JOSHUA 17:1 - Cho Bible Common Language 2016

¹ Jordan ah akhei täng khaw avang cu Joseph ah hta angvai ba Manaseh ah ang shon, amshah kyongchang gui am pek ah kyak ci. Kilead ah pa Machira cu Manasseh ah hta angvai pikbäih ah kyak ci, m’gäi ciah gakap ah kyak ci. Cun ah kyasei Jordan ah a kiangtäng Kilead la Bashan khaw cu ani am pek ah kyak ci.

JOSHUA 17:1 Referans Kwoze

KHEI NAK 26:29

Manasseh pakhui: Manasseh ah hta Machira cu Kilead ah pa ah kyak ci, aka ung pahta gui au Kilead ah ng’shon ah kyak ci gui:

ATÜNNAK 41:51

Ani naw, “Ka yaica gui avan la kapa ah kyongkhui avan ka m’hnih vai ah Khanpughi naw bik ci nei” ci neta, a hta htük cu Manasseh ah sui ci.

ATÜNNAK 50:23

Ani naw Ephraim ah hta gui la tu gui cu ghing ne hmu gui ci. Manasseh ah hta Machira ah hta gui phi kyong khui ami pyan güt om püi gui ci.

ATÜNNAK 46:20

Egypt khaw ah Joseph ah hta goi cu Manasseh la Ephraim ah kyak ci. Achu Ashenath cu Heliopolis taigüpa Potipha ah hta hnumi ah kyak ci.

ATÜNNAK 48:18

Joseph naw apa am, “Pa aw, kä cäkcha ah nei, shin ah hmaw cu ang vaipi, ani ah lu ah khan ah na k’pat lam kut na taih vai” cik ci.

1 SHONTÄP NAK 2:23

Keshura la Aram uknak naw gawnu chuk kip cu näng u ne, Jaira la Kenath ung pigaw hta gui la apeiyung ah gawnu gui phi khäm ci gui. A cu ah om ciah chang gui ami van cu Kilead ah pa, Machira ah hta ng’shon gui ah kyak ci.

SUKI GUI 5:14

Ngami cu Ephraim ungka khaw nawi ah lawk ci gui, Benjamin pakhui la ak chang gui ah hnu ah läk lawk ci gui. Gabawi gui cu Machira ungka lawk ci gui, Bawi gui cu Zebulun ungka lawk ci gui.

THULÄÄN NAK 21:17

Ani naw a hta htük cu am hni pi ah chu ah hta ah kä a kyak ung phi, a khawh akpai law gui ung ani am a goi ah a pek vai. Chang naw a hta htük cu a yum vai, ani cu ng’hlawi ciah hta tahnga ah kyak sei, ak chaw cu pek vai.

KHEI NAK 32:33

Cun ah kyasei Moses naw Kad la Reuben pakhui gui la, Manasseh pakhui amshah Amorit ghangpughang Sihon la Bashan ghangpughang Og ah khaw avan cu gawnu gui la a pei yung ah khaw gui mah ah pei gui ci.

KHEI NAK 27:1

Joseph ah hta Manasseh, Manasseh ah hta Machira, Machira ah hta Kilead, Kilead ah hta Hepher, Hepher ah hta Zelophehad ah kya ci. Zelophehad cu hnumi gui bäng ah hta ci, cun gui cu Mahlah, Noah, Hoglah, Milcah, la Tirzah ah kyak ci gui.

ATÜNNAK 48:17

Joseph naw apa naw akpat lam a kut Ephraim ah lu khan ah a taih cu hmu ne, kä yei neta, apa ah kut cu la ne Ephraim ah lu ungka Manasseh ah lu khan ah tai sak ci.

JOSHUA 17:2

Jordan akhei täng khaw cu k’pawih ba ciah Manasseh kyongchang gui am pek gui ah kyak ci; cun gui cu, Abiezer, Helek, Asriela, Shechem, Hepher, la Shemida. Shin gui cu Joseph ah hta Manasseh ah hta ng’shon pami gui ah kyak ci. Ngami cu ami kyongchang vaihta gui ah kyak ci gui.

ATÜNNAK 41:52

“Zaica nak ah khaw ung Khanpughi naw hta na pek ci nei” ci ba neta, a hta ba cu Ephraim ah sui ci.

2 SAMUEL 2:9

A cu ah Abner naw Ishbosheth cu, Kilead, Asher, Jezreelaa, Ephraim la Benjamin khaw gui ah ghangpughang, akcang ah Israel khaw avan uk khai ah hmoh ci.

EZEKIEL 47:13

Uktu Bawipa naw pyen ci, “Shin cu khaw ah khogii gui ah kyak ci, pakhui gha lei goi naw ami ng’pai vai ah kyak ci. Joseph pakhui naw a goi ah a gah vai ah kyak ci.