JOSHUA 17:14 - Cho Bible Common Language 2016

¹⁴ Joseph ah htangshon gui naw Joshua ah ma ah ami pyen cu, “A i ah kyasei khaw aveng hta bäng keimi ah kami kaa vai ah na na pek gui ang? Keimi cu ang htei ah chang kami da ci, a i ah kyasei ci ung Bawipa naw hriham ana pek gui ah kyak ci” cik ci gui.

JOSHUA 17:14 Referans Kwoze

ATÜNNAK 48:22

Nang ah chaw, na phäi gui ah chaw ah kä kyak ciah Shekhem khohmun cu ka ning pek nei. Cun ah hmun cu ang lei nik ci, Amorit gui ah kut ungka ka li la ka khim awn ka gah ah kyak ci” cine m’cäi ci.

ATÜNNAK 48:19

Apa naw ma neta, “Ka hta aw, ka hmat ci nei, ka hmat ci, Manasseh ah hta ng’shon cun phi chang kuikyang ah kyak khai nei. Cun ung phi anau cu cun ah däm pi ne, ani ah ng’shon cu pakhui küi ah kyak khai nei” cik ci.

JOSHUA 16:4

Joseph ah htangshon Ephraim pakhui la Manasseh akheitäng pakhui gui naw, shin ah khaw cu ami kaa nak vai ah gah ci gui.

JOSHUA 17:15

Joshua naw m’shang gui ne, Nangmi cu chang nami da aih ah a kyak ung, Ephraim gui ah khawgui khaw cu, nangmi ah hmawk ah a läm aih ah a kyak ung, nangmi cu Perizzit la Rephaim khaw kyong bung hmu ah hteit ne, nami mät ah kaa vai ah m’dek cu k’sei vä” cik ci.

ATÜNNAK 48:20

Cun ah kyasei a cu hnüüp ung hrilham a pek goi cu, ani naw, “Israel chang gui naw nangni ah ming awn hrilham pe u sä. Ngani naw ani pek ung Khanpughi naw Ephraim la Manasseh ah mäih ah ning pyang gui sä, cine taigü u sä” cik ci. Jakob naw Ephraim cu k’hma ne, Manasseh cu m’hnu ne cu cha ah pe goi ci.

KHEI NAK 26:54

Khaw cu k’bou neta, htung ng’yuh sak gui ne, a pakhui däm ci am akdäm, a pakhui yaw ciam ak-yaw ah pek gui vai.”

KHEI NAK 36:12

Ngami cu Joseph ah hta Manasseh pakhui ami pahta kyong ung ceimah ci gui, ami khawh cham gui cu ami pa ah pakhui kyong ung om ci.