JOSHUA 17:16 - Cho Bible Common Language 2016

¹⁶ Ngami naw, “Khawgui khaw cu keimi ah phäh ah kä ng’büh ci nei, cun ung phi khawdou ung om ciah Kanaanit gui ung m’si-yatha om ci, Beth Shan la a pei yung ah gawnu gui ung om ci gui la Jeyreela khaw nawi ung om ci gui ami van ah kyak ci.”

JOSHUA 17:16 Referans Kwoze

1 GHANGPUGHANG GUI 4:12

Ahilud ah hta Baana: Mang gaw gui: Taanach, Mekiddo, la Beth Shan ah pei ah khawpäng avan, Zarethan gawnu pei, Jezreela gawnu ah a htumtäng Abel Meholah la Jokneam mang gaw ung khüt ci.

SUKI GUI 4:3

Jabin ung m’si yatha phya kaw om ci, ani naw Israel chang gui cu m’ghämce ne hupdep ne khawku m’ku lung uk gui ci. Cun kawn ah Israel chang gui cu Bawipa naw am htei gui vai ah kyap m’lau ci gui.

SUKI GUI 6:33

Cun kawn ah Midianit gui, Amalekit gui la ng’kiang ma ah om ciah pakhui gui cu ng’bum u neta, Jordan Tuinu hei kat u ne, Jeyreela khaw nawi ung phung tu ne om ci gui.

JOSHUA 17:18

Khawgui khaw cu nangmi ah kaa ah kyak ci. Bung ah a kyak pang ung phi, nangmi naw chuvaw u neta, vang cawi ungka naw vang cawi ung khüt sei, nami kaa nak vai. Kanaanit gui cu m’si-yatha ta u ne, gaigawng ciah chang ah ami kyak ung phi, nami k’täm gui vai nei.”

2 GHANGPUGHANG GUI 9:37

K’pawih ba cicu ekk ah mäih ah ng’yaih khai, a u naw a i ah m’khoi chah ne kä hmat khai.”

2 GHANGPUGHANG GUI 9:10

Jezebela ah pumsa cu kä phuh vai: ani ah pumsa cu Jezreela khopäng ah ui gui naw ei khai gui” cik ci. Cun a pyen kawn ah prophet nong cu kyong ah ka lut law ne hteit ba ci.

1 GHANGPUGHANG GUI 21:23

Jezebela ah mawng Bawipa naw a pyen cu, ani ah pumsa cu Jezreela mang gaw ung ui gui naw ei khai gui nei.

1 GHANGPUGHANG GUI 21:1

Jezreelaa kho ghangpughang Ahab ah mang im pei ah Naboth ming nak ciah chang ah sapyitduum om ci.

1 GHANGPUGHANG GUI 18:46

Bawipa ah huham cu Elijah ah khan ah gawk law sei; a suisak awn a khei htün ne khit neta, Jezreela ah hteh nak lam avan ung Ahab ah ma ung dawng ne ana hteit ci.

SUKI GUI 4:13

ani naw m’si natha phia kaw la akchang gui avan khü gui neta, chang khuihei gui ah om nak Harosheth ung ka Kishon Tuinu ah tüi gui ci.

JOSHUA 19:18

Acun ah area ung Jeyreela, Chesulloth, Shunem,

JOSHUA 17:11

Issakha la Asher ah khopäng kyong ungka Manasseh ah kaa gui cu Beth Shan la Ibleam ah kia ne, ami pei yung ah gawnu gui mah ah kyak ci. Acun ah mäih ah Dora (Tuikem ung tumat ah kyak ci), Endor, Taanach, Mekiddo, la ami pei yung ah gawnu gui mah ah kyak ci.

JOSHUA 17:15

Joshua naw m’shang gui ne, Nangmi cu chang nami da aih ah a kyak ung, Ephraim gui ah khawgui khaw cu, nangmi ah hmawk ah a läm aih ah a kyak ung, nangmi cu Perizzit la Rephaim khaw kyong bung hmu ah hteit ne, nami mät ah kaa vai ah m’dek cu k’sei vä” cik ci.

JOSHUA 17:17

Joshua naw Ephraim pakhui la akhei täng Manasseh gui a pyen nak gui cu, “Nangmi cu akcang ah nami da ci, ang htei ah nami huham mah ci, nangmi naw tumat ah däm ci nami chaw nam khai.

1 GHANGPUGHANG GUI 18:45

Kä shou pha sei khawmik cu ng’meile naw shung law ne, khaw khi lawk ci, khaw aknui ah aa lawk ci. Ahab cu a yatha ung kai ba ne, Jezreelaa ah hteit ba ci.

JEREMIAH 49:2

Cun ung phi mang gaw tung Rabbah ung om ciah chang gui naw ng’tuk nak ah k’aw ami ng’yak vai ah kei naw bi nak vai ah akhin cu gawk lawk ci nei, cun cu m’di neta, pigaw hta gui cu mei awn m’khih m’deih vai nei. Cun kawn ah Israel gui naw lak pe gui te ciah chang gui ah ka ami khaw cu la ba khai gui nei.

JOSHUA 15:56

Jeyreela, Jokdeam, Zanoah,

1 SAMUEL 29:1

Philistin gui naw ami gakap gui avan cu a täng ah Aphek ung law püi ci gui, cun yah ung Israel gui cu Jeyreela khaw ng’nawi ung phung tu ne om ci gui.