghangpughang Josiah naw Hinnom khongnawi ung khongyo ami khawihnah nak ah hmun Topheth cun phi phyek ci. Cun ah kyasei a u naw phi a htapami, a hta hnumi cu khanpughi Molek am khawihnah nak ah kä bi ba ci gui.

ISAIAH 30:33

Cau nu ge ung Assirian mang bawi meinu naw a uih nak vai ah hmun cu pyan pyi ah kyak ci. Cun cu thuuk ne, ng’shawng ci, awn ung sing akdäm ah pum ah kyak ci. Bawipa naw akdang ung meimlei m’hluh law ne, acun cu m’khih khai.

JEREMIAH 32:35

Ngami nan Hinnom Khongnawi ung Barla am sonkiang cawh pek ci gui, cun cu malek khanpughi an ami htapami hta hnumi gui ami khawihnah nak vai ah kyak ci. Shin ah ani bi vai ah kei naw thumkhän kä ka bi man ci, ngami naw shin ah mäih ah bi ne Judah chang gui katnak bi sak gui khai ah kä ka ngai man ci.”

JEREMIAH 19:11

Shin ah m’gäi Bawipa ah pyen cu ka m’thein gui vai ah pyen ci, “Kei naw shin ah chang gui la shin ah mang gaw cu ka m’shet khai, cun cu pyang ba ne kä gah vai ah payak ciah m’dek hlüng ah mäih ah kyak khai. Chang gui naw aksi gui cu Tophethung thet sei k’phuh khai gui, a i ah kyasei ci ung ngami phuh nak gui vai ahei kä a om ah phäh ah kyak ci.

JEREMIAH 19:6

Cun ah kya sei, shin ah hmun cu Topheth käcung Hinnon khaw ng’nawi ah kä pyen nak ba vai ah akhin gawk lawk khai nei.

JEREMIAH 19:2

potsherd m’kawt un glut law ne Hin nom khaw ng’nawi ah ka hteh vai ah na pyen nak ci. Acu ah ani naw ana pek ah thu cu ka ng’shäu khai ah kyak ci.

2 SHONTÄP NAK 33:6

Ani naw Hinnom khongnawi ung a hta gui awn m’khih ne douthak ne khawihnah ci. Ani naw kho cuun la khokce ah bi cu bi ne, ng’cängbang ci gui la khogam ah kai gui cu ng’shi k’thäh gui ci. Ani naw akdämduh ah Bawipa hnungtuk püi ne katnak bi ne, ak tung ah m’lungshe sak ci.

2 SHONTÄP NAK 28:3

Hinnom kho ng’nawi ung ang ui m’khih nak phi bik ci. Ani naw shin ah khaw ung Israel gui ami law yah ung shin ah khaw ungka Bawipa naw aktäm gui ah chang gui ah shemshai ciah ami thungyo cu theibang ne, a gup gui am a mät ah hta gui hngaw m’khih ne douthak nak ah bik ci.

1 SHONTÄP NAK 14:9

Philistin gui cu Rephaim khongnawi ung gawk law u neta, tün ne guttep gui ci gui.

1 GHANGPUGHANG GUI 1:9

Hnüüp ät ung Adonijah naw Enrokel tuihta ah pei, Phyu Lung Song ung htome, pat hta la plan ciah sei hta gui awn khawihnah ci. Ani naw a hei David ghangpughang ah hta gui la Judah ah ka ghangpughang ah bawi gui cu, cun ah khawihnah mang ei ung ami law vai ah khü gui ci,

2 SAMUEL 17:17

Abiatha ah hta Jonathan la Zadok ah hta Ahimaaz cu Enrogela tui hta Jerusalem gaw k’cawi ah ngäng ci goi, a i ah kyasei ci ung, ngani cu chang a hmuh goi vai kyi ne mang gaw kyong ah kä lut ci goi. Changshäm hnumi hta naw a i ai ah kyak ciah a mawng gui cu m’thein law ba goi sei, ngami naw hteit ne ghangpughang David am m’thein ba ci goi.

SUKI GUI 19:10

Cun ung phi acun ah chang cu acu ah kä ip tu ba hlük ci, cun ah kyasei ani la ak chuba cu akchang sham awn ngoh nak phah ah sela awn hteit ba ci gui. Ngami cu Jebus (Jerusalem) ah pei ah ami gawk law ung khaw mü law pyi ci, cun ah kyasei changshäm naw a bawi am, “Shin ah Jebusit mang gaw ung ng’düm ne, mi ip tuk khai nei” cik ci.

SUKI GUI 1:21

Cun ung phi Benjamin pakhui chang gui naw Jerusalem ung om ciah Jebusit gui cu kä k’täm gui hlawt ci gui. Cun ah kyasei Jebusit gui cu om lä u ne, acun ung Benjamin chang gui awn om ghawm lä ci gui. Ephraim la Manasseh pakhui gui naw Bethela cu näng ci gui.

SUKI GUI 1:8

Judah chang gui naw Jerusalem cu tu u ne, khäm ci gui. Ngami naw cun ung chang gui ngawn gui ne, mang gaw phi mei awn m’khih ci gui.

JOSHUA 18:28

Zela, Haeleph, Jebus (käcung Jerusalem), Kibeah, la Kiriah Jearim; mang gaw gha lei phli la angveing ung ah gawnu gui mah ah kyak ci. Shin cu Benjamin pakhui kyongchang gui naw ami kaa nak vai ah ami gah ah khaw ah kyak ci.

JOSHUA 15:63

Cun ung phi Judah chang gui naw Jerusalem ung om ciah Jebusit gui cu kä täm hlawt ci gui. Jebusit gui cu tu ä güt Judah chang gui awn a täng ah om ci gui.

2 SAMUEL 5:18

Philistin gui cu Rephaim khaw nawi ung gawk law u neta, a cun cu khäm ci gui.