JOSHUA 18:1 - Cho Bible Common Language 2016

¹ Ngami naw khaw tu ne ami khäm kawn ah Israel chang bum avan cu Shilon ung bum u neta, Bawipa ah om nak ah Phung co gi gui.

JOSHUA 18:1 Referans Kwoze

JOSHUA 19:51

Taigü Eleazar, Nun ah hta Joshua, la Israel pakhui kyongchang ung ami ng’vaihta ui naw shin ah khaw k’bou gui cu, m’shüih tawk ne Bawipa ng’shithäh u neta, Shilon ung ng’pai ci gui, cun cu Bawipa ah om nak ah Phung ung valuh nak ah kyak ci. A cu cha ah ngami naw khaw ami ng’pai cu pyi phleh ci gui.

1 SAMUEL 1:3

Akum tä sei Elkanah cu Ramah ah ka naw Shilon ah hteit ne, Bawipa a hlüngtai cu khawihnah ne khawihnah nak phi douthak ci. Acu ah Eli ah hta goi, Hophni la Phinehas cu Bawipa ah taigüpa ah

JOSHUA 21:2

Kanaan khaw Shilon ung ngami naw ami pyen nak gui cu, “Bawipa naw Moses ung ang thumkhän cu, Keimi kami om nak vai ah mang gaw gui nami na pek gui vai ah kyak ci. Kami vuhchah gui ah phäh ah khuli khaw gui phi nami na pek gui vai ah kyak ci” ciah kyak ci.

JEREMIAH 26:6

Nangmi naw k’täi ne kä nami ngaih ah a kyak ung kei naw shin ah Taigüim ah khan ah Shilon ung ka bi ah mäih ah ka bik khai, m’dek khan ung om ciah changpakhui avan naw shin ah mang gaw ah ming cu plah tam nak ah mang khai gui.”

JOSHUA 22:9

Cun ah kyasei Reuben, Kad la Akiang täng Manasseh pakhui gui cu amiim ah hteit ba ci gui. Ngami naw Kanaan khaw Shilon ung pawih ciah Israel gui cu nawng shüt gui ci gui. Cun ung tün ne ami mät ah khaw, Kilead khaw ung ng’tün ci gui. Cun cu Bawipa naw Moses ung ang thumkhän ah mäih ah ngami naw ami läk ah kyak ci.

SAM 78:66

Ani naw a ga gui cu k’tääm gui ne, angtäi sei lü ng’aa sak gui ci.

1 GHANGPUGHANG GUI 14:2

Jeroboam naw a chu pyen nak ci, a u naw kä a ning hmat vai ah na müi pyang neta, prophet Ahijah ah om nak Shilon ah hteit ä, ani cu kei Israel ghangpughang ah ka kyak vai ah mawng pyen ciah kyak ci.

1 GHANGPUGHANG GUI 2:27

Cun kawn ah Solomon naw Abiatha cu Bawipa ah taigü ungka heeng ci, cun ah kya ne Shilon ungka taigü Eli la a hta ng’shon gui ah mawng Bawipa naw a pyen nak cu bä khai ah a bi ah kyak ci.

1 SAMUEL 1:24

Ani naw tui tui kä a tu ba kawn ah Shilon ah hteh püi ci, kum thum lawk ciah seipat, m’htut den phawi gha la yu tui um ät phi hteh püi ci. Ani naw ak hmaw hta Samuel cu Shilon ah Bawipa ah im ung hteh püi ci.

SUKI GUI 18:31

Shilon ung Khanpughi khawihnah nak ah phung a om ah chuih, Mikah ah a gup cu om lä ci.

1 GHANGPUGHANG GUI 14:4

Cun ah kyasei ani cu Ahijah ah im Shilon ah hteit ci. Ahijah cu ghi ci kya ne amik mü ci.

SUKI GUI 21:19

Cun kawn ah ami ngaih cu, “Shilon ung akum tä bi ah Bawipa ah pawi cu gawk law ge ci nei.” (Shilon cu Bethela ah asiip, Lebanah ah a htum, Bethela la Shekhem ah ng’lak lam ah akiang ah kyak om ci.)

LAMKTU 7:45

Kami pupa gui naw cun ah khaw-phung cu, ami pa gui ah kut ung do u neh Khanpughi naw ak täm gui ah om nak khaw ah, Joshua awn atäng ah ami tuk gui yah ung m’kawn neh hteh püi ci gui. Cun ah khaw-phung cu David ah uk yah ung khüt sei cun ah khaw ah om ci.

JOSHUA 18:2

Cun yah ung ami chaw ah khaw kä gah tu phak ciah Israel chang pakhui chih om ci.

JOSHUA 18:8

Joshua naw shin ah m’shümthein nak a pek gui kawn ah chang gui cu hteit u ne, khaw bung ah pung geei ci gui. “Khaw avan ung hteit u neta pung nami geei vai, cun kawn ah kei ah nami law ba vai. Kei naw shin ah Shilon ung nangmi ah hmawk ah Bawipa shi thäh neta, m’shüih ka ning tawk sak gui khai” cik ci.

JOSHUA 22:12

Cun cu Israel chang gui naw ng’ya u neta, chang bum avan Shilon ung law u ne, a kyangtäng pakhui gui ng’tuk püi gui vai ah pawng ci gui.

2 SAMUEL 7:6

Israel chang gui Egypt khaw ungka, ka k’phiawn gui ungka naw tuhbäi ung khüt khai ah, kei cu pum im ung kä ka om phung ci; phung laih laih ung ng’hleh ne ka om ci.

NEHEMIAH 9:24

Ngami naw Kanaan khaw cu khäm ci gui; a cu ah om ciah chang gui cu nang naw na hnim gui ci. Nang naw na chang gui am, Kanaan ghangpughang la chang gui ah khan ah ami bi hlü ami bi vai ah huham na pe gui ci.

SAM 78:60

Ani naw Shilon ah a phung cu nawng shüt ci, cun cu a om nak püi gui te ah im ah kyak ci.

JEREMIAH 26:9

A i ah kyasei nang naw, shin ah Taigüim cu Shilon ah mäih ah kyak khai, shin ah mang gaw cu m’di vai, cun ung a u phi kä om ba khai, na ci ang? ci u neta, chang hli naw kei cu na koi ci gui.

JEREMIAH 41:5

Shechem, Shilon la Samaria ah ka chang cheit kip gawk lawk ci gui. Ngami cu ami m’kha mu k’tei u ne, ami sui k’teek u ne, ami sa phi aat ci gui. Ngami naw püi ci gui.

KHEI NAK 32:22

khaw ung khawh gui phi ami lak vai. Cun kawn ah nami hteh ba vai, nangmi naw Bawipa ung nami bi vai la nami Israel paw gui ung nami bi vai cu nami kümbe sak vai. Cun kawn ah Jordan tui ah a kiangtäng cu nangmi ah ka ah kyak ciah Bawipa naw k’bäi khai.

JOSHUA 22:19

Cun kawn ah nami khaw cu khawihnah nak vai ah kä nik ciah a kyak ung, a Phung ah om nak Bawipa ah khaw ung law ba vä, kami ng’lug ah khaw amshah cu la tuba vä, cun ung phi Bawipa cu kä nami hnungtuk püi vai, Bawipa mik Khanpughi ah sonkyang k’be nak ah keimi ah akpung ah sonkyang co ne hnungtuk nak kä nami bi vai.

SUKI GUI 21:12

Jebesh ung om ciah chang gui ungka lamihta phia phli om sei hmuk ci gui, cun gui cu ngami naw Shilon phung ah law püi ci gui, cun cu Kaanan khaw ung ah kyak ci.