JOSHUA 17:15 - Cho Bible Common Language 2016

¹⁵ Joshua naw m’shang gui ne, Nangmi cu chang nami da aih ah a kyak ung, Ephraim gui ah khawgui khaw cu, nangmi ah hmawk ah a läm aih ah a kyak ung, nangmi cu Perizzit la Rephaim khaw kyong bung hmu ah hteit ne, nami mät ah kaa vai ah m’dek cu k’sei vä” cik ci.

JOSHUA 17:15 Referans Kwoze

ATÜNNAK 14:5

A kum gha lei phli nak ung Chedorlaomer cu amät lam ah a chang gui la gakap gui awn law u ne, Ashteroth Karnaim ah kaa Rephaim gui, Ham ah kaa Zuzim gui, Kariathaim hmun ah kaa gui, Emim, la

ATÜNNAK 13:7

Abram ah sei shäm ci gui la Lotah ah sei shäm ci gui phi a shäng shäng ng’gen ne ng’tuk ci gui. (Cun sang ung Kanaan chang gui la Perissit chang gui phi acun ah khaw ung om yah ci gui.)

LUKA 12:48

Cun ung phi a bawi ah ng’yak hlü kä hmat netah katnak bik ciah chang läi cu geinvai nak api gah khai. Chimgein nak akdäm gah ciah chang cu abi vai akda om khai. Zum ne ngaih gep nak pi gah ciah chang cu abi vai akda pi om khai.

EZRA 9:1

Shin gui avan bi pyi kawn ah Israel chang gui ah ami ng’vai gui amshah cu law u ne, ami na m’thein law cu chang gui taigü gui la Levit gui cu ami pei yung ah khaw ah kyak ciah Ammon, Moab la Egypt khaw gui awn phi kya, Kanaanit gui, hittit gui, Perizzit gui, Jebusit gui la Amorit gui awn, phi ky a, ami mät ng’khoi chak khai gui ah kä om ci gui. Ngami cu cun ah chang gui naw shemshai ci gui, ami bi man ah mäih bä ah bik ci gui.

2 SAMUEL 5:22

Cun kawn ah Philistin gui cu Rephaim khaw nawi ah hteit ba u ne, khäm ba mä ci gui.

2 SAMUEL 5:18

Philistin gui cu Rephaim khaw nawi ung gawk law u neta, a cun cu khäm ci gui.

PHYAWN NAK 33:2

Lam ning m’shüm gui khai ah khanchang cu kei naw ka tüi lawk khai nei. Kanaanit gui, Amorit gui, Hittit gui, Perizzit gui, Hivit gui la Jebusit gui cu kei naw ka k’täm gui khai nei.

ATÜNNAK 15:20

Hitit gui, Perizzit gui, la Rephaim gui,

JOSHUA 17:14

Joseph ah htangshon gui naw Joshua ah ma ah ami pyen cu, “A i ah kyasei khaw aveng hta bäng keimi ah kami kaa vai ah na na pek gui ang? Keimi cu ang htei ah chang kami da ci, a i ah kyasei ci ung Bawipa naw hriham ana pek gui ah kyak ci” cik ci gui.

JOSHUA 17:16

Ngami naw, “Khawgui khaw cu keimi ah phäh ah kä ng’büh ci nei, cun ung phi khawdou ung om ciah Kanaanit gui ung m’si-yatha om ci, Beth Shan la a pei yung ah gawnu gui ung om ci gui la Jeyreela khaw nawi ung om ci gui ami van ah kyak ci.”

2 SAMUEL 18:6

David ah gakap gui cu gaw k’pung ah lut law u ne, Ephraim bung ung Israel chang gui tu gui ci gui.

SUKI GUI 17:1

Hnü ät ung Mikah ming nak ciah chang tumat cu Ephraim khaw-gui ung om ci.