JOSHUA 15:7 - Cho Bible Common Language 2016

⁷ Cun ungka naw khüikha khaw nawi ung hteit ne Debira ung gawk ci. Cun ungka naw a siiptäng ah ng’hlat ne kialkal ung gawk ci, acun ah ahmai lam khaw nawi ah a htumtäng ah Adummim hteng om ci. Cun ungka naw Enshemesh tuilong ung hteit ne Enrokel ung gawk ci.

JOSHUA 15:7 Referans Kwoze

1 GHANGPUGHANG GUI 1:9

Hnüüp ät ung Adonijah naw Enrokel tuihta ah pei, Phyu Lung Song ung htome, pat hta la plan ciah sei hta gui awn khawihnah ci. Ani naw a hei David ghangpughang ah hta gui la Judah ah ka ghangpughang ah bawi gui cu, cun ah khawihnah mang ei ung ami law vai ah khü gui ci,

2 SAMUEL 17:17

Abiatha ah hta Jonathan la Zadok ah hta Ahimaaz cu Enrogela tui hta Jerusalem gaw k’cawi ah ngäng ci goi, a i ah kyasei ci ung, ngani cu chang a hmuh goi vai kyi ne mang gaw kyong ah kä lut ci goi. Changshäm hnumi hta naw a i ai ah kyak ciah a mawng gui cu m’thein law ba goi sei, ngami naw hteit ne ghangpughang David am m’thein ba ci goi.

JOSHUA 7:26

Ngami naw ani ah khan ah lung akdäm ah pum ci gui, cun cu tuih güt acun ung om ci. Cun ah klia sei cun ah hmun cu tu ä khükha khaw nawi ah sui ci gui. Cun kawn ah Bawipa cu kä m’lungshe ba ci.

ISAIAH 65:10

Ngami naw kei cu na khawihnah khai gui, ngami naw ami htome gui la ami seipat gui cu akhei täng ung sharon dou ung, ak kyang täng ung khüikha khong nawi ung ami lum vai ah lam shüm khai gui.

JOSHUA 15:15

Ani naw cun ungka naw hteit ne Debira ung om ciah chang gui cu tu gui ci. (Cun ah mang gaw cu Kiriath Sepher ah khü ci gui.)

JOSHUA 10:43

Cun kawn ah Joshua la a gakap gui cu Kilkal phung ah law ba ci gui.

JOSHUA 7:24

Joshua la Israel chang gui am van naw, Achan ni, ngui ni, ghui ni, suinu ni cu la u neta, Achan ah a hta pami, a hta hnumi gui, a sei gui, a me gui, ang sela gui la a phung im mah ah ani ah khawh phung avan la u ne, khüikha khaw nawi ah hteh püi ci gui.

JOSHUA 4:19

A cha ät nak ah a hnüüp gha hnüüp ung chang gui naw Jordan tuinu cu hei kat u neta, Kilkal ung phung tuk ci gui, cun cu Jerikho a kyangtäng ah kyak ci.

JOSHUA 15:6

Beth Hoklah ah khüt sei ng’shawng ne, a siiptäng m’htung lai ung gawk ne, Jordan khaw nawi yuk teng nak ung gawk ci, cun ungka naw Bohan lungnu ung gawk ci (Bohan cu Reuben ah hta),

JOSHUA 18:17

Cun ungka naw a siiptäng ah ng’hlat ne, Enshemesh ung hteit ne, Adummim hteng hnu nak ciah Keliloth ung gawk ci. Khogii cu un ungka yu kyum ne, Bohan Lung (Bohan cu Reuben ah hta) ung hteit ne,