JOSHUA 15:47 - Cho Bible Common Language 2016

⁴⁷ Cun kawn ah Ashdod la Kaza cu gawnu gui la gawhta gui awn om ci gui, cun cu Egypt khawgii ung tuihta lawng la Mediteranean tuinu ung khüt ci.

JOSHUA 15:47 Referans Kwoze

JOSHUA 15:4

Azmon täng ah hteit ne, Egypt khawgii ah kyak ciah tuihta läk ne, Mediteranean tuinu ung khüt ci, acun ung khawgii khüt ci. Cun cu Judah khaw ah ahtum täng khawgii ah kyak ci.

LAMKTU 8:26

Khanpughi ah khankho chang naw Philip am, “Ng’düi law neh Jerusalem ung ka naw Kaza ah hteh nak lam, htum lam ah hteit ä” cine pyen nak ci. (Cun ah lam ung tuhbäi a u kä hteit ba ci.)

ZEPHANIAH 2:4

Kaza gawnu cu a u naw kä om na ba khai, Ashakelon cu khaw chawng ah kyak khai, Ashdod ung chang gui cu hnüüp m’cawt ung k’täm gui khai, Ekron ung chang gui phi ami mang gaw ungka k’täm gui khai.

JEREMIAH 47:5

Kaza chang gui ah khan ah dämduh ciah azä nak gawk lawk ci, Ashkelon chang gui cu kä ship deep ci gui. Om ba ciah Philistia gui cu a i güt thüi kyap khai gui ang?

JEREMIAH 47:1

Egypt ghangpughang naw Kazak ä atuk pha ung Philistia ah mawng Bawipa naw na ng’thu püi ci.

JOSHUA 13:3

acun ah mäih ah a htumtäng ah Awim khopäng avan ah kyak ci. (Cun ah khaw cu Shiora tuihta Egypt khawgii ungka naw, a siiptäng Ekron khawgii ung khüt cicu Kanaanit gui ah khaw ah kyak ci. Philistin ghangpughang gui cu Kaya, Ashdod, Ashkelon, Kath la Ekron ung om ci gui.)

PHYAWN NAK 23:31

Kei naw nami khawgii cu Akaba tui ng’khep ungka naw Mediteranean Tuili, bungpuk ungka naw Euphratis tuinu ung khüt khai ah ka ng’shawng sak khai. Cun ah khaw ah a bä nak ah khan ung huham ka ning pek khai, nang naw ngami cu mata gui ne na k’täm gui khai.

JOSHUA 15:46

Cun kawn ah Ashdod ah pei ah mang gaw gui la gawnu gui avan ah kyak ci, Ekron ungka naw Mediteranean tuinu ung khüt ci.

JOSHUA 15:48

Khawgui täng ung mang gaw gui cu Skamir, Jattir, Sokoh,

THULÄÄN NAK 2:23

Mediteranean tuikem ang lät cu Krete khaw täng ungka chang gui naw om nak ci gui. Ngami naw om htük ciah khawmah gui Avvim gui cu m’di gui ci gui. Cun kawn ah ami khaw avan, a htumtäng Kaza mang gaw ung khüt ne ka nak ci gui.)

JOSHUA 11:22

Israel khaw ung Anakim chang a u phi kä om ba ci; cun ung phi Kaya, Kath la Ashdod ung api om ci gui.

1 GHANGPUGHANG GUI 5:4

Cun ung phi tuhbäi Bawipa ka Khanpughi naw ka khawgi chang gui avan awn dimdeeih nak cu na pek ci. Kei ung ga kä om ba ci, na tu lawk khai phi kä om ci.

2 GHANGPUGHANG GUI 18:8

Ani naw Philistin gui cu hnim gui ne, Kaza la a pei yung ah khopäng gui mah mah ah mang gawnu, pigawhta avan ami om nak cu tu ne guttep gui ci.

2 SHONTÄP NAK 26:6

Uzziah naw hteit ne Philistin gui cu tu gui ci. Ani naw Kath, Jamnia, la Ashdod mang gaw k’pang gui cu phye neta Ashdod ah pei la pawih ba ciah Philistin avan ung khäng htet ciah mang gaw gui co ci.