JOSHUA 14:13 - Cho Bible Common Language 2016

¹³ Joshua naw Jephunneh ah hta Kaleb cu hriham pe neta, Hebron mang gaw cu a kaa nak vai ah pek ci.

JOSHUA 14:13 Referans Kwoze

SUKI GUI 1:20

Moses ah thumkhäm ah mäih ah Hebron cu Kaleb am pek ci gui, ani naw Anak ah hta ng’shon pahta thum cu mang gaw ungka naw k’täm gui ci.

JOSHUA 22:6

Joshua naw hriham pe gui ne ami im ah tüi ba gui neta, shin ah m’cäi gui ci, “Nangmi cu ang htei ah bühmang ne, nami im ah nami hteit ba ci, vuhchah akda, ngui, ghui, kyei, m’sii la suisak akda nami hteh püi ci. Nami ga gui ah kaa nami lak gui cu nami pakhui chang paw gui am nami pai tu gui vai” ciah kyak ci. Cun kawn ah ngami cu ami im ah hteit ba ci gui. Moses naw Jordan a kyangtäng khaw cu Manasseh pakhui ateih am pe gui ci. Cun ung phi a hei ateih am Joshua naw Jordan akhei täng khaw cu a hei pakhui gui awn ngtäi khai ah pe gui ci.

JOSHUA 15:13

Bawipa naw Joshua am ang thumkhän ah mäih ah Judah khopäng ah avang cu Judah pakhui, Jephunneh ah hta Kaleb am pek ci gui. Ani naw Hebron cu gah ci, Cun cu Anah ah apa Arba ah khäm ah mang gaw ah kyak ci.

SOLOMON NG’Ä~ 6:9

Cun ung phi kei naw tumat bäng ka m’hni ci, ani cu müm kha ah mäih ah m’hni ah kyak ci. Ani cu anu ah tumat bäng ah a hta hnumi ah kyak ci, anu ah am hni pi ah a hmaw ah kyak ci. Hnumi gui avan naw teng u ne m’hlüngtai ci gui; Ghangpughangnu gui la akchu ba gui naw ng’äi m’cu ne m’hlüngtai ci gui.

1 SAMUEL 1:17

Eli naw, “Dimdeeih nak awn hteit ä, nang naw na k’thäh cu Israel Khanpughi naw ning pe sä,” cine m’shang ci.

ATÜNNAK 47:10

Jakob naw ghangpughang cu hrilham pe shüt neta hteit ba ci.

ATÜNNAK 47:7

Joseph naw apa Jakob cu ghangpughang ah hteh püi ne ap khäta, Jakob naw ghangpughang cu hrilham pek ci.

JOSHUA 14:14

Hebron cu tu ä güt ung, Kenizzit chang, Jephunneh ah hta, Kaleb ah htangshon naw kaa nak ci. A i ah kyasei ci ung ani naw Israel Khanpughi Bawipa cu bekhüt ne a läk ah hmawk ah kyak ci.

1 SAMUEL 30:14

Keimi naw Judah khaw a htumtäng Cherethit gui ah khaw la Kaleb pahta gui ah khaw cu tu ne, Ziklak gawnu cu kami m’khih ci nei,” cik ci.

1 SAMUEL 30:31

la Hebron gawnu gui ung chang gui. Ani naw avan ung m’khäh gui ci.

2 SAMUEL 2:1

Cun kawn ah David naw Bawipa ah ma ah, “Kei naw hteit ne Judah gawnu tumat mat la ne ka k’pan vai ang?” cik ci. Bawipa naw, “Ä” cik ci. David naw, “A hawn ah gawnu ang?” cik ci. Bawipa naw, “Hebron” cik ci.

1 SHONTÄP NAK 6:4

Eleazar ah htangshon ng’täm gui cu shin ah kyak ci: Phinehas, Abishua,

NEHEMIAH 11:25

Chang akda cu ami lo pei ah gawnu gui ung om ci gui. Judah pakhui chang gui cu, shin om Kiriah Arba, Dibon, Jekabzeela la acun ah mang gui ah pei gawhta gui ung om ci gui.