JOSHUA 17:11 - Cho Bible Common Language 2016

¹¹ Issakha la Asher ah khopäng kyong ungka Manasseh ah kaa gui cu Beth Shan la Ibleam ah kia ne, ami pei yung ah gawnu gui mah ah kyak ci. Acun ah mäih ah Dora (Tuikem ung tumat ah kyak ci), Endor, Taanach, Mekiddo, la ami pei yung ah gawnu gui mah ah kyak ci.

JOSHUA 17:11 Referans Kwoze

1 SHONTÄP NAK 7:29

Manasseh ah htangshon gui naw Beth Shan, Taanak, Mekiddo, la Dora la ami pei yung ah gawnu gui cu khäm ci gui. Shin ah khaw hmun gui avan cu Jakob ah hta Joseph ah htangshon gui ah om nak ah kyak ci.

2 GHANGPUGHANG GUI 9:27

Cun gui cu ghangpughang Ahaziah naw hmu neta, a yatha awn Beth Haggan täng ah dawng ci, Jehu naw gawt lawk ci. Jehu naw a chang gui am, “Ani phi ngawn vä” cine k’bäi gui ci. Ibleam gawnu pei, Kur lam ung a yatha ung ani cu k’phleim ci gui. Cun ung phi ani cu ling ne hteit ne, Mekiddo mang gaw ung gawk neta sik ci.

SUKI GUI 5:19

Mekiddo tui-kem, Taanakh ung ghangpughang gui law ne tu lawk ci gui: Kanaan ghangpughang gui naw tu lawk ci gui, cun ung phi ngami naw a i ngui phi kä püi ci gui.

SUKI GUI 1:27

Manasseh pakhui gui naw, Beth Shan, Taanach, Dor, Ibleam, negiddo mang gaw gui la a pei zung ah gawnu gui ung om ciah chang gui cu kä k’täm ci gui; Kanaanit gui cu acun ung om tu gäk gäk ci gui.

JOSHUA 12:23

Dora (Tuikem), Koiim (Kalile ah),

SAM 83:10

Endora kho hmun ung nang naw tu gui ci sei, ami pumsa cu khomdek ung ng’dawn ci nei.

1 GHANGPUGHANG GUI 9:15

Ghangpughang Solomon naw Taigüim la mangim cawh nak ung, mang gaw ah a kiangtäng ung m’dek be nak ung, mang gaw k’pang cawh nak ung chang gui akghat ah ghüh gui ne bi sak gui ci. Ani naw ngami cu Hazor, Mekiddo la Keyera mang gaw gui cawh nak ung phi mang gui ci.

1 SAMUEL 31:10

Ani ah li khim gui cu ami khanpughinu Astarte ah Taigüim ung tai ci gui, a pum cu Beth Shan mang gaw k’pang ung khen ne tai ci gui.

1 SAMUEL 28:7

Cun kawn ah Saul naw a bawi gui k’thäh gui ne, “Cek ciah hnumi na shui pe vä, hteit ne ka ng’shik khai” cik ci. “Endor ah tumat om ci nei” cik ci gui.

JOSHUA 11:2

Cun kawn ah a siiptäng khawgui khopäng ung ghangpughang gui, Kalile tuili ah ahtum täng Jordan khaw nawi, m’htung kem gui la Dor ah pei tuikam gui.

ZEKHARIAH 12:11

Cun ah khin ung Jerusalem ah thüi kyah nak cu Mekiddo khawdo ung Hadad Rimmon ah hmawk ah thüi kyah ah mäih ah dämduh khai nei.

2 SHONTÄP NAK 35:22

Cun ung phi Josiah naw ng’tuk vai ah k’bäi pyi ci. Ghangpughang Neko ung Khanpughi naw ng’thu a pyen cu ani naw kä ngai ci, cun ah kyasei ani naw amüi khukhlat ne Mekiddo khawdo ung ng’tuk bik ci.

1 SHONTÄP NAK 6:70

Manasseh Ak kheitäng khopäng ung Aner, la Bileam gawnu gui la a pei yung khulim khaw gui cu pe gui ci gui.

1 SAMUEL 31:12

a m’gäipi bäih düi law htük khäta, amü pum hteit ne Beth Shan ah lawk ci gui. Ngami naw Saul la a hta gui ah pum sa gui cu k’pang ung ka la u neta, Jebesh ah hteh püi ba u ne, m’khih ne m’cim ci gui.

JOSHUA 16:9

Cun ung gawnu gui, gawhta gui phi da ci, cun gui cu Manasseh khawgii kyong ah kyak ci, cun ung phi cun gui cu Ephraim gui am pek gui ah kyak ci.

JOSHUA 12:21

Taanach, Megiddo,

JOSHUA 17:10

Ephraim ah khaw cu a htumtäng Manasseh ah khaw cu asiip täng, Mediteranean tuinu cu akhei täng khawgii ah kyak ci. Asher cu asiip-khei täng ah kya ne, Issakha cu asiip-kyang täng ah kyak ci.

JOSHUA 17:16

Ngami naw, “Khawgui khaw cu keimi ah phäh ah kä ng’büh ci nei, cun ung phi khawdou ung om ciah Kanaanit gui ung m’si-yatha om ci, Beth Shan la a pei yung ah gawnu gui ung om ci gui la Jeyreela khaw nawi ung om ci gui ami van ah kyak ci.”

2 SAMUEL 21:12

Gilead ah Jebesh chang gui ah, Saul la a hta Jonathan ah guh cu hteit ne lak ci. (Beth Shan pigaw lung ungka ngami naw ami m’guk ah kyak ci, cun cu Gilboa M’htung ah Saul ngawn u ne, a cu hnüüp, a pum cu Philistin gui naw ami m’awh ah kyak ci.)

JEREMIAH 49:2

Cun ung phi mang gaw tung Rabbah ung om ciah chang gui naw ng’tuk nak ah k’aw ami ng’yak vai ah kei naw bi nak vai ah akhin cu gawk lawk ci nei, cun cu m’di neta, pigaw hta gui cu mei awn m’khih m’deih vai nei. Cun kawn ah Israel gui naw lak pe gui te ciah chang gui ah ka ami khaw cu la ba khai gui nei.