JOSHUA 17:13 - Cho Bible Common Language 2016

¹³ Israel chang gui ami khüighat law kawn ung phi, Kanaanit gui avan kä täm gui hlawt ci gui, ngami naw bii bi sak gui ci gui.

JOSHUA 17:13 Referans Kwoze

JOSHUA 16:10

Cun ung phi ngami naw Kanaanit gui cu kä k’täm hlawt ci gui, ngami cu Keyera ung om ci gui. Cun ah kyasei Kanaanit gui cu Ephraimit gui ah ng’lung ah tuhngawi güt om tuk ci gui, cun ung phi ngami cu khleihtein ah tha gui ne bii ami bi sak gui ah kyak ci.

PHILIPPIAN 4:13

Bawipa Jesuh Khrit ah na peit ah k’thagui awn kei naw ang’tüi avan kam khüt hning ci nei.

2 PETER 3:18

Mi Hunbawi Jesuh Khrit ah m’gein nak la hmuhmat nak ung nami ng’ghotai law pi vai nei. Cun ah Bawi ah bämang nak cu tuhngawi tün ne ngawi yä om sä. Amen.

EPHESIAN 6:10

Ak hnu bäih ah ka ning m’cäi gui cu, Bawipa ung kawngät nak la küikyang ciah a hlüngtai nak ung thamah ne khüighaat vä.

2 SAMUEL 3:1

Saul ah kyongchang gui naw ami ng’düih püi gui la David naw ang düih püi gui ah gakap gui cu akshou ng’tuk ci gui. David cu khüi ghat law pi pi sei, ang tuk püi gui cu ami tha ken law pi pi ci.

SUKI GUI 1:35

Amorit gui cu Aijalon, Shaalbim la Heres m’htung täng ung om lä ci gui, cun ung phi Ephraim la Manasseh pakhui gui naw ami uknak ka ah tha gui u ne, bi bi sak gui ci gui.

SUKI GUI 1:33

Naphtali pakhui gui naw Beth Shemesh la Bethanath mang gaw ung om ciah chang gui cu kä k’täm gui ci gui. Naphtali chang gui cu ana om ciah Kanaanit gui awn a täng ah om ci gui. Cun ung phi bi bi sak gui ci gui.

SUKI GUI 1:30

Zebulun pakhui gui naw Kitron la Nahalala mang gaw gui ung om ciah chang gui cu kä k’täm gui ci gui, cun ah kyasei Kanaanit gui cu acun ung ngami awn a täng ah om ci gui, ngami cu bi bi sak gui ci gui.

SUKI GUI 1:28

Israel gui ami thamah law pi kawn ah, ngami naw Kanaanit gui cu bi bi sak gui ci gui, cun ung phi tu ä ami van kä k’täm gui ci gui.

ATÜNNAK 49:15

Cun ung phi ani naw ng’düm nak vai ah hmun ni hmuk ci, cun cu khaw kyäp ah kyak ci. Cun ah kyasei ak phleing ung phuih gih phui ne, changshäm ah güt ne täk khai gui.