JOSHUA 18:10 - Cho Bible Common Language 2016

¹⁰ Joshua naw ngami ah hmawk ah Bawipa ng’shi nak ah m’shüih tawk ci, cun kawn ah pawih ba ciah Israel pakhui päng am khaw avang ci pe gui ci.

JOSHUA 18:10 Referans Kwoze

LAMKTU 13:19

Ani naw Kanaan kho ungka changpakhui chih cu nawng gui netah, cun ah kho cu ak chang gui am khäm sak gui ci.

JOSHUA 18:6

Khaw ng’pai chih cu dang khai pung sawi neta kei ah law püi vä. Cun kawn ah kei naw m’shüih ning tawk sak gui vai ah Bawipa mi Khanpughi cu ka ng’shik thäh khai.

LAMKTU 26:18

Nang naw changpakhui hei gui ah mik nam dei sak gui khai, ak hmüp ungka naw ak dei ah na ng’lat sak gui khai, khogam ah hlüng tai nak ungka naw Khanpughi ah hlüngtai nak ung na gawk sak gui khai. Cun ah kyasei ngami cu kei ami na yum nak awn, ami katnak phyawn nak gah ah u ne, Khanpughi ah ghü ah chang gui ah ng’lung ah ami hmun kho gah tuk khai gui.

JOHAN 17:2

Na Htapa ah kut ung na ap ah chang gui-am angtäi ghin nak a peit gui hning vai ah, nang naw Na Htapa-am chang nüng m’khüt nak ah hlüngtai nak cu na pe pyi ci nei.

MATTHE 27:35

Ngami naw Bawipa Jesuh cu kutlamtung ung tai ne ngawn ci gui. A suisak cu m’shüih tawk ne ng’pai ci gui.

EZEKIEL 48:29

Uktu Bawipa naw pyen ci, “Shin cu Israel pakhui gui ah ami kaa vai ah khobung bou m’theh nak gui ah a lam ah kyak ci.”

EZEKIEL 47:22

Shin cu ngawi yä nami kaa nak vai nei. Nami ng’lung ah om tuk ciah a khohei chang gui la ashi ah ami hta nak gui naw phi, khaw nami ng’pai law ung gah tu u sä. Ngami cu Israel pakhui chang gui ah mäih ah nami om püi gui vai, Israel pakhui gui ah ng’lung ah khaw ami gah tu vai ah m’shüih ami tawk tu vai nei.

NG'THU K'THUUK~ 18:18

Huham mah ciah chang goi yung ah ani ng’küknet law ah a kyak ung, taga khai ah cun ah mawng cu ng’pyi sak vai.

SAM 61:5

O Khanpughi, ka shaitak cu na ng’ya pyi ci nei. Nang ning m’tam ngak ci gui ah ami mang vai cu nang naw na na pek ci nei.

SAM 47:4

Mi om nak vai kho ng’lei na ghü pe gui ne, am hni ah chang gui-am mang nak khawh k’peeih na pe gui ci.

JOSHUA 19:51

Taigü Eleazar, Nun ah hta Joshua, la Israel pakhui kyongchang ung ami ng’vaihta ui naw shin ah khaw k’bou gui cu, m’shüih tawk ne Bawipa ng’shithäh u neta, Shilon ung ng’pai ci gui, cun cu Bawipa ah om nak ah Phung ung valuh nak ah kyak ci. A cu cha ah ngami naw khaw ami ng’pai cu pyi phleh ci gui.

JOSHUA 18:8

Joshua naw shin ah m’shümthein nak a pek gui kawn ah chang gui cu hteit u ne, khaw bung ah pung geei ci gui. “Khaw avan ung hteit u neta pung nami geei vai, cun kawn ah kei ah nami law ba vai. Kei naw shin ah Shilon ung nangmi ah hmawk ah Bawipa shi thäh neta, m’shüih ka ning tawk sak gui khai” cik ci.

KHEI NAK 34:16

Bawipa naw Moses pyen nak ci,

JOSHUA 18:9

Cun ah kyasei chang gui cu khaw avan ung hteit u neta, ca awn akni ah gu ne, chih ah ami ng’pai vai ah pyen ci gui, gawnu gui phi tän ne guk ci gui, cun kawn ah ngami cu Joshua ah om nak Shilon phung ah hteit ba ci gui.

JOSHUA 18:11

Benjamin pakhui kyongchang gui ah kaa nak ah khopäng cu a htük bäih ung pek gui ah kyak ci. Ngami ah khaw cu Judah la Joseph pakhui ah ng’lak ah kya ci.

JEREMIAH 7:12

Shilon ah hteit vä, cun cu khawihnah nak vai kei naw ka ghü ah akhtük bäih ah hmun ah kyak ci nei, cun ung a i ka bi cu teng vä, cun cu ka chang gui Israel gui ah hma ah phäh ah kyak ci nei.

MIKHAH 2:5

Cun ah khaw cu Bawipa ah chang gui am a pek ba gui hnüüp ung nangmi ah ng’pai tu vai a i kä om khai nei.

JOSHUA 14:2

Bawipa naw Moses ang thumkhän ah mäih ah pakhui kaw la pakhui ateih Jordan akhei täng ungka am m’shüih tawk ne k’pai gui ci guii.

JOSHUA 14:5

Bawipa naw Moses ang thumkhän ah mäih ah Israel chang gui naw khaw cu ng’pai ci gui.

JOSHUA 23:4

Kei naw om ba ciah pakhui gui ah khaw phi, nangmi ah pakhui naw nami kaa nak vai ah ka ning pe gui ci, Kei naw ka näng pyi ah pakhui khaw avan phi ka ning pe gui ci, cun cu a kiangtäng ung Jordan tuinu ung khüt ne, akhei täng ung Mediteranean tuinu ung khüt ci.

1 SHONTÄP NAK 24:5

Cun ungka naw Eleazar la Ithamar ah htangshon goi ung Taigüim ung bawi gui la mümcha täng ung angvai gui cu da u sei bilawh vai cu m’shüih awk ne bik ci gui.

NEHEMIAH 11:1

Angvai gui cu Jerusalem ung om tuk ci gui, k’pawih ba ciah chang gui cu im tung gha ung ka tung ät ci, theingcim mang gaw Jerusalem ung om tuk khai ah m’shüih tawk ci gui, apawih ba gui cu a hei mang gaw gui la gawnu gui ung om tuk ci gui.