JOSHUA 18:12 - Cho Bible Common Language 2016

¹² Ami khogii cu a siiptäng ah Jordan ung tün ne, Jerikho asiip khaw pem ung hang kai ne, akhei täng khawgui khaw hei kan ne, Bethaven khong gau ung khüt ci.

JOSHUA 18:12 Referans Kwoze

JOSHUA 16:1

Joseph ah htangshon ui am pek ah khaw ah ahtum täng khawii cu Jerikho ah pei, Jordan tuinu ung tün ci, Jerikho tuihta gui ah a kyangtäng ung hteit ne, bung khaw ng’gau ung khüt ci. Jerikho ungka naw han kai vü ne, khawgui khaw ung hteit ne, Bethela ah gawk ci.

JOSHUA 7:2

Joshua naw chang amshah cu Jerikho ungka naw A i ah tüi gui ci. Cun cu Bethela ah akyang täng, Bethaven ah pei ah mang gaw ah kyak ci, hteit ne cun ah khaw ami däät vai ah thukbäi ne a tüih gui ah kyak ci. Acun ah hteit ne ami bi kawn ah,

HOSEA 10:5

Samaria mang gaw ung om ciah chang gui cu kyikyawk khai gui. Agup ah bii bik ci gui ah ngami la taigü gui cu acun ah khan ah thüikyap ci gui. Cun ah ghui gup ah huham gui cu a maih ah a kyak ung ngami cu kyap m’lau khai gui.

HOSEA 5:8

Kibeah ung ng’tuk nak phyungheng tum vä, Ramah ung thüngkyüng nak khiing tum vä! Bethaven ung ng’tuk nak m’tho ne ng’hawh vä. Benjamin chang gui ng’tuk nak ah hteit vä.

HOSEA 4:15

“Nangmi Israel chang gui cu kei ung kä nami bekhüt pang ung phi, Judah gui naw cun ah mäih ah cheishoh nak kä bi en u sä. Kikal la Bethaven ung kä khawihnah en u sä. Cun ung ghing ciah Khanpughi ah ming awn shaitak kä bi en vä.

JOSHUA 6:1

Israel gui kä ami luh hlawt vai ah Jerikho m’kawt cu ak htek ah khai ne ngäng ci gui. Mang gaw ung a u kä luh lang ci.

JOSHUA 3:16

tuinu cu kä long ba ne ng’düm ne hang bäm ci, Zarethan ah pei, Adam mang gaw güt ah hang li ci. Tuisen tuinu ung yu kyum ciah tuinu cu pit ne sün sei, chang gui cu Jerikho pei ah va kai ci gui.

JOSHUA 2:1

Cun kawn ah Joshua naw ng’däät khai ah chang hnih cu Akaciah phuung ungka naw Kanaan khaw, aktung pi ah Jerikho mang gaw cu adüm ah däät khai goi ah m’cäi ne tüi goi ci. Ngani cu mang gaw ah gawk ni neta, chang plet Rahab ah im ah hteit ne acu mü om tuk ci goi.

JOSHUA 8:15

Joshua la a chang gui cu shung ci gui ah ng’khawh u ne, khaw kiang täng ah dawng ci gui.

JOSHUA 18:11

Benjamin pakhui kyongchang gui ah kaa nak ah khopäng cu a htük bäih ung pek gui ah kyak ci. Ngami ah khaw cu Judah la Joseph pakhui ah ng’lak ah kya ci.

1 SAMUEL 13:5

Philistin gui cu Israel gui tuk gui vai ah ng’bum ci gui; ngami ung ng’tuk nak yatha phia thum kip, ng’se kium chang phia chuk, la tuinu kem ah laigin chü vai ah da ciah gakap gui om ci. Ngami cu Bethaven ah hni kyak lam Machmash ah hteit u ne, phung tu ne om ci gui.