JOSHUA 15:17 - Cho Bible Common Language 2016

¹⁷ Othniela, Kaleb ah phäi Keney ah hta naw mang gaw cu tu ne khäm sei, Kaleb naw a hta hnumi Achsah cu chu na sak ci.

JOSHUA 15:17 Referans Kwoze

SUKI GUI 3:9

Cun kawn ung Israel gui cu Bawipa ah ma ah kyap ne m’lau ci gui, cun ah kyasei ngami m’hlaut gui khai ah chang cu ani naw tüi lawk ci. Cun cu Kaleb ah nau ak hmaw pi Kenaz ah hta Othniela ah kyak ci.

SUKI GUI 1:13

Othniela, Kaleb ah nau Kenaz ah hta naw mang gaw cu tu ne näng sei, Kaleb naw a hta hnumi Achsah cu akchu nak vai ah pek ci.

SUKI GUI 3:11

Cun ah khaw ung khaw kum phlikip dimgei nak om ci, cun kawn ah Othniela cu sik ci.

JOSHUA 14:6

Hnüüp ät ung Judah pakhui ungka chang amshah cu Joshua ah om nak Kilkal ah lawk ci gui. Ngami ungka Kenizzit chang Jephunneh ah hta Kaleb naw a pyen nak cu, “Kadesh Banear ung, nang la kei ah mawng, Khanpughi ah chang Moses am Bawipa naw a pyen nak cu nang naw na hmat ci.

1 SHONTÄP NAK 2:49

Cun kawn ah ani cu hnih ah hta bamä ci: Shaaph, ani naw Madmannah gawnu süm ci: Shevah, ani naw Makbenah la Kibea gawnu goi k’süm ci. Cun kawn ah Kaleb ung a hta hnumi Achsah om ba ci.

KHEI NAK 32:12

Cun cu avan ah kya ci, cun ung phi Kenizzit chang Jephunneh ah hta Kaleb la Nun ah hta Joshua cu kä pa tuk ci goi, ngami cu Bawipa ung bekhüt ci goi.

JOSHUA 15:16

Kaleb naw, “Kiriath Sepher tu ne näng ci am ka hta hnumi Achsah ka chu na sak khai” cik ci.

1 SHONTÄP NAK 4:13

Kenaz ung a htapa hnih om ci, Othniela la Seraiah ah kyak ci. Othniela ung a htapa hnih om ci, Hathath la Meonothai.