JOSHUA 15:55 - Cho Bible Common Language 2016

⁵⁵ Cun kawn ah Maon, Karmela, Ziph, Juttah,

JOSHUA 15:55 Referans Kwoze

1 SAMUEL 25:2

A cu ah Kaleb pahta ung ka Nabala ming nak ciah chang om ci, ani cu Maon gawnu ungka, karmela gawnu pei ah khawpäng ciah kyak ci. Ani cu a täng ah bühmang ci, htome phia thum kip la me phia gha tak ci. Achu Abigail cu kyom ne lulang ci, cun ung phi ani cu chang sawkshe, m’lungshe ciah chang ah kyak ci. Nabala naw Karmelaa ah a htomu k’teiu ci,

1 SAMUEL 23:25

Saul la a chang gui naw David shui vai ah hteit ci gui, cun ung phi ani naw cun ah mawng ng’ya neta, Maon bung, lungsong m’htung ah hteit ne om ci. Saul naw a cun ng’ya neta, David ah a hnu ah k’täm ci.

JOSHUA 15:24

Ziph, Telem, Bealoth,

ISAIAH 35:2

Khaw ng’kiang khaw naw ng’äi m’cu ne, yei ne m’lau khai; cun cu Lebanon m’htung ah mäih ah kyom khai Karmela la Sharon kho ng’lei ah mäih ah anglei nik khai. Chang naw Bawipa ah bämcam nak hmuk khai, ani ah dämduh nak la huham phi hmuk khai.

2 SHONTÄP NAK 26:10

Ani naw khaw ng’pyä ung khäng ciah tänghän gui cu co ne, tui k’büm gui phi akda co ci, a i ah kyasei ci ung, akiangtäng khaw gui la khawdo ung ani ah sei vuhchah gui akda om ci. Ani cu lolai bi hlük ciah kya ne, chang gui naw khogui yung ah sapyit gui ami geit vai, anglei ani nak ung ami geit kaw vai ah pyen ah gui ci.

1 GHANGPUGHANG GUI 18:42

Ahab ei ei khai ah a hteh sangung, Elijah cu Karmela M’htung lai ah kai neta, am’khuuk goi ah ng’lak ung alu m’hluh ne, m’dek ung kawp ci.

1 SAMUEL 25:7

Ani naw, nang naw na hto gui amu na k’teiu cu ng’yak ci nei. Nang naw na hmat vai ang yak hlü cu nang ah htoshäm gui cu keimi awn a täng ah om ci gui, keimi naw a i ah kä kami ci gui ci. Ngami kamela ung ami om yah ah pum ngami ah ka cu a u naw kä m’guk ci.

JOSHUA 15:54

Humtah, Hebron, la Zior mang gaw kaw lawk ci, ami pawi yung ah gawnu gui mah ah kyak ci.

JOSHUA 15:56

Jeyreela, Jokdeam, Zanoah,

JOSHUA 21:16

Ain, Juttah, la Beth Shemesh, cun gui la ami khuli khaw gui; Judah la Simeon pakhui ungka mang gaw kaw,

1 SAMUEL 15:12

A ngawi ung kho ngawi hta ani cu Saul hmu khai ah hteit ci. Saul cu Carmela gawnu ah hteit ci, ciah ani naw ng’yak ci, acu ah ani naw amät ah phäh ah lungtung ling ci, cun kawn ah ani cu Gigal ah hteit ba ci.

1 SAMUEL 23:24

Cun ah kyasei ngami cu ng’düi law ne, Saul ah ma ang ci gui. David la a chang gui cu Judean khaw hmun a htum täng, Moan khaw bung ng’bäng ciah khaw nawi ung om ci gui.

JOSHUA 19:26

Allam Melek, Amod, la Mishala, a hei täng ung Karmela la Shihor Libnath awn ng’chum ci.

1 SHONTÄP NAK 2:42

Kaleb ah hta angvai pikbäih, Jerahmeela ah phäi cu Mesha ah kyak ci. Mesha ah hta Ziph, Ziph ah hta Mareshah, Mareshah ah hta Hebron ah kyak ci.

1 SHONTÄP NAK 2:45

Ani ah hta cu Maon, Maon ah hta cu Bethzuga ah kyak ci.

2 SHONTÄP NAK 11:8

Kath, Mareshah, Ziph,