JOSHUA 16:10 - Cho Bible Common Language 2016

¹⁰ Cun ung phi ngami naw Kanaanit gui cu kä k’täm hlawt ci gui, ngami cu Keyera ung om ci gui. Cun ah kyasei Kanaanit gui cu Ephraimit gui ah ng’lung ah tuhngawi güt om tuk ci gui, cun ung phi ngami cu khleihtein ah tha gui ne bii ami bi sak gui ah kyak ci.

JOSHUA 16:10 Referans Kwoze

SUKI GUI 1:29

Ephraim pakhui gui naw Keyera mang gaw ung om ciah Kanaanit gui cu kä k’täm gui ci gui, cun ah kyasei Kanaanit gui acun ung ngami awn a täng ah om ci gui.

1 GHANGPUGHANG GUI 9:16

(Egypt ghangpughang naw Keyera cu tu ne khäm ci, pigaw chang gui ngawn gui ne, mang gaw phi mei awn m’khih ci, Ani naw cun cu a hta hnumi la Solomon ani ng’chungla yah ung ng’chungla them ah a pek goi ah kyak ci.

JOSHUA 17:13

Israel chang gui ami khüighat law kawn ung phi, Kanaanit gui avan kä täm gui hlawt ci gui, ngami naw bii bi sak gui ci gui.

JOSHUA 15:63

Cun ung phi Judah chang gui naw Jerusalem ung om ciah Jebusit gui cu kä täm hlawt ci gui. Jebusit gui cu tu ä güt Judah chang gui awn a täng ah om ci gui.

JOSHUA 10:33

Keyera ghangpughang Horam law ne Lachish cu kum lawk ci. Cun ung phi Joshua naw a mät la a gakap gui cu hnim gui ci, a u phi kä m’ghin ci.

JOSHUA 16:9

Cun ung gawnu gui, gawhta gui phi da ci, cun gui cu Manasseh khawgii kyong ah kyak ci, cun ung phi cun gui cu Ephraim gui am pek gui ah kyak ci.

JOSHUA 17:12

A i ah kyasei phi, Manasseh chang gui naw cun ah mang gaw gui ung om ci gui ah chang gui cu kä täm gui hlawt ci gui. Cun ah sei Kanaanit gui cu acun ung om tu lä ci gui.

1 GHANGPUGHANG GUI 9:15

Ghangpughang Solomon naw Taigüim la mangim cawh nak ung, mang gaw ah a kiangtäng ung m’dek be nak ung, mang gaw k’pang cawh nak ung chang gui akghat ah ghüh gui ne bi sak gui ci. Ani naw ngami cu Hazor, Mekiddo la Keyera mang gaw gui cawh nak ung phi mang gui ci.