JOSHUA 15:9 - Cho Bible Common Language 2016

⁹ Cun ungka naw Nephtoah tuilong ung hteit ne, Ephron m’htung pei mang gaw ung gawk ci. Cun ungka naw Baalah (Kiriath Jearim) täng ah ng’hlat ci.

JOSHUA 15:9 Referans Kwoze

1 SHONTÄP NAK 13:6

David la chang gui cu Judah khopäng, Kiriah Jearim ah kyak ciah Baalah mang gaw ah hteit u ne, Cherubim ah khan ung om ne, Cherubim ah khan ung om ne, Bawipa ah ng’ming nak ciah Khanpughi ah Thukhän M’küm cu lak ci gui.

JOSHUA 18:15

A htum täng ung khogii cu, Kiriah Jearim ah ang kit ung tün ne hteit ne, Nephtoah tuilawng ung gawk ci.

SUKI GUI 18:12

Ngami hang kai u ne, Judah khaw, Kiriath Jearim akhei ung phung tu ne om ci gui. Cun ah kiasei cun ah hmun cu Dan phung ah tü ä güt pyen ci gui.

2 SAMUEL 6:2

Ngami cu Judah khaw, Baalah ah tüi gui ne, Khanpughi ah Thukhän M’küm cu lak sak gui ne, Cherubim gui ah khan ah ngo ciah Hlüngtai ciah Bawipa ah ming awn nami law püi vai cik ci.

JOSHUA 9:17

Cun ah kyasei Israel chang gui naw tün ne hteit u ne, a hnüüp thum ung shin ah chang gui ah om nak ah mang gaw gui ah gawk ci gui. Cun gui cu Kibeon, Chephirah, Beeroth, la Kiriah Jearim ah kyak ci.

1 SAMUEL 6:21

Ngami naw Kiriah Jearim chang gui am ng’shä tüih ne ami pyen sak gui ci, “Philistin gui naw Bawipa ah Thukhän M’küm law püi ba ci gui nei, law ne la law vä” cik ci gui.

JOSHUA 15:29

Baalah, Lim, Ezem,

JOSHUA 15:60

Cun kawn ah Kiriath Baala (Käcug Kiriath Jearim) la Rabbah mang gaw hnih lawk ci, ami pei yung ah gawnu gui mah ah kyak ci.