JOSHUA 14:1 - Cho Bible Common Language 2016

¹ Shin gui cu Kanaan khaw Jordan tuinu ah akhei täng cu Israel chang gui naw a i hawkcha ah ami ng’pai ciah mawng ah kyak ci. Taigü Eleayar, Nun ah hta Joshua la Israel pakhui kyong chang ung ami ng’vai gui naw chang gui am k’pai gui ci gui.

JOSHUA 14:1 Referans Kwoze

LAMKTU 13:19

Ani naw Kanaan kho ungka changpakhui chih cu nawng gui netah, cun ah kho cu ak chang gui am khäm sak gui ci.

KHEI NAK 34:13

Cun ah kyasei Moses naw Israel gui a pyen nak gui cu, “Shin cu nangmi naw htung ng’yuk neta nami gah vai ah khaw ah kyak ci. Shin cu Bawipa naw pakhui kaw, la amcawt am a ap ah khaw ah kyak ci.

KHEI NAK 34:16

Bawipa naw Moses pyen nak ci,

THULÄÄN NAK 12:10

Jordan tuinu nami kah law ung Bawipa naw khaw cu ning khäm sak gui sei, acu ah nami om khai. Ani naw nami ga avan ungka ning phyawn sak gui sei, nangmi cu ding gei sei nami om khai.

JOSHUA 13:6

Cun ung Sidonian gui ah khopäng avan k’um ci. Ngami cu khogui khaw Lebanon khomhtung gui la Misrephoth Maim ah ang lak ung om ci gui. Kei naw shin ah chang gui avan cu Israel chang gui ah ma ung ka k’täm gui khai. Kei naw na bi vai ah ka ning thumkhän ah mäih ah shin ah khaw cu Israel gui am na k’pai gui vai.

JOSHUA 19:51

Taigü Eleazar, Nun ah hta Joshua, la Israel pakhui kyongchang ung ami ng’vaihta ui naw shin ah khaw k’bou gui cu, m’shüih tawk ne Bawipa ng’shithäh u neta, Shilon ung ng’pai ci gui, cun cu Bawipa ah om nak ah Phung ung valuh nak ah kyak ci. A cu cha ah ngami naw khaw ami ng’pai cu pyi phleh ci gui.

JOSHUA 21:1

Levit kyong chang gui ah ami ng’vaihta gui cu Taigü Eleazar, Nun ah hta Joshua la Israel pakhui avan ah kyongchang gui ah ami ng’vai gui ah hteit ci gui.

EZRA 7:5

Bukki cu Abishua ah hta, Abishua cu Phmehas ah hta, Phinehas cu Eleazar ah hta Elesyar cu Aaron ah hta ah kyak ci.

EZEKIEL 45:1

Israel pakhui gui am khomdek nami k’pai law gui ung, khaw bung ät cu Bawipa ah phäh ah nami ap vai. Cun cu ayun mile cheit, akdang mile chuk lawk khai. Cun ah hmun avan cu a theingcim vai.