JOSHUA 14:12 - Cho Bible Common Language 2016

¹² Cun kawn ah kei la ka chang naw ng’thu kani pyen law ba hnüüp ung, Bawipa naw shaitak ana pek ah kyasei, khawgui khaw cu na peä. Keimi naw kami ning m’thein ci, Anakim ciah chang dämcham pakhui gui cu, acu ah mang gaw däm gui vongpaang ne om ci gui nei. Bawipa naw kei cu na om püi khai nei. Bawipa naw a pyen ah mäih ah kei naw ka k’täm gui khai nei” cik ci.

JOSHUA 14:12 Referans Kwoze

HEBRU 11:33

Ngami cu ami yum nak awn kho ak khan avan ung tuk bi u ne, näng nak gah ci gui. Ngami cu düng nak awn om u ne, Khanpughi ah a shaitaak cu gah ci gui, kawng hlui ah shai phi m’ghu ci gui.

PHILIPPIAN 4:13

Bawipa Jesuh Khrit ah na peit ah k’thagui awn kei naw ang’tüi avan kam khüt hning ci nei.

KHEI NAK 13:33

Chang dämghaw gui phi om u sei, kami hmu gui ci. Ngami cu Anak ah ng’shon gui ah kyak ci gui. Ngami ah ma ah mikmi cu khanpeh hlawk ah mi kyak ci” cik ci gui.

KHEI NAK 13:28

Cun ung phi acun ung om ciah chang gui cu huham mah ci gui, ami mang gaw gui cu dämduh ci gui, ak khäng htek ah ng’vongpang ci gui. Dämcham ciah chang ah htangshon gui phi om ci gui.

ROMAN 8:31

Shin ah a mawng gui avan cu teng ah a kyak ung, Khanpughi cu mik mi lam ah a om ung a u naw na hnu ng’tuk püi gui hning khai ang!

JOSHUA 15:14

Kaleb naw Anah ah htangshon gui cu mang gaw ah k’pung ah k’täm gui ci, cun gui cu Sheshai, Ahiman, la Talmai pahta gui ah kyak ci.

SAM 60:12

Khanpughi cu mikmi lam ah om sei, mikmi mi ng’näng khai, ani naw mi gaa gui cu m’di gui khai.

SAM 44:3

Na chang gui naw ami mät ah chim awn cun ah kho cu kä näng hlawt ci gui; Ami mät ah huham la k’thagui la na om ah mawng ang kheing sak nak awn, acun naw na m’hni nak gui cu dang sak ci.

2 SHONTÄP NAK 14:11

Asa cu Bawipa a Khanpughi ah taigü ci,” O Bawipa nang naw huham mah ciah gakap na m’htei ah mäih ah yoken ci phi na m’htei hning ci nei. O Bawipa kami Khanpughi, tuhbäi na m’htei gui ä, keimi cu nang ung kami ng’khüih ci nei, nang ah ming awn lut law ne shin ah däm aih ciah gakap cu kami tuk ci nei. Bawipa, nang kami Khanpughi; nang cu a u naw kä ning tu hnim hlawt ci nei.”

1 SAMUEL 14:6

Jonathan naw chang nong am, “Philistin chang hei gui ah phung ah ni va ng’kat khai. Bawipa naw na m’htei goi hman khai; ana m’htei goi ah a kyak ung kä ma ne, näng nak na pe goi khai, mi ken ung phi a i kä kyak khai” cik ci.

SUKI GUI 1:20

Moses ah thumkhäm ah mäih ah Hebron cu Kaleb am pek ci gui, ani naw Anak ah hta ng’shon pahta thum cu mang gaw ungka naw k’täm gui ci.

KHEI NAK 21:34

Bawipa naw Moses a pyen nak cu, “Cän ah chang kä na kyih en vai, ani ah khan, akchang avan, a khaw avan ah khan ah kei naw näng nak ka ning pek khai. Heshbon uk ciah Amorit Ghangpughang Sihon ah khan ah na bi ah mäih ah na bi vai” cik ci.

THULÄÄN NAK 1:28

A i ah kyasei cau ah mi hteh vai ang? Keimi kami kyik ci. Mi tüih ah chang gui naw ami na m’thein law ba gui cu aca ah om ciah chang gui cu mikmi ah ta ng’gho sau pi u ne, gai pi ci gui, ngami cu khawmik han pha sei vong pang ah mang gaw gui ung om ci gui. Ngami cu chang ah pughi gui ah kyak ci gui.

2 GHANGPUGHANG GUI 19:4

Assirian uktubawi ah tüih law ah gabawi naw ghing ciah Khanpughi cu päipih ci. Na Khanpughi Bawipa naw cun ah päipih nak ah ng’thu cu ng’ya ne, cun ah ng’thu ci gui cu m’kyuk gui sä. Cun ah kyasei pawih ba ciah mi chang gui ah phäh ah Khanpughi ah taigü ä.”

THULÄÄN NAK 9:1

“Ngai vä, Israel chang gui, tuhngawi nangmi Jordan tuinu nami kat lawk khai, Nangmi ah dämduh pi ne huham mah pi ciah khaw nami tu lawk khai, ami mang gaw gui cu däm ci khawmik ah khüt khai ah ami vongpang ah kyak ci.

THULÄÄN NAK 9:3

Cun ung phi tuhbäi nami mät naw nami hmuk khai, Bawipa nami Khanpughi cu mei m’lei ah mäih ah nami ma ung hteit khai nei. Ani naw nami ma ung hnim gui khai nei, cun ah kyasei a shaitak ah mäih ah nangmi naw ng’ghit ah k’täm gui u ne, nami m’di gui khai nei.