JOSHUA 14:15 - Cho Bible Common Language 2016

¹⁵ Kä cun pha ung Hebron cu Arba mang gaw ah khü ci gui. (Arba cu Anakim gui ah akdäm pikbäih ah kyak ci.) Cun ah khaw ung tuhbäi dimdeeih nak kä om ci.

JOSHUA 14:15 Referans Kwoze

JOSHUA 11:23

Joshua naw khaw avan khäm ci, cun cu Bawipa naw Moses am a thumkhän ah kyak ci. Joshua naw Israel gui am ami kaa nak vai ah pe gui ne, tän ne k’bou gui ci, khui ät naw bung ät ci gah ci gui. Cun ah kia ne chang gui cu ng’tuk nak ungka ng’düm ci gui.

ATÜNNAK 23:2

Ani cu Kanaan khaw Hebron gawnu ah si khäta, Abraham cu anghtei ah thüi kyap ci.

SUKI GUI 3:11

Cun ah khaw ung khaw kum phlikip dimgei nak om ci, cun kawn ah Othniela cu sik ci.

JOSHUA 15:13

Bawipa naw Joshua am ang thumkhän ah mäih ah Judah khopäng ah avang cu Judah pakhui, Jephunneh ah hta Kaleb am pek ci gui. Ani naw Hebron cu gah ci, Cun cu Anah ah apa Arba ah khäm ah mang gaw ah kyak ci.

SUKI GUI 8:28

Midianit cu Israel gui naw ami hnim pyi ah kia ne kyin kyawk vai ah kä kya ba ci. Cun ah khaw cu Kideon a sih ung khüt ne khokum phli-kip ung dimdeeih ci.

SUKI GUI 5:31

O Bawipa, na ga gui ami van cu a shin ah mäih ah si u sä, cun ung phi na teihpüi gui cu hni pyii ah mäih ah ng’shü u sä! Cun ah kyasei cun ah khaw ung khawkum phli kip ung dim deih ci.

SUKI GUI 3:30

Cun hnüüp ung Israel gui naw Moab cu tu hnin ci gui, ami khaw cu khawtum cheitkip ung dimdeih ci.

ATÜNNAK 35:27

Jakob cu apa Isaak ah om nak Hebron ah pei Mamre khaw ah hteit ci. Cun cu Abraham la Isaak ah om nak ah kyak ci.

ATÜNNAK 37:14

Apa naw, “Na phäi gui ami gai la htome gui ami phyawn ah hteit ne teng neta, na na m’thein law ba vai nei” cine m’cäi ne, Hebron khaw ng’nawi ah ka Shekhem ah a hteh vai ah tüi ci. Joseph cu Shekhem ah gawk ne

JOSHUA 14:14

Hebron cu tu ä güt ung, Kenizzit chang, Jephunneh ah hta, Kaleb ah htangshon naw kaa nak ci. A i ah kyasei ci ung ani naw Israel Khanpughi Bawipa cu bekhüt ne a läk ah hmawk ah kyak ci.

JOSHUA 21:11

Ngami am Arba mang gaw (Arba cu Anak ah pa) cu ami pek gui, Cun cu tuhbäi Hebron ah pyen ci gui. Cun cu Judah khawgui ung om ci, angveing ung khuli khaw gui om ci.

NEHEMIAH 11:25

Chang akda cu ami lo pei ah gawnu gui ung om ci gui. Judah pakhui chang gui cu, shin om Kiriah Arba, Dibon, Jekabzeela la acun ah mang gui ah pei gawhta gui ung om ci gui.

JOSHUA 21:12

Cun ah mäih ah mang gaw khuli gui, acun ah gawnu gui, Jephunneh ah a hta Kaleb am akaa nak vai ah ami pek pyi ah kyak ci.

SUKI GUI 1:20

Moses ah thumkhäm ah mäih ah Hebron cu Kaleb am pek ci gui, ani naw Anak ah hta ng’shon pahta thum cu mang gaw ungka naw k’täm gui ci.

1 SAMUEL 30:31

la Hebron gawnu gui ung chang gui. Ani naw avan ung m’khäh gui ci.

1 SHONTÄP NAK 6:4

Eleazar ah htangshon ng’täm gui cu shin ah kyak ci: Phinehas, Abishua,