JOSHUA 14:8 - Cho Bible Common Language 2016

⁸ Cun ung phi kei awn a täng ah kami hteit ciah chang naw mi chang gui kyikyawk khai gui ah bik ci. Cun ung phi kei naw Bawipa ka Khanpughi cu bekhüt ne ka läk ci.

JOSHUA 14:8 Referans Kwoze

KHEI NAK 14:24

Cun ung phi ka changshäm Kaleb ung amlung ngaih a hei hnga om ci, ani cu kei ung bekhüt ci, kei naw ani cu ava däät nak te ah khaw ung, ka hteh püi khai, ani ah htangshon naw cun ah khaw cu khäm khai gui.

THULÄÄN NAK 1:36

Jephunneh a hta Kaleb bäng lut khai. Ani cu tuh ä kei ung bekhüt ci. Kei naw ka däät pyi ah khaw cu ani la a htangshon am ka pek khai.’

JOSHUA 14:14

Hebron cu tu ä güt ung, Kenizzit chang, Jephunneh ah hta, Kaleb ah htangshon naw kaa nak ci. A i ah kyasei ci ung ani naw Israel Khanpughi Bawipa cu bekhüt ne a läk ah hmawk ah kyak ci.

KHEI NAK 13:31

Cun ung phi Kaleb awn a täng ah hteit ciah chang gui naw, “Ka, ngami näng nak gui hlawt vai ah mikmi kä mi k’thamah ci nei. A cu ah om ciah chang gui cu mikmi ah ta huham mah pi ci gui nei.

THU PHLAAN 14:4

Ngami cu hnumi awn kä ng’etsheng man ciah ng’piangmi hta gui ah kya ne, htomehta ah hteh nak päng ah läk tuk ci gui. Ngami cu chang ah hta avan ungka a ghü gui ah kyasei, Khanpughi la Htomehta ung ng’ap ma ci gui ah kyak ci.

KHEI NAK 32:12

Cun cu avan ah kya ci, cun ung phi Kenizzit chang Jephunneh ah hta Kaleb la Nun ah hta Joshua cu kä pa tuk ci goi, ngami cu Bawipa ung bekhüt ci goi.

KHEI NAK 14:1

Amü pum ung chang gui cu thüisei ne kyap ci gui.

THULÄÄN NAK 1:28

A i ah kyasei cau ah mi hteh vai ang? Keimi kami kyik ci. Mi tüih ah chang gui naw ami na m’thein law ba gui cu aca ah om ciah chang gui cu mikmi ah ta ng’gho sau pi u ne, gai pi ci gui, ngami cu khawmik han pha sei vong pang ah mang gaw gui ung om ci gui. Ngami cu chang ah pughi gui ah kyak ci gui.